كوبل الاول
(اسراء _نور)
نور
(وهي تبعد ايد اسراء الي جانت لازمه زندها )
انتي الي
رحمي بحالي اسراء اني ما اكدر أخذ شي مو الي
فطومه تحبج
قبل لا اني احبج
شلون الي كلب أخذ حبيبه اختي بكل سهوله من دون ما افكر بمشاعرها وخاطرها الي راح ينكسر
شلون الي عين اباوعها
وهي مدمعه عيونها وخيبه الامل الي موجه إليه
ها
فهميني
اسراء
صيري بمكاني لو عندج اخت وتحبني مثل ما تحبيني
هل راح تقبلين اصير بيناتنا علاقه وتاخذيني منها
وتكسريها
.
(بعصبيه وقهر )
.
اسراء
(وهي تتقدم من الأصغر )
اي
اقبل
تدرين ليش! لان اني احبج وادري بيج تحبيني
اني ما احبها
ما أكن الها اي مشاعر
كلبي يريدج الج بس ...مو الها
اني ما سويتلها شي خلاها تحبني
مجرد عاملتها معامله الاخت الصغيره
نور
انتي ليش مجاي تفهميني ...وتقدرين الحب الي جاي يطلع من جوايه الج
شتريديني اسويلج
حتى تقتنعين اني رايدتج
.
نور
(وهي تبعد عيونها عن عيون الي تحجي بقهر
والي حست بضوجه لأن شافت نور مجايه تباوعلها
لازمه راسها بثنين ايديها ومثبته عيونها بعيون الي اتفاجات من حركتها )
.
اسراء
لا تزيحين نضراتج عني نور
لا تحاولين تجذبين عيونج الي جاي اقراهن بكل وضوح بأن تحبيني
كافي عاد
نور
الله يخليج حبيبتي والله تعبت واني اركض وراج واطلب منج توافقين
وتمنعين نفسج عني إلى متى راح نظل وحده تراقب الثانيه من بعيد ونتحسر على هل العذاب الي جاي يدمر
النفسيه ...
.
نور
(وهي تبجي )
ما اكدر اسراء ...احس راح اظلمها
.
اسراء
لعد تظلمين نفسج وتظلميني وياج
على حسابنا
بعدين ليش محسستيني الي بيني وبين فاطمه علاقه
وانتي الطرف الثالث
نور
فاطمه ما اجت واعترفتلي وكالت اني احبج
لا
فالذالك ما الا داعي هل الخوف
.
نور (وهي تبعد ايدين الي عاصره زنودها )
اعرف...ما كالت بس هي اعترفتلي إليه وكالتلي
أن هي معجبه بيج
.
اسراء (وهي تستغرب )
وكتيش (بأي وكت )
.
نور
من ذيج الليله الي جنا اني وياج جايات من الموعد الي اخذتيني بي
.
(وهنانه بدت نور تسردلها الأحداث الي غيرتها بيوم وليله) لنور
.
.
المسجل مفتوح على الاغنيه الي جانت توصف مشاعر
الحب الي بين نور واسراء
شابكات الايادي سويه
وكل ثانيه ترفع أيدها لنور وتبوسها اسراء
وفرحانه
بأن هي كضت وكت كلش حلو وياها
من اول ما كعدت من النوم لحد هذا الوكت المتاخر من الليل
والي جانت الساعه ٩:٣٠ م
.
نور(وهي تباوع على الاكبر )
تره لحد هسه ما قررت يا اسراء على العلاقه ولا انطيتج الضوه الأخضر حتى لازمه ايدي وتبوسين بيها
.
اسراء
(وهي تبوس بايد الي ابتسمت على إصرار الأكبر باستمراها
بالمغازله والحب)
وداعتج يا نور عيوني
ادري بيج قابله وتحبيني
تدرين ليش
.
نور (وهي ترفع حاجبها)
لا ليش بله
.
اسراء
(وهي تبوس أيدها مره لخ )
لأنج مبتسمه وفرحانه وقابله بأن جايه ابوس ايدج وحاضنتها
لو جنتي رافضه وما تحبيني ما خليتيني الزم ايدج وابوسها هيج
(وهي تبوسها بوسات هوايه وسريعه)
.
ضحكت نور
على
حركاتها الي خلت دكات كلبها تزداد
وطايره من الفرحه
وكأنها ملكت الجنه بخضارها ونعيمها
.
.
ولمن وصلتها للبيت
وكفت كبال الباب
.
نور (وهي حاطه أيدها على يده السياره)
تمام شكرا على هل اليوم الحلو
تصبحين على خير
.
تطلع بسرعه من السياره وتريد تطبك الباب بس شافت
رده فعل اسراء المستغربه كتمت ابتسامتها وسوت نفسها ما تدري ليش هل الملامح المستغربه
.
اسراء(بخيبه أمل)
شنو ...بهل البساطه
بدون حتى ما تودعيني بشي بوسه بشي حضن
.
نور
ليش بله
تره كتلج تصبحين على خير
بعدين اني مو كتلج بعدني ما مقرره ويرادلي وكت حتى افكر
.
اسراء (وهي تدير وجها )
براحتج
تصبحين على خير
نور حياتي
.
نور
وهي تسوي أن ما مهتمه
وانتي من اهل الخير
.
وطبكت باب السياره وشافت اسراء الي تغيرت ملامحها
ومثل الي انكسر خاطرها بس بعدها واكفه ما راحت
منتضره الأصغر تدخل للبيت ياله تحرك سيارتها
ولمن دارت وجها اسراء استغل الوضع نور و
بدل ما تروح
لباب البيت
هي مشت من كدام سيارتها للي انتبهت عليها
وهي تتقدم وتوكف كبال
باب السياره من جهتها
ودكت الجامه بعد ما شافت صفنت اسراء على حركتها
ولمن
نزلت الجامه
تقدمت نور داخله من جامه السياره وبايسه اسراء على خدها
وكالت
تصبحين على خير ودربالج على نفسج
دكتورتي
.
وطلعت راكضه وبنفس اللحضه قبل لا تقفل الباب
بعد ما فتحته
سوتلها بيباي
بطريقه كيوت خلت اسراء يطير عقلها من الفرحه
ابتسمت بهبل
وبغباء
وبدت تعلي الاغاني على اعلى درجه وتركص وتطك اصبعتين من فرحتها
وهي تسوق رايحه لبيتها ....
.
لما سدت الباب نور وكفت وره الباب وحطت أيدها على حلكها ومتحمسه وفرحانه
لأن اسراء عدها نفس المشاعر الي عندها
مشت لغرفتها بعد ما نزعت حذائها
واول ما كملت تبديل ملابسها
رادت تفتح جهازها وتدزلها رساله
بأن هي تحبها
وموافقه
شافت اختها الي تبلغ من العمر ١٧ سنه
وهي تدخل الغرفه بعد ما دكت الباب
جايه والإبتسامة متزينه على شفايفها
.
فاطمه (الصغيره )
نور
نورررر
نوررر رررر
بحماس صايحه على الي جانت تدخل على حساب اسراء
.
نور(وهي عينها على جهازها)
هااا فطومه
شنو هل الحماس الي من اخر الليل
.
فاطمه
وهي تحضن نور وتكولها
طبعا متحمسه
لأن اكو شي اريد اعترفلج بي
وبعدين اكوله لماما ومامي (قصدها على فاطمه وهزار)
.
نور
استغربت منها
اي
كولي
شنو هو
واني همين اريد اكلج على شي صار اليوم وياي
.
فطومه (بحماس)
صدك
.
نور( بنفس الحماس )
اي
.
فطومه
لعد كولي انتي الاول
وبعدين اني
.
نور
لا كوليلي انتي لأن شكلج هواي متحمسه
.
فطومه
مو بس متحمسه وانما طايره من الحماس
ما تتخيلين شكد فرحانه ومجايه تكفيني هل الدنيا من الفرحه الغامرتني
.
نور
أن شاء الله دوم اشوفج مرتاحه وفرحانه
يا اغلا اخت بهل الدنيا
وهسه كوليلي شنو
.
فطومه
تمام
جاهزه ...
.
نور
امممم
.
فطومه
يعني اكول
.
نور(وهي تكلب عيونها )
دكولي مو راح اطك من الفضول
.
فطومه
تمام تمام
اني
.
نور
اي
.
فطومه
اني احب اسراء
.
وهنا تغيرت ملامح نور من الفرحانه الى المصدومه
نور
ش...شلون ؟
.
فطومه
اني احب اسراء
لا مو بس احبها اموت عليها شكلها
ومعاملتها ويايه شلون لطيفه وحبابه
ونظراتها إليه والتشجيع الي دائما تنطينيا بالدراسه والرسم
.
نور
وانتي شلون عرفتي بيها تحبج
يعني هي كلتلج
.
فطومه
اي هي اعترفتلي
بالسانها
.
نور
شكالت
.
فطومه
أن هي تحبني
فأني بديت اجمع كل اللحظات الي صارت بيناتنا وعلى هل المبدأ عرفت مشاعرها
.
نور
غلط (بصوت عالي صايحه)
يعني
بلكت هي مجانت تقصد الحب من هاي الناحيه يعني
جايز تحبج كاخت الها أو صديقه
ليش الا حبيبتها
.
فطومه
لا ما اعتقد لأن اني هم هيج بالبدايه فكرت بس بعدين من شفتها بيوم تخرجي من السادس شلون اجت
ودرستني بفتره الامتحانات
وصلتني للمدرسه من بدايه امتحاناتي لحد ما خلصت
فهنا عرفت أن هي تحبني
.
(للمعلومه فاطمه الصغيره باديه بالدراسه وهي بعمر ال٦سنوات وكل سنه جانت تطلع ناجحه فبعمر
ال١٧ امتحنت سادس اعدادي )
.
فطومه
فالي اريده هسه منج أن تبقين الخبر سر
لحد ما اني اشوف الوكت المناسب وانشره
اوك
.
نور
اي سرج ببير لا تخافين مراح اكول لاي احد
.
فطومه
اوه شكرا نور يااحن اخت بهل الدنيا
هسه يله كليلي شنو هو الموضوع
.
نور
هااا
الموضوع هو
اسراء زادت راتبي بالشغل
.
فطومه
اوه الف مبروك حبيبي
أن شاء الله اليوم الي اشوفج بي من أغنى اغنياء العالم
.
نور
امين
حبيبتي
.
فطومه
لعد خلي اروح هسه اتصل بعذراء واكلها بهل الخبر اوك
تصبحين على خير احبج
.
وطلعت من الغرفه تاركه
الي
حالتها ترعبلت ونزلت دموعها والحزن خيم على كلبها
باعت على جهازها
وفتحته بعد ما شالته
وصارت بوجها صوره اسراء طلعت من المحادثه
وقفلت الجهاز ونامت وهي مكسوره الخاطر...
.
نرجع للوكت الحاضر
نور
وهيجي ما كدرت اكون وياج وتراجعت
عن قراري بالعلاقه
اسراء
اتمنى تفتميني وتفتهين وضعي الصعب
بس ما اكدر اخيب امال اختي
.
اسراء (وهي تغرغر الدموع بعيونها)
هيج بهل السهوله .. قررتي تتركيني وتدوسين على مشاعرج وتتجاهليها وما همج لا نفسج ولا اني
وكل عقلج أن من جايه تطلبين مني اتركج وأبطل احبج واتقبلها
شلون تفكرين مجرد تفكير واحد
أن اني ابوسها أو احضنها أو حتى امارس وياها
وتفكيري كله بيج
عقلي وكلبي ومشاعري كلها يمج كلها تصيح باسمج
مو اي وحده لخ
نور
تعتقدين الي كلب أسويها
الزم أيدها أو اركص وياها بشي حفله كبال عيونج
الج عين
كلبج يرضى
احلفج باغلى شخص عندج
يرضاها عقلج وكلبج يشوفوني جايه امشي بقيه حياتي وياها
هااا
هسه أذا نطقتي
وكلتي اي ارضى
وعينج بنص عيني
أشوفها لنفسج واقراها بأن هي موافقه
صدكيني مراح تشوفين خلقتي مره ثانيه لازكه بيج
ولا اوكف بطريقج مره لخ
وعد واحلف بغلاوتج عندي
.
ما حجت ولا نطقت بشي
نور
وبسرعه رجعت بخطواتها تريد تروح للغرفه
بس وكفت بنص الطريق
لمن سمعت كلام اسراء الي بي نبره صوت مقهوره
.
اسراء
اي نور
اي
طبعا ما تكدرين اتواجهيني ولا الج كلب (قلب)
تنطقيها
هذا الي متوقعته منج أن تديرين وجهج وتتركيني
اكيد
مراح تكوليلي اي روحيلها لان ما ينطيج كلبج تنطقيها
وتحبيني
ورافض عقلج هل الفكره واصلا يتخبل بس مجرد يتخيلني اني ويه غيرج
.
نور(وهي ترجع الها وتحجي بحركه كلب)
اي
اتخبل
اموت انطحل
انهضم هضم من جوه
والف موته اموتها باليوم من اول ما طخ هل الخبر بطبله اذني
عبالج
هينه
لو
عاديه عندي أن انتي قريبه مني ويوميه أصبح وامسي عليج بس بعيده احسج هواي بعيده عني
اسراء
انتي
السبب
الي خليتينا بهل الوضعيه
.
اسراء(بصدمه)
اني
.
نور(بدلت تلومها وتحجي بقهر)
اي انتي
كل منج
لو ما تنطيها مجال
لو ما تهتمين بيها وعلقتيها بيج
ما وصلتينا لهل المواصيل
ياما دراسه وساعتيها بيها
يوميه تاركه شغلج وتقرين بيها بهل الساعات من النهار
كله
تكضيها وياها
وياما
اكل طبختيلها بالمطبخ
وحركاتج الحلوه الي خليتيها تحبج بشخصيتج
وكلماتج
وثقتج العاليه بنفسج
وكل كوم
والدعم الي دعمتي الها بفتره امتحاناتها كوم ثاني
شلون مو انتي السبب
اسراء
هاااا..
.
اسراء (على نفس مستوى القهر )
هل الشغلات كلها ما سويته الها
وهل التقرب الي قربت مو الها
كلهن حجج
حتى اتقرب منج
واكضي وياج وقت
نور
لا تنكرين أن كل مره من اجي وادرسها جنت دومي اكلج
اكعد ويانا
وطول فتره الدرس
عيوني جانت مركزه عليج
ما جنت راح ادرسها ولا اساعدها لو لا طلب امج
هزار
اي
لوما امج صديقتي وغاليه على كلبي
وانتي اغلا منها
جان ما قبلت
بس هي طلبت مني هل الطلب واني وافقت بعد ما شرطت عليها أن انتي تكونين ويانا
بفتره تدريسي الها
بكل طلعه طلعتها وياها
جنت ويانا
حتى لما اوصلها للمدرسه
ادزلها رساله أسئلها نور راح تجي ويانا
وكت ما تكولي ما ادري أو لا
اتخبل
واكلها روحي سئليها وقنعيها
وتذكرين بيوم الي كلتي لا ما اكدر وسمعتج كلتيلها مريضه وما الي خلك اروح وياج
شسويت بوكتها
هاااا ...مو اول ما سديت الخط وراسلتج منا
وكتلج تعاي ...شجاوبتيني بوكتها
احجي ...
.
نور(وهي كوه تحجي بسبب البجي)
ما ردت اجي وكتلج مريضه ملتهبه ابلاعيمي
.
اسراء (ترد بطريقه عصبيه)
اي وشكتلج ساعتها ؟
.
نور(نفس ضعف الصوت)
كلتي اوديج للدكتوره حتى تتعالجين
.
اسراء
هاااا بعضمت لسانج نطقتيها
وديتج للدكتوره وعالجتج وظليت وياج والخوف ماكلني اكل
وانمرد كلبي عليج من شفتج شلون تاذيتي من الدكتوره طكتهن الج وزعتي التهابهن كله من حلكج كل هذا سويته
وكل الايام الي كضيتها
ببيتكم
وقريبه منكم
لأن اني غايتي جانت اتقرب منج
واشبع من شوفتج
واصدمج بعد
امج هزار على داريه بالخبر
.
نور(بصدمه)
شلون ؟؟؟
.
.
.
.
.
.
طبعا هسه اكيد تكولن ليش اكو اسم فاطمه متكرر مرتين
لأن فاطمه حبيبه هزار
صارت حامل عن طريق الحمل الخارجي الي هو التبرع بالحيوان المنوي من شخص دفعوله فلوس ولقحوا بالبيضه مال فاطمه وصارت حامل فقررت هزار تسميها فطومه الصغيره لأنها تشبه امها بالشكل
أما نور هي بنت ملجأ أو يتيمه بالاصل فتبنوها وره فتره ٤ سنين ياله حبلت فاطمه يعني
نور عمرها بالعشرينات وفطومه مراهقه
تمام
.
.
.
.
.
.
.
.
(الكوبل الثاني )
كوبل جيداء)
ورؤى)
الي كضن الليل كله بالمستشفى
بسبب حاله جيداء
المتازمه والورم الي أصاب العضم الي برجلها
والصبح
طلعت رؤى (جيداء)
الي جانت كاعده بالكرسي وتدفع بيها الأصغر
متجهات للسياره
فتحت الباب
روى
بعد ما وكفت الكرسي وطلعت السويج
(مفتاح السياره )
من جيبها
وحطت السويج بالقفل وفتحت الباب
ودخلت
فتحت الباب من الجهه الثانيه (جهه الي يكعد بصف السائق)
ونزلت متجها نحو الي جانت تباوعلها وفرحانه شلون رؤى تعتني بيها ..متقدمه وباديه تحرك الكرسي لحد ما وصلت كبال باب السياره وبدت ترفعها لمن حطت أيدها على جتاف روى
وايد روى حاوطت خصر جيداء
وبدت تنهضها
على كيفها
خايفه عليها لا تتأذى
وبهل الأثناء سمعت جيداء همس روى
(بسم الله )
لمن رفعتها
ابتسمت بسكوت لا تشوفها
روى
وهي تكعد جيداء
بالسياره
(على كيفج لاتتاذين الدكتوره وصت لا تمشين عليها هل اليومين لأن المشط مال رجلج شويه ورام )
.
جاوبتها جيداء
لا تخافين عليه
ما اخاف ولا راح اوكع
لأن موجوده ملاك اسمها روى جايه تعيني وتنطيني الطاقه
.
وكفت روى متصنمه كبال الي ابتسمت الها وشالت
أيدها ورافعتها حتى تبوسها
بس روى
وخرتها بخوف
وهي تتلفت وراها
جيداء
لا احد يشوفنا
احنا بالشارع العام
.
جيداء
طز حبيبتي
المهم عندي ابوس هل الايدين الي شايلاتي شيل
والي افديهن بروحي
.
ابتسمت روى على غزل جيداء بيها
فتحركت من مكانها كدام الي ظلت تمشي عيونها وين ما تتجه
ركبت السياره وعينها حطتها بعين الي ما تزحزحت عنها
روى
.
هااا
.
احبج
.
واني همين
.
وانتي شنو
.
ظلت تباوع عليها
للي
كالت
وانتي شنو ؟نطقيها اريد اسمعها من هل الحلك الحلو
اريدج تريحين كلبي من اسمعها
تنطقيها
.
رؤى
اني احبج
.
جيداء
بعد
نطقيها مره لخ
اريدها ترن باذاني رن
.
رؤى
وهي تنزع حزام الامان الي لابسته
وترفع ايديها للي عرفت أن روى تريد تحتضنها
وبهاي اللحضه
اتلاسقت جسم روى بجسم الي حضنتها بقوه وقربتها
الها ودفنت خشمها بشعر الأصغر الي حست بروحها وهي ترتاح وكلبها الي حس بفرحه وابتهج
مو اقل من جيداء الي جانت مشتاقه لهل الحضن من زمان
.
جيداء
وهي تطبطت على ضهر روى
اوفيش هسه ياله رجعتلي عافيتي
وانتعشت روحي
.
استحت روى من غزل جيداء
الها
رادت توخر بس حست بأيدين جيداء الي عصرت جسمها
وحضنتها بقوه
أبقي بعد
شويه
حبابه
.
رؤى
بس لازم نرجع للبيت
جيداء
لأن تاركين الحيوانات وحدهن وهن بلا اكل
وشرب
.
جيداء
بس دقيقه وحده
.
ظلت جيداء حاضنه رؤى
لمده دقيقه
وبعدها فصلوا الحضن
وشغلت السياره وطلعت بيها على البيت
وطول الطريق جانت روى متوتره وحاسه بعيون جيداء عليها
فوكفت كبال اشاره المرور الي صار ضواها احمر
وعاينت على جيداء
الي كالت
تتذكرين اول مره بيها ركبتي السياره وتعلمتي السياقه
بذاك اليوم
لمن
سمعتج تكولين لنرجس
لسه اتذكر
بالمدرسه
بنهايه السنه مال السادس بالامتحانات
لمن جنتن ملتمات بالساحه وكاعدات على الرحل
وجنتن تحجن عن احلامجن
الي تريدن تحققنها
.
رؤى
ابتسمت وكالت
اي
ذاك اليوم الي جان بوكتها امتحان فيزياء
وملاك ما جانت محضره كلش وكعدت تراجع
واحنا بصفها كاعدات نكرز حب ونضحك
ولا جنوا راح ندخل القاعه مال الامتحان بعد شي نص ساعه...
.
جيداء
اممم
صحيح
بوكتها لمن سالتج نرجس شنو حابه تسوين اول ما تعطلين من السادس
كلتيلها
اريد اتعلم سياقه
بس ما اكدر لان ما عندي سياره اركبها ولا حتى فلوس حتى ادخل تدريب
بعدين
نرجس
كالتلج وبصوت عالي
كدام الي صفنن عليج
ليش مو الشوكر مامي موجوده
عليمن خيبه الامل شويه دلع على شويه
هز جتاف وبوسيها وقدميلها تنازلات
وشوفي النتيجه
وداعه الي ببالي إذا ما سوتج توب واستاذه بالسياقه
تعاي تفلي بهل الوجه
.
رؤى
اي والله ساعتها فشلتني
كبالهن والتمن عليه
منو هاي الشوكر مامي وشنو عندج حبيبه وانتي تحبين البنات واني
انفي والحقيره نرجس تجذبني وتحلفلهن ورادت الا شويه تكول اسمج وتشهرنا لو ما اركض وراها ...
.
جيداء وهي تلزم بطنها وتضحك
ههههه اي
عفيه لسه اتذكر شلون جنتي تركضين وراها
ولازمه بطل المي وتركعيها بي
.
رؤى وهي تضحك
مو هنا المصيبه
المصيبه من شمرته ما طاح على نرجس
طاح بوجه أم الفيزياء
وانضربت المره بخشمها
.
جيداء وهي تقلل الضحك
بس بشرفي بردتي كلبي
لأن جانت حيل حيل ضاغطتني
هي حمرتها الي بزمن نيادرتال
الي ما مبدلتها السنه كلها على نفس الحمره
بنت الفكر ....
.
رؤى (وهي تحرك السياره بعد ما انفتحت السير)
جيداء لا تتنمرين على العالم
حرام عليج...
بعدين المره خوش تدرس وكلش حبابه
وبصراحه حيل انقهرت عليها لأن خطيه خشمها طك دم
وداخت ...
.
جيداء (بدت منزعجه من سمعت رؤى دافعت عنها)
هي ثوله
اكو وحده تمشي وعينها على الموبايل
بعدين ليش هلكد مهتمه لامرها
افتهمنا حلوه وكاريزما
بس مو لهل الدرجه ادافعين عنها ...
.
رؤى (وهي تبتسم صفح)
جنج غرتي
لو يتهيأ لي
.
جيداء (وهي تنفي هل الشي وبسرعه ترد)
شلون
اغار
ومن منو بله
منها
اوع اوع
على شنو اغار
شنو الي بيها مميز واغار
لو بشنو هي أحسن مني قابل
.
رؤى
لعد ليش جنت كلما اجيب طاريها أو لما تشوفيني
واكفه كبالها
تضوجين ....
.
جيداء
متهيا الج هل الشي حبيبي
ماكو هيج حجي
.
رؤى
معقوله ماكو هيج حجي على كولتج
لعد ليش من لمن جان اكو امتحان عدنا
وجانت هي المراقبه علينا
غيرتيها وحطيتي غير مدرسه ونقلتيها على صف ثاني
هاااا...
.
جيداء
لأن خربطت
اي
خربطت
بالمدرسات فغيرتها هي اصلا المفروض بالصف الشعبه ب
فست احلام خربطت وحطتها ب أ
فلمن اجيت وسألتها
كالتلي أن ست ابتسام بصف السادس شعبه ا
فأني هنا
صحتها وكلتلها أن تغيرها اقصد
تعدل مكانها بيا صف .... فكامت ست احلام عدلتها من هل الصف لهل الصف
افتهمتي شلون
.
رؤى
هاااا
افتهمت
هسه
مدام هيج
الغلط من ست احلام
.
وكفت السياره
بباب البيت
ونزلت روى
ونزلت الكرسي وفتحته وطلعت جيداء
ونفس الحضنه حضنتها وحطت أيدها على خصرها وكعدتها على
الكرسي
وقفلت الباب
وطبت للبيت
وهي تدفع جيداء
..
نزعت
حذائها رؤى
ومشت بيها للغرفه بس
جيداء
رفضت وكالت خلينا ندخل للمطبخ
.
رؤى
خليني اوديج الغرفه حتى ترتاحين وراها اسويلج شي تأكلي ..
.
جيداء
لا ...لا
حبيبي
اروح وياج للمطبخ
ونطبخ سويه
.
رؤى
جيداء متاكده
تره رجلج متاذايه
.
جيداء
متاكده
ياعيني
قابل راح اطبخ برجلي
يله يله امشي
.
رؤى
براحتج
.
دخلن الكوبل الحلو المطبخ
وبدت جيداء تساعد رؤى بالطبخ
تسوي السلطه
وتلكط الخضره وتكصكص الدجاج
.
اما رؤى
فجانت تنطي اكل للحيوانات
وترتب المطبخ
وباقي البيت
...
جيداء وهي واكفه بعيد عن الي جانت تسقي الحديقه
وترشها
واول ما خلصت
اجت وجانت هدومها مبلله
رؤى
اشه بارده
.
جيداء (بخوف)
طبي بسرعه بدلي قبل لا تتمرضين
اني مو كتلج عوفي الحديقه
هي الدنيا بارده على شنو ترشيها
من تمطر الدنيا راح تنسكي
يا عيني
.
رؤى(وهي لازمه ملابسها )
ما اعرف احب أشوفها نضيفه واحب اشوف الوانها الي تطغى لمن تنغسل بالمي وهمين
ريحتها الي تنعش وتنطي طاقه ايجابيه...
.
جيداء (وهي تتاملها بطريقه عجبت رؤى)
اممم مثل ريحتج لمن اشمج احس روحي تفرفح وتنعنش
.
استحت رؤى
من نضرات وكلام جيداء
الي مبتسمه من شافت خجلها الطفيف
.
طبت تاركتها وحدها وهي تضحك على خجلها
وطريقه هرولتها ليجوه
.
سدت الباب ؤوى
ولزمت جهه كلبها وسمعت دكاته العاليه
اتنفست بهدوء
ومشت للكنتور وفتحته باديه تبدل
وما تشوف الا الفستان الي اهدتها جيداء
الها
فستان شكله وجماله جان كلش حلو وحبته روى
اتذكرت أن هي ولا مره لبسته
ولا فرحت بي وفرحت جيداء
بشوفتها لابسته
طلعته من الكنتور
وابتسمت هل راح تعجبها لجيداء إذا لبسته
عاينت على الساعه وشافتها
موعد غداء
صار
فقررت تلبسه وتفاجئها بي ...
.
جيداء
وهي كاعده على طاوله الاكل
وبحضنها البزونه وتمسدلها
وتلعب بجهازها فجاه
سمعت صوت كعب وقريب منها رفعت راسها وفتحت عيونها بتفاجا
من شافت روى
وهي لابسه فستان الاحمر والكعب العالي
وتسريحه شعرها
وشويه مكياج خفيف بارز جمالها
.
(رؤى)
كالت الي جانت فاتحه حلكها من الصدمه
للي شافتها صارت كبالها
.
رؤى
مفاجاه
شنو رايج حلو عليه
.
جيداء
وهي تفصل جسم روى من فوك ليجوه
بدون أن ترمش
.
رؤى
جيداء
انتي زينه
.
جيداء
ها
.
رؤى
انتي زينه ...احسج مو على بعضج ؟؟
.
ما عولت تكمل جملتها رؤى الا وتشوف نفسها طاعده
بحضن الي جرتها بسرعه وكعدتها بنص حضنها
وحاصرتها بلف ايديها على خصرها
...
طبعت بوسه على جتفها الي ظلت تباوع بعيونها
.
جيداء
شنو هل الجمال
.
رؤى
عجبج صح...محليني
.
جيداء
انتي الي عجبتيني
انتي الي محليه الفستان مو هو
رؤى
انتي حيل حلوه
يعني شعجب ...قصدي ليش فكرتي تلبسي
.
رؤى (وهي توخر شعرها وره اذنها)
يعني ما ادري كلت خلي اجرب البسه
وأشوف هل راح اطلع بي حلوه لو
.
جيداء
اكيد تطلعين حلوه شلون ما تطلعين حلوه بي
اني اصلا تخيلتج بي وكبل اشتريته اول ما طاحت عيني عليه
كلت هذا راح يخلي جيداء
تخبل
لمن تلبسه
وراح يعجبها هواي
بس ضجت لمن شفتج ما فرحتي بي
ومثل الي ما عجبج فصراحه مثل الخاب ظني وضميري انبني لان ما فرحتج وما شفت القبول بوجهج ...
فلا تأخذين على خاطرج أو تفهميني
غلط لمن سالتج هسه شعجب لبستيه
لأن باعتقادي انتي ما حابته...
.
روى
لا ....مجنت ما حابته بالعكس كلش حلو وعاجبني حيل
اصلا اول مره أحد يهديني هديه بعيد ميلادي
بعد ما توفى أبويه
ما حسيت بطعم الحنان لا من امي ولا حتى من صديقتي نرجس
مع العلم هي صديقه كلش حنونه عليه ودومها جابره خاطري بس اني الي شويه متضرره نفسيتي
لحد ما دخلتي على حياتي وغيرتيها..
.
جيداء
روى حبيبتي
عيوني انتي
ليش هل التغير الي متغيرته عليه
اذا انتي تحبيني وتهتمين بي وبحياتي
ليش لعد اشوفج دوم معتكفه عني
سويتلج شي
مضوجج....شايفه شي عليه وما عاجبج...
سامعه حاجيه حجايه حازه نفسيتج....
.
هزت راسها بالنفي
للي
ردت
لعد ليش هل البرود منج ...اذا بطلتي تحبيني كولي
نطقي حتى ارتاح على الاقل اعرف السبب
.
رؤى
لا
ابد
مستحيل...لا تفكرين هل التفكير بأن اني بطلت احبج
بالعكس حبي يوم عن يوم جاي يزيد الج ....
بس اكو شي اني ما اكدر اكوله الج ...
.
جيداء
شنو هو
.
رؤى
قصه طويله وما اعرف شلون افتحها وياج
جيداء الله يخليج لا تضغطين عليه
خلينا نستمتع بالاجواء
.
جيداء
بس اذا ما حجيتي وفضفضتي إليه
المن راح تحجيها لعد
رؤى انتي متخيله صارلنا ٤ سنين
واحنا عايشات مثل الخوات بهل البيت
لج حتى الخوات احسن مننا يعني من يوم الي نجحتي من السادس لحد ثالث كليه الي انتي بي هسه وما مرتاحه بهل العيشه
وياج ...كلما اتقربلج انتي تنفرين مني ياما افكار اجت ببالي أن اكو غيري دخل كلبج وياج بالكليه
ومرات افكر أن جايز هي ما عدها ميول للبنات وجايز حبتلها رجال
وصلت بي مرحله كمت اجسس عليج
.
رؤى
شلون
.
جيداء
اي
عينت بنيه وياكم بالكليه ودفعتلها فلوس
وكلتلها راقبيها ويامن اطب وتطلع بس من دون لا تحس عليج
بس هي مجانت تجيبلي اي اخبار تزعلني أو تصدمني
ودمها تكولي انج تكعدين وحيدج وما مصادقه أحد
وبس تطبين للكليه على كد محاضراتج وتطلعين ركض للبيت
خبلتيني
صفنتيني
اذا هي بطلت تحبني او ما تميل الي ليش هل التجاهل
وياي
دومني اسال هل السوال براسي
واكول إذا هي ما عندها أحد بحياتها اكيد بطلت تحبني
بعدين ارجع اطلع غلطانه
لمن اتمرض أو اتعب
اشوف تعاملج تغير والحب والاهتمام كبل يضهر
والخوف على ملامحج
يبين
وخاف لا عبالج ما اعرفج أو ما كاشفتج لمن كل ليله اريد انام
اشوفج تدخلين وتبوسيني وتطلعين
هذا الشي الي خلاني اصبر هل السنين عليج
وما انهي هل العلاقه
وكلما اصير عصبيه واتنرفز
من تصرفاتج المتقلبه والمنفصمه
كلبي ما يطيني اتركج
روحي متعلكه بيج ...حابتج وما اقبل اتركج
ما اكدر ..
ماريد
افترق عنج وارجع اعيش وحدي
انتي اول يوم الي دخلتي بي بيتي وحياتي واني حابه هل الحياه ... واخيرا بديت احس اني انسانه طبيعيه
وعندي وحده تحبني وأحبها ...
محد حابني رؤى
غيرج
لا تشوفيني هل التفوق بهل الحياه ومديره وعندي صديقات
لا
تره اني وحيده احس نفسي وحيده كلش محد يحس بي
لحد ما عرفتج ودخلتي بالي
انتي حببتيني بهل الحياه انتي طاقتي الايجابيه
الي اول ما افتح عيوني من النوم تطرئين على بالي
وكبل اشتاقلج واكول لو هي هسه نايمه بصفي وبحضني
جان بستها وحضنتها وشبعت من شوفتها وريحتها
.
رؤى
اني راح اكلج ليش هل التغير الي صارلي
بس مو هسه
.
جيداء
لعد شوكت
.
رؤى
احس ما مستعده اكلج ...إذا كتلج راح تتاذين وتفتهميني غلط
.
جيداء
وعد وحبي الج مراح افتهمج غلط بالعكس اني اريدج تحجيلي حتى افتهم
وحتى احلها لهل المشكله الي مخليتنا
متفرقات عن بعض
احجيلي حبيبي
فضفضيلي...
.
بدت رؤى تحجي كلشي للي انصدمت من الي سمعته
وعرفت ليش هي تغيرت عليها وشلون جانت تفكر
وصبرت كل السنين أن تعيش وتصارع شعورها الي دومها مخليها تبتعد عن جيداء
(بالبارت القادم تعرفن السبب
شلون دكه ناقصه مو😁)
أنت تقرأ
❤️غلطه حب ❤️
Romantikقصه حب بين بنت عمه وبنت خال لمن (زينه) تكون معزومه بعرس اخو( هنا) وعن طريق بوسه تبدي احداث ويه هنا بعد ما تلزك بيها زينه وتظل تركض وراها ❤ لحد ما تجيبها للطريق
