قصه حب بين بنت عمه وبنت خال
لمن (زينه) تكون معزومه بعرس اخو( هنا) وعن طريق بوسه تبدي احداث
ويه هنا بعد ما تلزك بيها زينه وتظل تركض وراها ❤
لحد ما تجيبها للطريق
كالتها وهي تكعد بصفي ولزمت ايدي (هَنا انطيني فرصه ..بس فرصه وحده وراح اتشوفين شلون راح اثبتلج شكد اني مهوسه بيج وشكد اكن الج من الحب بدواخلي ..) . رديت عليها بعد ما شفت كلامها الي جان يطلع من عيونها قبل شفايفها والي جان مملوء بالصدق .وخرت ايدي من خاصتها . لأ ما اكدر انطيج هل الفرصه مستحيل الي ببالج مستحيل يتحقق اعذريني زينه بس طلبج مرفوض . بعد ما سمعت مني هل الكلام شفت شكد انقهرت وانكسرت داخلياً وملامحها ذبلت والحزن احتلها مع خيبه الأمل ردت عليه ليش شنو الي بدر مني من غلط حتى ترفضيني شنو سويتلج بشنو قصرت وياج حتى ارفض بهل الطريقه ليش هيج جاي اتعامليني مو اني احبج وكل الي طلبته فرصه ... . رديت بعد ما بعدت انضاري عنها لأن عندي أسبابي لأن مستحيل اني راح اكون الخاسره الوحيده بهل العلاقه اني الي راح ادمر أكثر شي .. ردت مقاطعتني ليش جاي تكولين هل الكلام . قاطعتها لمن باوعت عليها وركزت بعيونها لأن اني الطرف الثالث بهل العلاقه واصلا شنو نهايتها زينه انتي مره متزوجه وعندج منه اطفال اثنين وكدام المجمتع انتي مره مرتبطه ... أما اني راح اكون العشيقه السريه اذا وافقت عليها واني ماريد اصير هيج اسألج اسئله واذا جاوبتي عليهن كلهن واقنعتيني فساعتها راح اوافق اول شي شنو نهايه علاقتنا همممم وشنو الي يضمن الي مراح تتبدلين عليه بالمستقبل ومراح تركيني وترجعين لرجلج ولجهالج شنو الي يضمن الي أن اني اطلع علاقه عابره وبس مو أبديه ها... شنو الي يضمن الي أن مراح يجي يوم والي اكعد اعض اصابع الندم وابجي على حضي وانكسر وانهضم واتأذه وجايز اكتئب همممممم جاوبي أو اكلج اني راح اجاوب بمكانج اي راح تعيشين هل الايام بس مو هسه بنهايه المطاف هسه راح نكضيها حجيات وطلعات وونسات ونومات وبعدين شويه شويه يصير برود وبعدين انفصال وبعدين دمار ووراها نسيان .... مو . ردت هي وعيونها الي بدت تنزل من عدهن الدموع معقوله هيج تفكيرج بيَ هَنا اني احبج من كل كلبي ومستحيل اصير بارده المشاعر اتجاهج وشنو اتريدين من عندي راح انطيج اكلج شي اذا تريدين مني اشرد وياج واترك رجلج وحتى جهالي اتركهم واهج وياج(اسافر /اهج) زين حتى طلاك اطلكه انتي بس وافقي اني اعرف شنو الي بعقلج من تفكير عبالج اني من اكلج تعاي ندخل بعلاقه يعني راح اخليج عشيقه سريه لا ...اني اول ما توافقين راح اطلب الطلاك منه وراح أظل وياج لآخر العمر صدكيني انتي بس وافقي عليه همممم . كالت كلامها ونزلت للكاع ولزمت ايدي وبدت تترجاني وجان الدمع ينزل على خدها ... . رديت بعد انصدمت من كلامها ان هي مستعده تترك كلشي وتبقى وياي عندج استعداد تتركين كل اهلج من امج المريضه بالربو وابوج الي بي مرض القلب وخواتج واخوانج ورجلج الي كضيتي وياه عشرت عمر وجهالج الي نزلوا من رحمج وتعبتي بتربيتهم وكل احبابج علمودي . ردت اي لأن انتي هسه اغلا شي بحياتي ما تتصورين شكد غاليه على كلبي وشكد رايده اعيش وياج عمر وأحلا ايام انتي كوليها وشوفي شراح اسوي . ضليت صافنه عليها وشلون جانت كاعده بين رجليه وشلون تيجي مثل الطفل وتتوسل... . لهل الدرجه اني مهمه الها لهل الدرجه تحبني لا اني ماريد ماريدها هيج ادمر حياتها وحياتي لا مراح اسمحلها ابد . . . رديت بعد تفكير داخلي زينه انتي مشكلتج تمشين وره كلبج وهل الشي راح يوديج للهلاك أما اني امشي وره عقلي تفكيرنا مختلف انتي عكسي تماماً زينه اني أسفه اني مستحيل انطيج هل الفرصه لأن إذا انطيجياها راح ادمرينا احنا الاثنين وراح تودينا للهلاك واني مراح اسمحلج اتسوين بينا هل الشي فأنسي هل الشي من اساسه وراح اسوي نفسي ما سمعت شي وهمين اريدج تفقدين الامل بيَ وتحاولين تستلمين للواقع ... وتنسيني . . . . اول ما كلت لها هل الكلام ضلت مثل المصدومه وملامحها احتلها البرود مما سبب الي الخوف من رده فعلها اقتربت مني وكالت الي جاي تحجي هسه كلش سهل بالنسبه الج أما اني كلش جاي يأذيني داخلياً وحيل جاي تكسرين بخاطري وتفطرين كلبي كلامج جاي يجرحني اتخيلي أن شخص احبها من كل كل كل اعماق كلبي وهي جاي ترفض وبكل برود تكلي لا تحبيني واني اموت بتراب رجليها ليش هيج جاي اتعذبيني هَنا انتي حيل جاي تطعينيني بنص هذا.(قصدها كلبها) ليش هيج يا بنت كلبي . نزلت دمعه من عندي بعد ما سمعت كلامها الي جان حيل يوجع الكلب بس مع هذا دست على كلبي بالقندره وظليت مصره على كلامي . كملت هي كلامها ظلج ساكته عسبالج راح ابطل اركض وراج لا والي خلقج وخلقني مستحيل انسي انتي انسي اني راح اتركج بحالج وين مراح تروحين راح تلكيني بوجهج زين . جانت تحجي بحركه كلب وكل كلمه تطلع منها جانت اتصك بسنونها وانفاسها تلفح وجهي لحد ما وبلمحه بصر اقتربت مني وباستني ما بادلتها ولا حتى دفعتها بس خليتها على راحتها . تركتني ودخلت للحمام بعد ما طببتني للغرفه ونيمتني بسريري وظلت هناك لفتره طويله حيل مما خلاني اقلق عليها وكلبي وعقلي يقره شي الف فكره وفكره سلبيه براسي وهمين بديت افكر أن هل المراه راح تجيب أجلي (أجلي/موتي) وان نهايه هل القصه بس الله الي يعلم شلونها... وشلون راح تنحل وياها . اتنهدت وعيني على باب الحمام منتضرتها تطلع وتمنيت شي معجزه تطلعها مناك (مناك/من هناك) لأن الصراحه وضعها حيل يخوف ونفسيتها حيل تأذت وصدفه اندك الموبايل مالتها وجان صوته عالي حيل مما خلاها تطلع من الحمام واخيرا شكرت ربي وحمدته أن ما بيها شي او على الاقل ما مسويه لنفسها شي ... لاحضت على ملامحها الحزن والذبلان بحيث عيونها جانت حمره ومنفوخه وهمين صوته متحجر من البجي لمن انطتني الجهاز وكالت (امج على الخط) وبدون أن تباوع عليه حتى أخذته منها وهي رجعت للحمام مره لخ... . . ها يمه اي الحمد زينه ابشرج طلعت غازاتي اي ...اي...الحمد الله والشكر ها شنو يممه اكيد متأكده شنو القصه اكولج بعد كم وحده طلعت من عدي شسالفه والله عليج سوالف المهم عوفينا من كل هذا وكليلي شلونهن خواتي وبيبيتي اي والله واني هم مشتاقتلهن بأجر بأجر اجيهن اسمعيني يمه بأجر الصبح من يصير الديج عيعيعيوا اني اريدج أهنا انتي وابويه ...خوش اي وسالفه اتركوني وحدي بالمستشفى وتروحون هاي بعدين نتعاتب عليها خوش ديله مع السلامه مو تنسين من الصبح اريدج أهنا يله ...يوصل يوصل . وقفلت الجهاز وخليته يمي على الميز ...وقررت انام أو اسوي روحي نايمه لأن الصراحه جان بالي يمها وما اعرفت انام بسبب التفكير بيها وضليت كاعده لحد ما طلعت هي من الحمام وأخذت الموبايل من يم راسي وحسيت بيها شلون جانت ادثر بيه وتغطيني زين بالبطانيات وهمين حسيت ببوسه على جبهتي ووراها تركتني وراحت نامت على التخم .... وره شي نص ساعه افتحت عيوني وشفتها شلون جانت نايمه ومنطتني ضهرها .... فقررت اطك الها صوره واحتفظ بيها كذكرى لهل اليوم وكل ما اشتاق الها افتح هل الصوره واظل اتحسر على حضي الاغبر (الاغبر/الما بي اي حض) . للعلم بس اني هم جاي اتعذب مو انتي الوحيده الي جاي تتعذب ... شكد انياله الزوجها عليها لأن عنده هيج مره شكد تمنيت اكون بمكانه وشكد تمنيت اكون او هي تكون رجال ونتزوج اتنهدت بتعب واستغفرت ربي وقررت انام ... . . . . فتحت عيوني على صوت اهلي وهمه جاي يحجون وياها ووراها اجه الدكتور وكلناله أن طلعت غازاتي وقرر أن يطلعني وبسرعه أبويه سوه الاجرائات مال الطلعه وطلعنا من المستشفى واخيرا وطبعا الي كومتني من السرير هي امي والي وصلتني للسياره هم امي أما هي فجانت تتجاهلني وهادئه حيل ولما أوصلنا للبيت ما طبت وياي ولا حتى ودعتني وخلتني اتسأل شنو هل التغير المفاجىء مالتها معقوله تبدلت معقوله عقلت معقوله أثر كلامي عليها وضليت افكر طول النهار وفكره توديني وفكره اتجيبني وحتى فتحت موبايلي ودخلت على حسابها وما شفتلها اي رساله ولا حتى اتصال وكلما ايدك الموبايل مال أبويه افرح واكول اي اكيد هي الي اتصلت وجاي تتطمن عليه وللاسف مو هي تطلع واحس حيل بحركه كلب وضجت حيل وانزعجت من هل التصرفات الي جاي تسويها بعدين فكرت بأن اني ليش منزعجه لهل الدرجه مو المفروض افرح مو زين أن هي تبتعد عني وتعوفني بحالي مو هذا الصح .... ليش هيج اني جاي افكر بيها على منو اچذب اريدها بس بنفس الوكت أريد ابتعد عنها ما اعرف شلون اوصف الشعور الي حاسه بي كلش مزعج.... . . . . . . . . يتبع ...... صور البطلات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
زينه ٣٤ سنه يعني هي مو شبه الشخصيه الي ببالي بس هذا النوع الي أحبه من النساء وخاصه بهيج لبس . . .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هَنا ٢٠ سنه حسيت هل البنيه اتلائم شخصيه هَنا . . . . رأيكم بالاحداث
