❤️غلطه حب ❤️

غلطه حب الجزء الثاني البارت الاول

البطلات
هَنا وزينه
شفق ونرجس
جيداء ورئ
.
بعد مرور ٤ سنوات على علاقتهن الي كضنها كل يوم وكل موسم
كبرت وياهن المحبه المتبادله والثقه المزروعه بداخل گلب كل وحده...
بدت هَنا
بالدراسه بالكليه
لأن خلصت من الخارجي ونجحت وطبعا بفضل زينه الي ما تركتها ابد ودخلتها معهد دراسي وجابتلها مدرسات لكل المواد صح عانت من الغيره لأن جانت تشوف أن المدرسات جميلات الشكل ولطيفات ويه هَنا
فحست بغيره بس مع ذالك هي واثقه بان هَنا مراح تشوف غيرها ومراح اصلا تباوع على وحده غيرها وهي تحبها مثل ما زينه تحبها
وبفتره الأربع سنوات هَنا جانت تكضي يومها كله بالدراسه وبالشغل ...وطبعا زينه اقترحت على ابوها لهَنا
بان تسكن هي وياها ببيت وحدها ...وطبعا بالبدايه ما وافق ورفض بس زينه كالتله ان هي راح تسكن بالبيت الي كبالهم الي
جانوا عارضي للبيع
ومن حسن حض زينه أن البايع جاين رايده بمبلغ ٩٠ مليون
وطبعا هي جانت متمكنه زينه فأخذته لهل البيت واثثته وكعدت بي هي وحبيبتها هناوي ...
.
احداث قبل شراء البيت
.
بالشهر الخامس من سنه ٢٠٢٤
تاريخ ١١مايو
درجه الحراره ٤٠
..
الساعه ٥:٠٦
عصرا
ليوم السبت
اندكت الباب على بيت ابو هَنا
بعد ما طبكت السياره
بعتبه بابهم...
من طلعت صاحبه الكاريزما العاليه بالملابس الراقيه والجسد الرياضي الممشوق
(زينه)
وبايدها باقه ورد  ..فايحه ريحته الطيبه وهديه وهي تتقدم بالكعب العالي لبيت
حبيبتها الحبوبه
تنزع النضاره وراها تدك الجرس والباب ...(سوله العراقيين يدكون الجرس وراها الباب ما اعرف ليش؟)
.
وما طولت الا وثواني
تنفتح الباب وتصادفها هَنا
الي اول ما شافتها انرسمت الابتسامه على وجها
مبادلتها زينه نضرات الحب ...
وهي تشوف حبيبتها لابسه ومتكشخه بفستان جميل وانثوي ومسويه تسريحه كلش حلوه ولايكتلها وعطرها الي رسلته رياح الهوا لخشم زينه الي حست بطاقه ايجابيه وشعور براحه مو طبيعيه وكلبها حيل فرحان
.
زينه وهي تحط أيدها على ذقنها
وترفع حاجبها 🤔
العفو
بس كأن اني امخربطه بالعنوان لأن اني رايحه لبيت خالي
شجابني لقصر الاميرات ممكن اعرف هذا بيت حبيبتي لو بيت الاميره ديانا ؟
.
هنا
ها..ها..ها..ها
ما يضحك اعرفج جايه تتنمرين عليه...بس هو مو صوجج صوجي اني عود ردت اتأنقلج
.
ولفت تريد تروح بس الي منعتها ايد زينه لمن جرتها من خصرها وكالتلها
تعاي وين رايحه
جاي اشاقيش شبيج ياعيني بعدين والله نيتي مو اتنمر عليج
بالعكس طالعه كيكه بهل الفستان
وبهل التسريحه الحلوه
تشم بريحتها زينه لمن حطت خشمها بركبت الأصغر الي
ضحكت على تصرفها
.
شداسوين
(بضحكه خفيفه )
.
زينه وهي تدفن وجها بركبه الأصغر
لحضه لحضه
خليني شويه اشبع صدري
بريحتج يا عيني
مو والله مشتاقتلج حيل الله شهل الريحه الحلوه
تدرين ريحتج طغت على ريحه الورد الي بايدي
.
هَنا وهي تبعد زينه عن ركبتها
كافي عاد خلينا نطب تره كلهم جوه اهلي
يروح لا احد يشوفنا ...
.
زينه وهي بعدها مقاومه ومچلبه بالاصغر
بس خمس دقائق
شمه وحده
بس
وحده ....افيش والله ريحه ..
.
وبعدها حاطه راسها بنص ركبت الي حست أن الأكبر
بدت تبوس بيها
كبل وخرت عنها وبربكه كايله للي حست ووعت على واقعها
.
زينه
مو جايه اكلج كلهم جوه بعدين اني ادري بيج بس انطيج مجال شويه ما توعين بعد على حالج ...
.
تقدمت زينه مره لخ ولازكه بيها وهي تحط وجها بوجه الأصغر الي فتحت عيونها على وسعهم
مو انتي السبب
.
ردت
هَنا باستغراب
اني ؟
.
زينه وهي تباوع بوجها وعيونها تنتقل لكل ملامحها
اي
انتي
يعني مثل الي تسحريني ...أو تسويلي شي بحيث أتوه
وكل شي يصير مغوش كدامي ما عداج وشويه شويه رجليه وايديه وكل جسمي يلزك بيج بحيث هسه عقلي وكلبي تدرين شيكوللي
.
هنا وهي تتوتر وتتبلعم من الاقتراب زينه الها
وهي تباوع عيونها على شفتها ونفسها الي يضرب بشفتها
(شيكولن)
.
زينه
يكولن لشفتي بوسيها
.
وبها اللحضه تقدمت زينه وطبكت شفتها بشفه الي بادلتها
وره ثواني
فصلتها هنا وجانت تباوع على زينه الي جانت تتأملها
تبادلن الابتسامه ورادت تبوس مره لخ لو لا اجت بيبيتها لهنا
وصاحت
زينه
هاي اجيتي بيبي
.
وهَنا بسرعه تركت زينه وطفرت من مكانها
مستحيه ووجها احمر صار ..عكس زينه الي
كتمت ضحكتها وحاولت تبين طبيعيه
فكالت
بيبي
شلونج ياغاليه
وتتقدم نحوها وتبوس راسها..وتنطيها مبلغ معين من جيبها
وتكلها هامسه بأذنها
بشرفج بيبي اكوفي وياي ها وقنعيلي خالي بسالفه البيت تمام
على بختج تره حياتي واكفه عليج اضيع اضيع بيبي
اذا خالي رفض ...
.
بيبيتي
ما عليج خليها عليه اني اعرف شلون اقنعه
(وهي تحط الفلوس بجوزدانها)
.
زينه وهي تبوس بيبيتها
الله يخليلياج حجيه على هل الحچي يمين عليه ماكو
الا اشتريلج محبس ذهب من هذا ابو الواحد وعشرين
.
بيبيه هَنا
كلام موثوق لو بس حجي
.
زينه
كلام موثوق وداعت الغوالي
(وهي تعاين على الي جانت واكفه ومبتسمه على سوالفهن.وتغمزلها.)
.
بيبيه زينه وهَنا
الله يخليهم لجهالج
.
ضحكت زينه ضحكه مستهزئه من كلام بيبيتها كل اعتقادها أن تقصد على ولدها ما تدري ان هي قاصده حفيدتها ...الي جانت كاتمه الضحكه بالكوه
.
تمام بيبي يله ندخل
.
.
.
بالصاله
والي جان الكل موجود ومسوين احتفال بمناسبه عيد ميلاد
ابن زهراء
(محمد)
والي صار عمره ٤ سنوات...
.
.
بدت الكل يصفكون ويحتفلون وشغلوا الاغاني وبدء الكل يركص
ويصفك لحد ما شعلوا الشموع وكاموا يصفكوله ويغنون
Happy birthday to you اله
وطبعا
زينه قدمت باقه الورد وهديه حمودي لزهراء
الي جانت فرحانه...بعيد ميلاد ابنها ...
وتقدمت زينه بصف هَنا
وحطت أيدها بايد الأصغر الي ابتسمت لمن شافتها
تغمزلها...ورفعت موبايلها وطكت صوره الها هي وهَنا
لحد ما خلصوا الاحتفال
.
شاورت زينه هَنا من اذنها
امشي نروح لغرفتج حبيبي
.
هَنا مستغربه
ليش؟
.
زينه
هسه بلا ليش دخروح وبعدين تعرفين ليش يا عيوني
.
هَنا
وبلكت اتحرشتي بي ...ادري بيج ما تكعدين راحه الا اتمدين ايدج...
.
زينه
لا ...لا تخافين مراح اسوي شي ادري المكان مو امان
بس اني رايده افاجئج بشي ...
.
هَنا (حست أن زينه صدك عدها شي )
اوك ...
.
وبهل اللحضه ولمن جانوا الكل مشغولين اتسحبن الكوبلز الحلو
زينه وهَنا
للغرفه
ولمن دخلن الغرفه وقفلت الباب زينه
أهنا لزمت هَنا وحضنتها وباستها من شفتها للي وخرت وكالت
زينه مو على الاساس ما تسوين شي
حبيبي تره اخاف أحد يعرف بينا وتصير مشكله.. كلش خايفه...
.
زينه وهي تكمش
وجناتها وترجع تطبع بوسه على جبهتها
وترد
لا تخافين روحي انتي من هل الدنيا
والله مراح اخليهم يعرفون ...بس اني من كثر ما احبج
ما جاي اتحمل الزم نفسي عنج وكلش جايه اشتاقلج
ما تتصورين شكد مشتاقه الج واتمنى ابقى وياج أنام سويه ونكعد سويه وناكل ونشرب ونطلع ونطب ...
.
هَنا
وهي تحضن زينه
عبالج ما اتمنى هل الشي بالعكس كلش بخاطري اعيش وياج واسوي كل هل الشغلات اوياج بحيث أظل لازكه بيج ٢٤ ساعه لحد ما تملين مني
.
زينه وهي تبادلها الحضن
وتعصرها بقوه
امل منج
دخل اشبع منج ياله خاطر امل ياعيني
بعدين وين اكو وحده تمل من حبيبتها
هو اني بالكوه حصلتج تريدين اوخر عنج ...
.
هَنا (وهي تحب كلام زينه)
احبج حيل زينه كلش احبج
.
زينه
واني اموت عليج يا بعد عشيرتي وناسي
.
تمام خليني اكلج هسه شنو المفاجاه
.
هَنا
وهي توخر عن الي طلعت المفتاح من جيبها
ومراويته للي استغربت .
.
زينه
هناوتي عمري انتي
تذكرين قبل ايام قليله كلتيلي اريد اعيش وياج بفد بيت
وزهكت من سالفه ابات عندج ببيتج وانتضر الخميس بطلاع الروح ياله يجي حتى اجي اكضي هل اليوم وياج
.
هَنا
اي
صحيح كلت
.
زينه
مدام بنت كلبي كالت فلازم انفذلها كل طلباتها
واحلامها
فهسه احزري شنو هذني ياترى
.
هَنا
مفاتيح
.
زينه
اي مفاتيح مال شنو تتوقعين
.
هَنا
مال شنو محل ثاني غير محلج شنو فتحتي فرع جديد
.
زينه
لا ياعيني محليش
مال بيت
.
هَنا وهي تعقد حواجبها
يابيت ؟
.
زينه
هناوتي حبي ركزي وياي
قبل يومين مو جوارينكم الي كدامكم باع البيت
.
هَنا
اي
باعوا
وشالوا
.
زينه
اي وما عرفتي ياهو الي اشتراه منهم
.
هنا
وهي تصفن على الي تأشرلها بالمفاتيح بمعنى (اني)
فاكه عيونها هَنا
وناطقه
بصدمه
انتي
.
زينه
اي يا عمري اني
اني الي اشتريته للبيت وراح اسجله باسمي عن قريب وراح اجيب اثاث واجهزه وطبعا بمساعده وحده يكولون تحبني اسمها يبدي بحرف( الهاء)
.
هَنا
والفرحه غمرتها
(وكبل حضنت زينه الي شالتها وافترت بيها )
يعني  زينه راح نعيش سويه والله
.
زينه
اي يا روح زينه راح نعيش سويه وللابد ومراح اتركج لحضه وحده ومراح أفرط بثانيه وحده الا واعيشها ويا احلا بنيه بيك يا عراق ...
.
هنا وهي تضحك على حركات زينه الي شايلتها و تركص
وره ما نزلتها
زينه وهي تكمش ايد هَنا وتروح بيها للباب
يله كليبي
خلينا نطلع حتى افتح موضوه ويه خالي
.
وهَنا اول ما سمعت هل الكلام
وكفت واختفت الابتسامه من وجها
وبخوفه نطقت
بلكت ما رضا
شتسوين بوكتها زينه
.
زينه
لا يعمري ما اريد هل الوجه الحلو يزعل لا تخافين اني هنانه ومراح اخليج مكسوره خاطر أو اي شي بخاطري تريدي وما احققه الج
خليها عليه ماكو
خليج واثقه بي..تمام
.
وهي تبوس چف أيدها للي ابتسمت
اي
هيج اريدج بشوشه وكلج طاقه ايجابيه يابعدهن
.
ردت هَنا
واذا عاند ساعتها شلون ؟
لان ادري بابويه كلش عنودي وما يرضى بسهوله
.
زينه
اذا عاند ماكو أني اصير اعند منه
الزمج واشرد بيج كبل للمطار وناخذلنا طياره كبل لاقرب دوله أن شاء الله الصومال ...
.
هَنا وهي تضحك على كلامها
والله ما اچذبج اتسويها ادري بيج مخبله
.
زينه
مخبله بيج غير....انتي ما خليتي عقل براسي من يوم الي شفتج بيج واني راكضه وراج...
.
هَنا
وهي تتقرب من الأكبر وتطبع بوسه على شفتها
الله لا يحرمني منج ولا من خبالاتج بي
كل يوم جاي اتثبتيلي شكد اني محضوضه بيج زينه
.
زينه
وهي تبتسم
لعد يله خليني أخطبج من اهلج حتى نتزوج...
.
هَيا؛(وهي تحرك بايدها الي مبين الخاتم باصبعها)
تره احنا متزوجين لو نسيتي الخاتم الي لبستي اليه
...
زينه
اي صحيح
اسفه اميرتي على نسياني لهل الموضوع ...
وهسه نطلع
.
هَيا ؛(وهي وتحط أيدها بايد زينه)
نطلع
.
.
وره ما طلعت وكعدوا جانت رقيه تغمزلها لزينه وتحجي
بصوت عالي نسبيا
ها زينه وين جنتي (بغمزه)
..
ابتسمت زينه وتتقدم لاختها وتكرصها من خدها حيل
اختي الصغيرونه رقروق
صمي حلكج ...(بخزره وبكلام حاد)
.
.
هنا وهي تضحك على رقيه الي كامت تفرك بخدها بوجع وملامح ضايجه ...اتجهت زينه وجاره هَنا وياها وكاعدات وحده بصف اللخ....
...
ولمن كملو الاكل وبدت الأجواء تصير هادئه هنانه
زينه بدت تحجي بالموضوع بكل ثقه وصوت عالي
ويمها كاعده هَنا الي حاسه بتوتر وعلى يسارها رقيه الي جانت مشغوله بطك الصور للاطفال...
.
وقبل لا تنطق
همست لهنا
بان (لا تخافين كلشي راح يصير زين اوثقي بي حبيبي )
همهمت هَنا
وهزت راسها
للي اندارت و
بدت تحجي
.
زينه
من رخصه الكل اريدكم تنتبهون عليه...بما انو الكل مجتمعين فأريد اكول
اني اليوم قررت قرار مهم بحياتنا اني وولدي
اولادي صاروا كبار
ومسؤليتهم كبرت فبيتي صغير
فقررت اشتري بيت جديد وجبير يكفينا كلنا
البيت ١٥٠ متر
وبي هواي غرف وسويت كامل فوك وجوه
والأهم أن قريب من عدكم ومن شغلي
البيت اشتريته بهاي المنطقه وخاصه كبال بيت خالي
.
ابو هنا بتفاجا
صدك انتي الي اشتريتي البيت زينه
.
زينه وهي ترتاح نفسيتها لمن تشوف خالها فرحان وكله بهجه
.
اي خالي اني المشتريه على الأقل انتوا يمي واهلي قريبين مني...فما احس ان وحيده بذاك البيت لأن بعيد وغربه بي احس
فالاحسن اشتريته حتى اسكن بي يمكم
.
خال زينه وهي يحط حفيده محمد على حضنه
اي خوش عاشت ايدج احسلج
من هناك
.
زينه وهي تفرح هواي وتلزم ايد هَنا من جوه الطاوله وتعصرها على الخفيف حتى تنطيها طاقه
اي والله
بس الي اريد اكوله واطلب منك خالي
طلب صغيرون واتمنى ما تردني بي
.
خالها
شنو .كولي إذا على الشيله مال الاثاث فأني ما راح اقصر
.
زينه وهي تأشر بايدها بمعنى لا
لا لا مو هذا قصدي ادري بيك
شهم وكلك اصول
بس اني رايده اطلب منك هَنا
أن تكعد وياي (وهي تحط عيونها على الأصغر الي بادلتها )
...اقصد تسكن وياي بنفس البيت لأن الوحده يا خالي مو حلوه وخواتي كلهن متزوجات وولدي
اربعه وعشرين ساعه كلمن ملتهي بمدرسته لو بشغله لو باقي الأسابيع بيت جدهم واني ما اكدر امنعهم عن ابوهم أو بيت جدهم حرام عليه والصراحه همه الي ربوهم فراح ابقى وحيده
وصعبه الواحد يسكن وحده ...يتمرض ..مو لو اني غلطانه بيبي (وهي تأشر  للبيبيتها بأن تساعدها)
.
حبوبه زينه
اي
اي
صحيح يمه
كلامج صحيح .. اخذيها لهنا اخذيها
ما يكول خالج مو هيج
(وهي تنقل نضرها لابنها)
.
خال زينه (وهي يوكل حمودي الكيكه)
ما دام البيت كبالنا وبهاي المنطقه ما اكول لا
اذا موافقه هَنا ليش ارفض موافقه هَنا بابا على السكن ويه بنت عمتج (موجه سواله لبنتها الي جانت تعصر بايدين زينه)
.
هنا
وهي تعاين على زينه الي منتظره الجواب على احر من الجمر وتكولها كولي اي تاشرلها بعيونها
اي
شكو بيها ...ليش لا
يعني زينه مثل اختي الجبيره وبنفس الوكت صديقتي وبنت عمتي مو غريبه
.
زينه وهي تباوع عليها
وتكولها بشفايفها (اختج؟)
.
تبتسم هَنا بخبث عرفت أن زينه انزعجت من كلمه اختي
.
خال زينه
زين لعد مدام هيج روحي سكني وياها وغرفتج نأخذها لخواتج الصغار ليش خطيه نايمات بالصاله...
.
كالت عمه هَنا الي هي ام زينه
اي خليها تعيش ويه زينه بنتي منا لحد ما تجيها قسمتها
ونفرح.بيها أن شاء الله
.
زينه( على وشك الانجلاط )
يمه ...اشربي الببسي لا يحتر (بكلام شويه حاد )
.
ضحكت رقيه على كلام امها ووجه اختها الي انكلب ١٨٠ درجه وحست بالدم يفور منها
أما هَنا
الي كاتمه الضحكه كوه .
.
زينه (وهي تلعب بأصابع هَنا )
زين لعد مدام هيج راح نبدي من بأجر نشتري الاثاث
راح نروح اني وهناوي
المول ونستنكي الشغلات الي اريدها
مو هيج هناوي
وهي تحتضنها حيل وتلزكها بجسمها للي تعاين على زينه وهي مبينه مزعوجه وراح تنفجر من الغيره لمن ذكرت امها فكره الزواج ...
.
هَنا وهي تحاول تخبث على الاكبر
أن شاء الله اختي زينه
.
حركت لسانها زينه من باطن خدها تعبر عن شكد انغثت من كلمه اختي ...
.
.
.
.
.
وراها الساعه ب١١ بليل
وبينما الكل نايم بفراشه
جانت
هنا تطلع من الغرفه وتروح على الباب مال المنور الورا وتفتحها على كيفها وتطلع بسرعه للشارع وتحديدا للبيت الي راح تسكن بي هي وزينه
.
تطب البيت لمن شافت زينه واكفتلها وتسحبها من ايدها ويطبن ليجوه
.
.
.
زينه
وهي تفتح الباب مال المطبخ وتطبب الي جانت تضحك على ملامحها الي مبينه ضايجه ومغثوثه ...
.
تدخل هَنا وهي تشوف المكان شكد حلو ونضيف ومرتب بس خالي من اي قطعه اثاث
تفرح وتبتسم بفرح الي غامرها
وتلتفت للي جانت تتقرب منها وحضنتها بقوه مبادلتها هل الحضن القوي
زينه وهي تحاول تقلدها
خوش بيت مو( اختي )
.
ضحكت هَنا على تصرف زينه وياها ونطقها لكمه اختي بطريقه مضحكه
يلا زينه والله جنت اشاقيج
هاي شبيج ما احب تعبسين عليه لو تزعلين مني
بعدين اني كلت هيج حتى ما أثير الشبهات وبعدين انتي مو كلتي اليه اني امج وابوج واختج وصديقتج وحبيبتج
هااا
.
زينه
اي كلت صحيح بس مو معناها اني امج لو ابوج
لو اختج..خو هاي اختج تشك كلبي مال اختج
لو كايله حبوبتج ارحملي والله ما اوزعل ولا انغث
.
ضحكت هنا على كلامها
زين لعد منا وغاد اصيحلج( ناني ) لو (مامي)
.
زينه
لا هاي ولا ذيج
اريدج تصيحلي مرتي زوجتي حلالي سندي هاي الكلمات الحلوه مو اختي اوع اختي شنو ...بعدين وين اكو اخت تمص شفه اختها هااا....
.
هنا وهي تحضن وجنات الأكبر بايديها
وتطبع بوسه رقيقه على شفه الي بادلتها بكل حب ...
واول ما وخرت نطقت
احبج
.
ردت زينه
واني احبج حيل يا بنيتي الحلوه ...
.
هنا (وهي تحاول تغثها وتشعل نار الغيره مره لخ)
يلا لعد راح أظل اعيش هنانه لحد ما اتزوج ويجيني فارس احلامي وياخذني ويطير بي مثل ما كالت عمتي
.
زينه( وهي تضوج من صدك)
هنا كافي تره صدك ازعل عليج
هاي السالفه حيل تضوجني وتدرين شكد كلبي يوجعني وابدي اتخيلج عروسه واكو واحد يلبس الذهب وتاكلون.كيك وراها ياخذوج ويزفوج اله واني أظل ابجي عليج ..تدرين لو تصير صدك والله انتحر وقبل لا انتحر اكتلج واكتله
.
هنا (وهي تشوف اللخ شلون مغثوثه ومقهوره من نبره كلامها)
سكتت لمن شافت جديه زينه بالكلام وهي شكد خايفه وضايجه من هل الموضوع
تقربتلها وحطت راسها على جتفها وكالت
لا حبيبي لاتكولين هيج
مستحيل اتركج لو اخلي واحد ثاني يلزم.شعره.مني
اني الج كلشي بيه الج ومراح اسمح لاحد يفركنا أبد
لا تفكرين بهل الطريقه وتشغلين عقلج بهل الأفكار الي مستحيل تصير
اني كلبي يريدج وما يريد اي احد غيرج ...يحبج الج
زينه ....اسفه إذا ضوجتج من صدك تدرين بي ما احب اغثج وما عندي اي نيه سوء تجاهج...
.
زينه وهي
تحضن اللخ وتبوس راسها وتلعب بشعرها
ادري يا عمري ادري واني اسفه لأن خوفتج
كلبي انتي وروحي اوف لو تدرين شكد احبج وشكد اني مثوله بيج وكل الي اريده هو سعادتج وأشوفج باحسن حال ...يا بعدي انتي ...
.
.
.
.
.
.
بمكان ثاني وبنفس اليوم
الساعه ٨ الصبح
جانت جيداء تحضر الريوك بالمطبخ
بعد ما كعدت من نومتها ولعبت رياضه ورجعت سبحت
وحاليا
جاي تكشر البيضه المسلوكه وتخدر الجاي المهيل
والي ريحته فاحت بكل المطبخ
وصوت عصافير الي تزقزق وتنشر السعاده والبهجه وتغير المود كاملاً
وجلبها الي جان يلعب بالحديقه وفرحان أما بزونتها الي جانت نايمه على الكاونتر ...وتعاين على صاحبتها الي
تحضر الريوك ومشغله الاغاني وتستمع الهن موسيقى هادئه وحنينه ...
واول ما خلصت وحضرت الطاوله الها ...
جيداء
كلشي بيرفكت ناقصني بس العنوديه مالتي
الي ما اعرف شوكت راح تنطيني مجال وتكسر هل الحدود الي بانيتها بيني وبينها...مو هيج فستقه
وهي تحاجي البزونه الي جانت (تمومي الها)
اي والله
يا فستقه
شالعه كلبي هل الروئ
تخيلي صارلنا ٤ سنوات على حالها وشكد صارت بيناتنا شغلات
واحداث بس مع ذالك لسه أحسها تخجل مني وتتجبجب
اوف
بس يله الا ما يجي يوم وترخى عليه الحبل
خلي اروح اكعدها واجي حتى نتريك سوه كعائله حلوه
.
وأخذت تمشي لحد ما طبت الغرفه الي تمكث بيها روئ الي جانت تبدل ملابسها وفجاه
شافت انفتحت الباب عليها من قبل الأكبر الي انصدمت
من شافت الثانيه متصنمه بمكانها...
وماجان يغطيها غير الملابس الداخليه واول مره تشوف جسمها وجمال الشامات المتوزعه بكل كتر بجسمها...
بضهرها وبحوضها وبرجلها اليمنى ...
أما ضعفها فجان كلش لايكلها...وطلع حلو عكس الي دومها تكول أن هي مو حلوه وجسمها قبيح وما تريد تشوفلهيا
وجان هذا سبب ظت أسباب عدم لمس جيداء لروئ
لأن جانت ما ترضى ودومها تحط السبب بجسمها
لونه مو حلو لو شكله مو حلو ....
.
متقربه منها جيداء
للي بسرعه لبست التيشيرت وانتشلت البجامه رايده تلبسها بس اخذتها جيداء منها بسرعه وكالت
ليش جنتي دوم تكوليلي وتجذبين عليه أن جسمج مو حلو
كلما اريد اقترب منج ...
كله علمود ما انام وياج ..خو كولي اني ما احبج وفضيها
.
سكتت روئ وما حجت شي بس عيونها بالكاع وما رفعتهن على. الي جانت تباوعها ومدققه بتفاصيل وجها
.
رجعت وكملت كلامها
روئ
انتي تحبيني لو لا ؟
خلينا نفصمها من هسه ... لأن تعبت وحيل همين...
تعبت صارلي ٣ سنوات  وهاي الرابعه داخله بيها وياج وانتي دومج معتكفه عني احسج دتعامليني مثل صديقه عندج أو مثل ما امج ...
باعي اني ما عندي مشكله أن تعتبريني امج واختج وصديقتج  اعتبريني مثل ما تعتبريني بس اريدج تحسين بالأمان وياي وتنطين هل الحب وتبادليني بي
وتثقين بي
وكوني صريحه وياي...اني شنو بالنسبه الج؟
اكو مشاعر تكنيها الي لو ...ياريت لا ...لأن هيج راح انكسر وحيل كلش
.
أهنأ ظلت روئ ساكته وما جاوبتها على اسئلتها
مما خلا جيداء ترفع راسها بلمس ذقنها باصابيعها
وتخلي تواصل بصري بينها وبين الأصغر الي متغرغه الدموع بعيونها...
وهذا الشي خلا كلبها يتفطر على حالتها الي جانت مستعصيه...
.
تمام بدلي والريوك جاهز اني منتضرتج حتى نتريك
سوه
انطتها البجامه وطلعت تاركه اللخ وهي تنهار بالبجي
تخاف تصارحها بسالفه أن هي عدها قله ثقه بنفسها وعدها
رهاب اجتماعي وعدم كثره الاختلاط بالناس
وتتحسس من كل شي وتخاف أن بأقل تصرف منها لجيداء تكرها أو تنفرها.....
.
تطلع بعد ما بدلت كامل ملابسها وشافت الي جانت كاعده وتلعب بالموبايل...
داخله للمطبخ وتكعد على الكرسي وتعاين على الي شمرت الموبايل وبدت تصبلها چاي وتحطلها نسبه الشكر الي هي تحبه
وتشوف شلون جيداء مهتمه بيها لدرجه أدق تفصيل حياتها تعرفها ...طبعا لأن صارلها ٤ سنوات سويه من يوم الي كدرت تاخذها  من امها ومن البيت الي جانت ساكنه بي وعيشتها ببيتها وانطتها غرفه وحدها لأن روئ طلبت هل الشي
منها وما رفضت جيداء هل الطلب صح
بس حزت بكلبها بس مع ذالك كالت ميخالف لا تنام بصفها المهم هي وياها بنفس البيت تكدر تشوفها النهار كله وتشبع عيونها بشوفتها
بس مع
ذالك
خاب املها مره لخ
لمن جانت تكضي النهار كله بغرفتها ومعتكفه عن الأكبر الي
ظلت تتودد الها يوم تجيها تكولها خلينا نطلع ويوم
تكولها خلي ننضف البيت اني وياج وشكد حاولت تخلق ذكريات لطيفه وياها بس الأصغر جانت نوعا ما تستحي أو تكون ما مرتاحه وياها...تحسها صعبه التعامل كلش...
وهل الشي يزعج جيداء كلش
أن تحب شخص بس معاملته وياك مو زينه
يعني تحسه يخجل منك ويتوتر ويريد بس تتركه
بالاول ما اهتم جيداء لهل المعامله وكالت بعدها جديده وهسه تتعود
بس للاسف
هاي السنه الرابعه وروئ على نفس حالتها
.
.
.
جيداء
اليوم راح انضف البيت بما أن نهايه الاسبوع وباجر بدايه اسبوع جديد
فإذا نفسيتج مو تمام روحي بدلي جو بشي كازينا أو شي مول
لحد ما اخلص تنضيف
.
روئ
لا أريد انضف وياج واساعدج
.
باوعتلها جيداء وشافتها شلون كوه تاكل وعيونها ما تشيلهن من الماعون
انقهرت عليها وحست ان هي ما مرتاحه بالكعده وياها
قررت تكوم وتعوفها تاكل براحتها
جيداء
تمام
اني شبعت كملي على راحتج راح اتصل بصديقه عندي
من تخلصين صيحيلي
.
وكامت من ما شافت بس هزت راسها
.
طبت على غرفتها
ودكت على اسراء صديقتها
دكتوره نفسيه
.
الو صباح الخير اسراء
شلونج
تمام الحمد الله
اسراء انتي اليوم بيا وكت فاضيه
العصر
بال٥ تمام
راح اجيج
لا مو الي ...من اجيج اني اسولفلج خوش
يله باي
.
وقفلت الجهاز
وكالت ببالها
هاي السالفه ماراح تظل هيج نهائيا
لازم اسويلي حل ...مراح يصفى بالي إلا لمن اوكع على علتج يا روئ
.
.
.
وره فد ربع ساعه دكت الباب روئ ودخلت
اني
خلصت نبدي تنضيف
.
جيداء
اي يله خلي اغسل مواعين الريوك ونبدي تنضيف
.
روئ
اغسلتهن
.
جيداء
تمام
يلا نبدي اول شي بالصاله وبعدين نكمل باقي الغرف
.
وبدت جيداء وروئ تنضيف الصاله
وجرت كل القنفات وطلعنهن بره وراها اخذت جيداء تسعف الصاله من التراب وروئ تغسل الشبابيك
وبعدين خطرت ببالها فكره ان تشغل اغاني
وتحاول تخلق جو ييناتهن
ولمن شغلتها للاغاني وبدت تهز جسمها بخفه وتحاول ويه اعتكفت على حالها وبدت تلهي نفسها بالتنضيف
بس جيداء ما انطتها مجال
وسحبتها من مكانها الي واكفه بي ولزمت خصرها وحطت أيد روئ على حتفها وطبكت أيدها بايد الأصغر الي متفاجاه
وكالتلها
خلينا نركص ...
.
ردت
وهي تزيح نضرها عنها
ما اعرف اركص
.
كالت جيداء
ميخالف قلدي حركاتي وما عليج تركيلي نفسج ولا تتوترين
واستمتعي بالموسيقى وهي جاي تتناغم باذانج وعلى هل الأنغام تحركي بهدوء ...
رادت تروح روئ
بس جيداء لزكت بيها وجذبت خصرها أكثر لجسمها
مانعتها من أن تروح ...
لحد ما اقتربت أكثر هامسه بأذنها
اهدئي وتنفسي على كيفج وغمضي عيونج
.
ردت وبخوف
بلكت وكعت
.
جيداء وهي تباوع بعيون الأصغر الي خايفه
لا تخافين اني موجوده ومستحيل اخليج تتاذين
قلديني
.
وبدت جيداء تركص وياها بكل هدوء
ولازمتها بقوه حتى لا تشرد أو توكع
وهنا
بدت تحس جيداء أن روئ فكت شويه عن نفسها وظلت تركص وتتمايل ويه الاغنيه وشافت شلون ملامح وجها حلوه لمن تبتسم ولما تكون سعيده
كالت جيداء
من زمان على هل الابتسامه الي حارمتني منها
شكد حلوه انتي ؟
.
حطت عيونها بعيون جيداء
ودكات كلبها بدت تدك بسرعه حست أن جيداء جاي تقترب ....منها وتريد تبوسها بس
هي نفرت هل الشي
وكالت
كافي خلينا نكمل ...
.
عضت شفتها بقهر جيداء حاسه ان الثانيه بيها شي مو طبيعي من يوم الي اخذتها من امها وهي حالتها مو تمام
شنو السبب
بتحويلها هذا لهل الشخصيه الضعيفه والمهزوزه
.
.
.
.
.
.
.
(روئ )
الي ماتعرفون عن روئ
هي بنيه جانت حيل مظلومه من هي وصغيره
فلما كبرت ودخلت مدرسه حبتها جيداء المديره مالتها
بالبارت الجايه. راح تشوفون شلون تعرفن على بعض
وشلون حبن بعض وشلون اخذتها من امها ودخلتها لبيتها وسكنتها وياها
وشنو السبب الي خلا روئ تتبدل عليها هيج وتصير كلش معقده ...
اكو احداث جايه كلش قويه تخص هل الكوبل
.
أما بقت شفق ونرجس على البارت الجاي أن شاء الله
يله عيني
استمتعوا
باي
الشروط
نفس كل. مره
٥٠ صوت
و١٠٠ تعليق
وشكرا
هذا البارت المفروض يوم الاثنين
بس اكو بنيه كالتلي أن انتي كلتي الي يوم السبت تنزلين بارت غلطه حب وينه
فكتبته لأن صدك كلت على السبت أنزله
.
.
♥️♥️♥️♥️♥️♥️♥️♥️♥️♥️
🌹🌹🌹🌹🌹🌹🌹🌹🌹🌹
💖💖💖💖💖💖💖💖💖💖🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌝🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺😋🌺😋🌺😋🌺😋🌺😋🌺😋🌺😋🌺😋🌺😋🌺😋🌺😋🌺😋🌺😋🌺😋🌺😋😋🌺🌺😋🌺😋🌺😋😋🌺🌺🌺😧🌺😧🌺😧🌺😧🌺😧🌺😧🌺😧🌺😧🌺🌝😋🌺😉🌝🥀😭💓😋🌝😋💐😉😎🐺❣️🐺😎😋🌺😋😎😭🌝😋😎🐺🌺😍❣️👍💓❣️🤔🫂
😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍👍👍