❤️غلطه حب ❤️

مفاجئه عضيمه من مفاجأتها

واحنا بالسياره
بطريقنا للبيت حتى ناخذ رقيه من بيتها ونتجهه للمحل
حتى تبقى وياي بالمحل حتى نسترزق منه وهي تروح عند ولدها وزوجها حتى تبقى يمهم ...
واحنا بالطريق افتحت وياها موضوع
وكلتلها
حبيبتي ..مجاوبه بعد ما همهمت إليه ..
(تدرين لحد الان ما مصدكه
أن اني وياج هسه سويه جاي نكضي وكت حلو
وهمين أبويه وافق على أن اشتغل وياج
شوفي هي اني ما ادري لحد هسه أبويه وافق اشتغل كل الايام لو بس هل الايام علمودج كودن واكعه بشده..بس على العموم اني بالحالتين ما خسرانه شي
يعني اني من البارحه العصريه لحد هذي الساعه واني وياج ماتفاركنا ابد ...نمنا سويه وتريكنا سويه واشتغلنا سويه احس من صدك احنا كوبل وزوجات وكذا
ياييي زينه شكرا لأن عيشتيني هل الشعور الحلو احبج حيل...)
..
واني اقترب منها وابوسها على خدها شايفه ابتسامه الي طغت على ملامح وجها.. ولازمه فكي وبعدها لازمه ايدي وبايستها...واني من جوه حاسه بشعور الفراشات
.
(حبيبي انتي
اني مو وعدتج من قبل أن راح اعيشج ايام تخبل..وهاي جاي نعيشها فأني ما جاي اسوي الا الشي الي يسعدج وأشوف هل الوجه الحلو فرحان ومرتاح عافيتي انتي .. أما سالفه ابوج اذا رضا أو ما رضا فمراح يمنعني من شوفتج وما راح يخليني ما أكحل عيوني بطلتج الي تخبل امي انتي أبويه انتي هممم
لا تفكرين باي شي بس فكري بي وبها الأوقات الي جاي نعيشها سويه تمام كلبي وعوفي كلشي وراج تمام يا ضوه عيني..)
وهي تاخذ ايدي للمره الثانيه وتحطها على شفايفها وتبوسني ..مخليه الفرحه تغمرني كلياً تسري بكامل جسمي ...
.
.
وراها وصلنا للبيت وصعدت رقيه الي جانت
واكفه بالباب وتنتضرنا ...واول ما وصلنا صعدت بالسياره
سلمت على اختها
وبعدين سلمت عليه
واني رديت عليها السلام وبطريقه كلش مؤدبه مما خلينا زينه تستغرب من تصرفاتنا
وظلت تباوع وكالت
(هاي شعجب السلام والطريقة الزينه بيناتجن الضاهر
اصالحتن مو لو شنو ؟ )
.
ردت رقيه وبابتسامه
(اي الصراحه اتصالحنا...وصار بيناتنا عهد صداقه
بأن اني وياها نحترم بعض ونصير نود لبعض وطبعا اني قررت هل القرار لأن هي صارت هسه مقربه منا
كلش مو بس بنت خالي لا حبيبتج هم...مو بله هَنا)
.
رديت واني اردلها الابتسامه الي هي ابتسمتها إليه
(اي صحيح كلامها
زينه ...واصلا هي جانت ولا زالت وحده من الداعمات النا بهاي العلاقه فاني حبيت طريقه تفكيرها ودعمها النا
وصراحه كبرت بعيني هواي لمن اجت بذاك اليوم وكلتلي اني اعرف بيجن وبحبجن لبعض واني راح اكون داعمه الج ولاختي وما اريدجن تفترقن..ابد . ولا تخافين سرجن ببير..)
.
أهنا استغربت أكثر وانتقلت انضارها لرقيه الي
ابتسمت الها وكايله
بالضبط....
.
مخليه زينه صافنه ومامصدكه أن اختها وحبيبتها متعاونات سويه ومتصالحات ولا تدري بعد بيها وبميولها
منطيه ضحكه خفيفه
وناطقه
لحضه خلني استوعب يعني هسه انتن صديقات
.
متفاجئه اكثر لمن سمعت صوت الي صدر كل من هنا ورقيه والي جان
ب(لا)
احترامات مجرد علاقه مبنيه على احترامات
مو اكثر
راده هنا عليها
بالاول
بعدين
رقيه
متوافقه وبشده
وهي تحرك باصبعها نحو هنا
الي ابتسمت وحركت رأسها( بنعم )
.
زينه وهي تنقل انضارها للاثنين
خوش عمي تمام
أن شاء الله خير
اتمنى يصير تطور بهل العلاقه بالمستقبل
(وهي تحرك مقود السياره ومتجه للشغل )
.
راده رقيه
خلينا هسه على مبدأ الاحترام بس
يكون افضل مو هيج هنا
.
هنا
واني هم اشوف هيج ....
.
زينه
تحرك راسها بعدم قبول على وضعيه هل الاثنين
بس بداخلها فرحانه
لأن اختها الصغيره
جانت داعمتها وما رفضتها ابد مو مثل ما جانت متوقعه
.
.
.
.
.
صافطه السياره على باب المحل
ونازلات الثلاثه منها
وفاتحه زينه الباب وداخلات ليجوه
وبدت زينه تعرفها لرقيه شنو تسوي ما تسوي
من الشغل
وبعدين ودعتهن وراحت للبيت
بس قبل لا تروح بايسه هنا من ايديها وكايلتلها
أن تدير بالها على نفسها وعلى اختها همين وان هي تحبها ومراح تطول عليها وراح تشتاقلها...
..
بهل اللحضه حست هنا بالزعل
أو
الاحساس الخايس الي دوم مراودها أن هي الطرف الثالث
واكو أحد بدواخلها يكول أن نهايتها مأساه وشوفي وين رايحه تودين نفسج...
بس وكفت عن شرودها لمن حست بايد على جتفها
وصوت أنثوي يكوللها
Hey وين شردتي
.
ردت هنا
بعد ما تنهدت
ولا شي
.
.
.
.
.
.
.
ثاني يوم
كعدت الصبح مثل كل يوم جمعه
اتركيت ونضفت البيت
ودخلت بالاستقبال وفرشت كل كتبي وبديت ادرس بعد ما كلت لامي
أن راح ادرس بيها
ماريد اي احد يدخل عليه
فردت
زين بس ما اريد وصاخه
حرفيا باوعتلها بهاي النضره 🤨
اني من شوكت اوصخ
تاركتني وماخذه مره اخويه ورايحه للسوك
وعايفتني وحدي بالبيت
اوف
جرحت مشاعري
المهم
خليني أولي أبدي هسه
استمرت شي نص ساعه او ساعه وما اشوف الا وزينه
داخله الاستقبال ببهجه
وبأيدها علاكه
استغربت وكلت بصوت شبه مسموع
(زينه )
وطبعا بهل اللحظه حضنتني وكالتلي
(ياروح زينه انتي تعالي بحضيني اشتاقيتلج موت )
وكامت تهز بيه وهي محتضنتني والفرحه غامرتها
عكسي
تماما
ليش
لأن
بهل الاسبوع شفت شغلات خلتني هواي انزعج و
احس بالغيره كلش
من علي
ما حضنتها وظلت أيدي جامده بمكانها
بس ابتسمتلها ابتسامه مزيفه ..
بأستغراب مبين بوجها سائلتني
شبيج حبي صاير شي
بيج شي انتي تمام ؟
.
ردت اكوللها على الي جاي احس بي من جواي بس ما ادري ليش عقلي كلي لا ارفضي
ورفضت وحولت الموضوع بساع كايله
لا
ما كو شي بس هذا الدرس المعادله بالرياضيات معقده شويه وما اعرف شلون احلها
فالذالك ضايجه
.
راده
بضحكه
وحاضنتني مره لخ
بس هيج سهله وينها اني اساعدج بيها
خبلتيني عبالي مسويتلي فد مكسوره مخليتج تزعلين مني
.
رديت
لا عادي
وبعدين على شنو ازعل منج ادري بيج ميهون عليج تزعليني
.
ردت
اي ابوس هل الشفايف الي تنكط عسل
اي والله صحيح
هو غير اذا زعلتي يطكني اكتئاب واحوص تلكيني
دمعتي على خدي وعقلي كله يمج
وصافطه سيارتي ببابكم ولا اكل ولا اشرب
انسى العالم كله
.
رديت
لا ...مو لهل الدرجه يعني اذا اني ازعل أو مثلا فد يوم اكلج خلينا نتفارك
راح تسوين هيج
لا اكيد
راح تعيشين
مدام عندج عائله مثل ولدج وعلي همين...
والايام تنسي
.
ردت
وهي تباوع بوجهي بمعنا
(شلون )
لحضه شلون
هنا
حبيبتي انتي ما مصدكه بيه أن اسوي هيج وأكثر تره همين
وبعدين اني كلتلج من قبل علي ما احبه ولا أريده
مجرد غلطه وراح امحيها من حياتي
.
رديت
وبزرج
(جهالج)
شنو راح تسوين وياهم هماتين راح تتركيهم وعلى حساب حبي
.
ردت مقاطعتني
اي
.
رديت
لا
منو كلج راح اقبل اني بهل الشي
اخلي سعادتي على حساب سعاده غيري
لا اكيد
ساعتها تأنيب الضمير راح ياكلني اكل وراح يخليني مارتاح وياج ...
.
متأفأفه زينه وفاركه وجها
ومحاوله تتنفس بهدوء وتنهي هل النقاش بهدوء
ولا تزعل بي الأصغر
.
زينه اني الاسبوع الي مر عليه هذا كلش جان صعب
واني اتخذت قرار وراح اناقشه وياج
هسه
زينه
اني بعد ما اريد
.
اشششش ولا كلمه ولا حرف
ما اريد اسمعها
هل الكلمه الي تدمر عقلي كبل كلبي ما اريد اسمعها منج
ماريد تطلع من هل الشفايف تمام مره لخ احذرج هنا
كلش كافي عاد وصلت حدها
اتخبل من هل الكلمه
كلش
تكطعه لهذا تكطع
.
.
جانت هذي رده فعل زينه لمن كلتلها هنا بأن تريد تنفصل عنها
ماخذه شفايفها ببوسه قويه ومتقربه منها حيل وحاجيه الها بحركه كلب
مخليه من هنا مخرسه بس تبجي
وعيونها تباوع بنص عيون زينه الي دمعن وصارن حمر
ووجها الاحمر اثر العصبيه والتشنج الي صاحبه
.
مكمله كلامها للتبجي
يول انتي ليش ما جاي تحسين بي
ها
ليش هلكد انانيه
ليش هيج انتي
يعني شلون تريديني اتخبل واطلع كل خبالاتي هسه واخذج بليله ظلمه واشرد بيج همممم
لو ارتكب جريمه بحق ذالك الي اسمه علي
ها
جاوبيني
انتي تحبيني لو لا
هممم
تحبيني لو مجرد لعب وحرك باعصابي بس
ها ....
عود يعني حلوه تفرحين تكيفين
لمن تشوفيني اركض وراج هممم
تفرحين لمن تشوفينا اني وانتي وحده تبجي وتفكر
٢٤ساعه باللوخ
ها
تفرحين لمن تشوفيني واني محتركه حرك وكل تفكيري بيج وشلون اوصلج وشلون اراضيج
انتي شرايده بالضبط
مني
ها
شرايده
شسوي هسه الج
شسويلج هسه اكتلج ؟كلبي ما يطاوعني ائذي وأمد ايدي على وليفي
شسوي
اذا الي احبها عدوتي بهل الحياه
تكرهني
تموت مني
وبنفس الوكت تريديني وتحبني
هسه شلون شنو الحل
فهميني
انطيني حل
شوفي انتي هسه كل الحلول موافقه عليها اني اذا انطيتيها الي
ما عدى واحد
واياج ثم اياج تكوليلي إياه
ساعتها مراح تشوفين خير ابد مني هنا
زين
سمعتيني زين
وباستني مره لخ على شفتي وبهل البوسه وصلتلي رساله
وهي
للموت مراح اتركج
والرفض
ممنوع
.
.
.
قبل اسبوع
لمن طلعت زينه من المحل
متوجه لبيتها دخلت ولكت مره بباب بيتهم تدك الباب
طلعت من السياره
طبعا بعد ما شافت رجلها فاتح الباب الها ومباوع على الشارع
مشايف اي سياره او احد وجا المره وطاب وقافل الباب
هنا بهل اللحظه طالعه زينه من وره النخله
ومتوجه للبيت وداخله من وره الباب الوراني اله
يعني البيت بي بابين
وره وكدام
فاتحته وداخله ومن المنور لحد شباج الاستقبال
الي جان بي علي وحبيته الي جانت تطمن عليه
وعلى أخباره
أهنا
هي بهل اللحظه
فاتحه الجهاز وداخله على الكاميرات الي حاطتهن بالاستقبال
وباديه تشوفهم شدايسون من خلال تسجيل الكامره
ومبتسمه
لمن سمعتهم
وشافتهم
شلون واحد مشتاق للثاني
.
وراها ساده الجهاز
وكايله
خير ان شاء الله
خير
ووراها طالعه وماخذه سيارتها وكبل
لصديقه
قديمه الها
وحيل
راح تستفيد منها
.
.
.
شنو المتوقع
بالبارت القادم
شنو
ياترى
شراح تسوي زينه
ومنو هاي الصديقه هممممم
انتضروا البارت الجاي
بعد شي
سنه او اثنين
حسب
🤣
اشاقه
اشاقه
المهم
هسه
يابه شلون الأحوال والأموال والدراسه
وكلشي وكلاشي
شصار وياكم
منو المات منو العاش
من الي اتزوج منو الارتبط منو الي بعدها سنكل مثلي
همممم
منو الي نجحت منو الي رسبت وان شاء الله تعوض بالسنه الجايه
وما تستلم
خليج مثل زينه تركض والعشة خباز
خوش
اهم شي دراستج
شهادتج بأيدج محد يفيدج غيرها تره
بس هي واني
🥰
فديت والله فديت
نفسي طبعا وانتن ثانياً
الحلقات الاخيره قادمه
وبعدها نبدي بروايه اتشك شك مو وحده اربعه شكات
يله
اودعناكم
بسلامه
وها اذا اكو وحده ناويه ترتبط
فاني موجوده اختكم معوزه حنان وجنان وسعديه ونرجس
الصوره مال هذا البارت
ذني رواياتي
بس من ذاك. الحساب القديم
وللاسف نسيت كلمه السر
وراح بس ظلن الروايات على حطتهن
الي يحب يقراهن يدخل الهن وها بعد نسيت شغله
احبجن من كل صماصيم ماي هارت الريد
باي
.
.
.