❤️غلطه حب ❤️

جره إذن (تأديب) جزء ٢

وره ما دخلت غرفتي وتركت امي وزهراء يكملون شغل
انتبهت على الساعه وجانت ١:٣٠م
أهنا كلت بيني وبين نفسي
مو مال انام ما بقت الا ساعات قليله وتجي زينه ورقيه
الي ظامتلها شي كلش جبير وراح يخليها تنعل اليوم والساعه الي خجلتنا بيها
فتحت جهازي
وكبل دخلت على زينه
وشفتها نشط الان
وجاي ادك عليها (ادك/اتصل) فسبقتني
وهي الي اتصلت
فتحت الخط وكلت
:
الو
شلونج عيني ام حسين الغاليه (قلدت بصوت اختها رقيه)
.
ردت :
بضحكه قويه
على تقليدي
ام حسين بأفضل حال لمن سمعت صوتج غاليتي
وانتي كل اعتقادج راح اضوج أو انزعج
لمن تصيحيلي ام حسين ...مثلا
تره احس تنزل مثل العسل على كلبي قبل آذاني
فكلشي يطلع من حلكج وتسميني بي محبب لكلبي وباقي اعضائي
.
رديت
:
لمعلوماتج ام حسوني
اني من اكولها ومو معناها جاي اغيضج لا
مفتهمتيني غلط وداعه حسوني
وانما اذكرج بأختج وشلون تحجيها وخابصه الكون
البارحه
وتدرين شغله احسها كبرتج هواي بالعمر لمن تكولها
ام حسين
شنو ام حسين
خو تكول اسمج
تره اني باعتقادي الإنسان من يصيحوله بأسمه احلا لمن يكولوله أم فلان أو ابو علان
احس يكبرون بي ..
يعني اني بأجر لمن اتزوج واجيب اطفال لهل الدنيا
مراح اقبل أو اسمح لاي احد يكولي أم فلان اوفلانه
لا
عيني لا
باسمي حتى لو صاروا ولدي بطولي أو حتى لو صار عمري ٩٠او ٨٠ سنه
احسن وافضل اليَ....
تره مو هيبه لمن يصيحون للإنسان ام أو ابو فلان
لا وهم مو بالعدد يصطرهم ٤ أو ٥ اطفال
وانما الهيبه بالتربيه الصحيحه وزرع بي كل المحبه والحنيه مو امراض نفسيه وعقد وينتهي بي المطاف أما منتحر أو مكتئب لو منحرف عن الطريق ....
.
ردت
كلامج درر
من ناحيه التربيه
بس راح اعارضج بفد نقطه
.
اني هنا جنت احجي بكلام جدي وواقعي
ومتقمصه بشخصيه الي تريد تصلح المجتمع
فرديت
اي شنو هيَ؟
.
ردت (مع تغير نبره صوتها الحاده)
زواجج وهمين يصير عندج اطفال
ولا
جاي تحجيها وبكل برود ،ولا كانوا شي طبيعي
وراح اسمحلج تتزوجين رجال ويصير عندج منه اطفال وكذا
.
ابتسمت ابتسامه خفيفه لمن عرفتها أنها تشعر بالغيرة
فريدت:
اي
وليش ما احلم ان اتزوج ويصير عندي اطفال...شنو ناقصني حتى ما احب وانحب
ويجي فارس احلامي (مع تغير نبره صوتي الدلع المزيف)+
وياخذني بحصانة ويطلع بيَ للغد الي راح نعيشه اني وياه وأطفالنا الحلوين....
.
ردت بعد ما سمعت زفرها الأنفاس
هَنا،
حبيبتي
احلامج الورديه هاي ...راح تعيشيها بس ويه شخص واحد وهي اني
وماكو اي احد غيري راح ياخذج مني أو يلمسج ويضحك وياج
سواء كان رجال أو مراه
مفهوم ...
.
رديت
والله ؟
.
ردت :
اي اكيد ...جاي قابل اشاقه وياج
اني بعد كلت كلمتي وقفلت عليج
انتي بس كوليها للكلمه واني راح اكون الج كلشي .ام واب واخت وصديقه وحبيبه وزوجه وكلشي
ومراح اسمح لاي احد ينزل دمعه من عينج أو حتى يفرحج غيري
أو حتى ياخذج مني ...
.
كلامها متروس حنيه واحس بي واقعيه
بس مع ذالك ابقى رافضه
ما اريد هل العلاقه
وبنفس الوكت اريدها ...
رديت
:
همممم
يعني اذا فد يوم اجت أو اجا واحد أو وحده...وانعجبت بيه/ها
وحبيتها أو حبيته وقررت اروح وياه بغض النضر عن نوع الجنس
(سواء كان رجال أو مراه)
وقررت اتزوجه
شراح تسوين بوكتها
غير انج راح تتقبلين الواقع وتوافقين ان اني مو الج ...
.
ردت هي بعصبيه شويه بكلامها
بسبب كلامي
الي كلته
وخلاها صارت عصبيه وياي ..
هَنا
اني احبج لا مو بس احبج وانما مهوسه صرت بيج
فسالفه انج تحبين أو تنعجبين بأحد غيري تنسيها وتمحيها من راسج
هاي وحده
اثنين
اني مستحيل أخلي اي احد يتقربلج وياخذج مني
واذا فد يوم اجى شخص وراد يتقرب بس منج ساعتها راح ارتكب بي جريمه ...ومن اكولها مجاي اضحك أو اتشاقه ..تؤ جاي احجي من صدك وكلش اصير واقعيه لمن يتعلق الموضوع بيج
فهمتيني هسه
.
.
أهنا اني ضليت صافنه
من رده فعلها الي جانت حيل غريبه وتخوف وخاصه نبره صوتها حسيت لمن حاجيتها بأن أحد ثاني ياخذني منها
انكلبت ١٨٠درجه بنبره صوتها
وكلامها الي جان كل حرف وكل كلمه تطلع منها بيها كميه هوس وجنون وواقعيه وابد مو مال شقه(مزاح) ...
.
فمارديت
اي شي وضليت بس ساكته
وضليت اسمع بس أنفاسها من الجهاز
أهنا كلت بنفسي خلي اغير الموضوع
وكلت
:
هسه عوفينا من هل الحجي
وكليلي شوكت تجون
بيا ساعه
؟
.
ردت
مادري
يعني شوكت انتوا كاعدين
انتي شوكت تريديني اجيج واكحل عيوني بيج وبشوفتج
..
كلت بكلبي
ولا تبطل غزل هل المراه
رديت
اممممم
خلينا نكول ب٣ أو ٣:٣٠ العصر
خوش وكت مو ؟
.
ردت
٣:٠٠ العصر اني مبسمره عندج
بالباب واريدج انتي تفتحيها
أو اكول لع لا تطلعين اتذكرت انتي مسويه عمليه
لا لا تتحركين اخاف عليج
من الهواء
لأن انتي وحده ترفه وما أريد اي شي غلط يصبج
خوش ....
(ترفه/مايعه أو قليله الحيله )
.
رديت
تمام ...تمام
على ال٣...ملتقانه
باي
.
ردت ...
باي يا روحي
.
وقفلت الخط
واتنهدت من رده فعلها الي خلاني مندهشه ...
(احس ماراح تصفى هل السالفه ابد ،خايفه من النهايه
وشراح يصير من مصائب الله الساتر بس)
.
.
.
.
.
.
.
صارت الساعه ب٣ العصر
والدنيا جانت مغيمه حيل وعلى وشك أنها تمطر ...
وجنت كاعده يم الصوبه وجاي اسمع اغاني واقره قصص للبنات ويه أشخاص يحبونهم
لحد ما شفت أبويه كمز وصاح (اي ،اي جاي)
أهنا
اعرفت أن اجوا...
سمعت صوتها وهي تسلم على أبويه ولمن شفت من الشباج الي طال من المطبخ على الطارمه(ساحه البيت)+
وشفتها لرقيه وشلون جانت تتمشى بغرور
ضليت اعض بشفايفي من الغل والكيد
الي ضامته الها
وكلت بعقلي
والله لاراويج اليوم شلون راح اخليج تتندمين على هل الجيه (الجيه/القدوم إلى البيت)
ولمحت عمتي احلام وحسيت بلطافه هل المراه وشلون كيوت وطيوبه كلب
وانتهت على
زينه الي جانت عيونها تدور عليه
واهنا حسيت بخوف لمن تذكرت نبره صوتها
وكلت بعقلي سايكو (مخبوله)
وهزيت راسي وكلت ياله (هَنا راويها قيمتها لهل الحيه)
وطلعت
من المطبخ وقبل لا يدخلون طبيت للصاله وكعدت كبال الباب
يعني اول ما تدخل هل الحيه.راح اتشوفني كبالها
وفوكايه جانت صوره مكتوبه
(الهم صلي على محمد وعلى ال محمد)
واني طبعا اتعمدت اكعد أهنا لاسبابي الخاصه(😉)
وصدك اول ما دخلوا
وطبعا
من دخلت بالاول
يا حزركم ؟
.
اي
زينه
.
كلت بعقلي (عرفت والله انها راح تدخل اول الناس)
.
اول ما دخلت عينها بعيني
وكبل اجت وكعدت يمي
بدون نقاش ...
ابتسمت اني ابتسامه عاديه واول ما كعدت كلتلها
(جبتيها للحيه)
(جبتيها/اتيتي بها)
.
ردت وهي تعضلي الشفه
انطي مجال خليني اسلم ،ابوس، اشم عطرج
"ومن هل الكلام الحلو الي راح يجيب راسي ورجليه وخشمي فد يوم وانعل ابو الكبرياء واكلها( اي)"
وانحنت
وبدت تبوسني من وجناتي
وضلت تسلم وطولت بالبوس والسلام
واني كلتلها بهمس
بس
يابنت الحلال
الكل جاي ايشوف راح تفضحيني وتخلين الكل يشك بينا
وهنا
جانت متجاهله كلامي وضلت مصره على موقفها
بس اني هنا ...كلت
بعقلي
ماكو غير انتقل لخطه b وهي الي جانت ...
اني اضربها بأيدي على بطنها شويه بقوه
حتى تبعد
وتحس على دمها ...
وصدك وخرت
ووراها
اجت عمتي وهم شبعتني بوس بوس بوس 💋😂
ووراها
اجت
الحيه الصفره
السامه
أهنا انكلبت معدتي قبل لا تنكلب خلقتي من شوفتها الي تخلي الواحد ينقرف ويسمي بالله
.
كل العاده .ابتسامه صفره ومزيفه الها
وسلام من وره الخشم (سلام مزيف)
كايله
شلونج
من دون حتى أن تذكر اسمي
والضاهر مترزله قبل لا تجي لهنا
.
رديت اني
الحمد لله بأفضل حال
وانتي
شلون اخبارج
وشلون الحياه وياج ...؟
..
ردت من وره خشمها
زينه ...عايشين نشكر الله
.
رديت
اي الحمد لله لعد
منو نشكر غير رب الكون
بس هو الي يتجازه...وما يعير مثل البشر ...
امثالج (كلتها بهمس مسموع الها)
واول ما سمعتني كلتلها امثالج
باعتني برفعه حاجب وجان تنفخ ريشها مثل الدجاجه واكعد بصف امها ....
أحسها انضغطت وصارت حاره من كلامي ...
يعجبني هل الشي 😈
.
.
.
بدينا نحجي بالموضوع
والي بده بي هي زينه
والي كالت
:
خالي
اني اشكرك مقدماً لأن خليتني ادخل بيتك بعد سالفه الي صارت البارحه
وطبعا بشنو احلف الك أن اني ما جنت ادري
أن رقيه اختي
تدري وامي وخواتي الباقيات
وعماتي ...
اصلا اني ما شفت امي ولا حتى احجيت وياها
لأن اول ما رجعت للبيت من المستشفى
ما راسلت أحد ولا حجيت ويه أحد والله العظيم
وداعه هَنا عندي
اني شلون احجي أو اكول
وليش احجي هذا سر بيني وبينكم
وبعدين اني مو بعوزه فلوس ولا اريدها هسه اصلا
ولا راح اخذها ردت
بس أنته اصريت على هل ان اخذها
واعرف ليش
بسببها
(وهي تأشر على رقيه الي دنكت رأسها وسوت نفسها متندمه كبالنا )
ادري ...هي الي جفصت واعرف غلطت بالكلام
بس اعذرها
بعدها زعطوطه وما عبالك ما رزلتها ولا حتى طيحت حضها..اسئل امي وحتى امي
ما قصرت والله العلي العظيم مو يمه .
.
ردت عمتي
اي والحسين ياخويه
اصلا اني انصدمت من سمعتها البارحه تحاجي بنيتك بهل الأسلوب
الي مامتربي
ولا كأن اني الي ربيتها
.
كل هذا الكلام الي كالوا وابويه جان بس ساكت ويسمعلهم
واحنا جنا همين صانتين
وما كو أحد حجه أو كال شي ...
.
رجعت زينه
كالت
هسه الي صار صار
والغلط راكبها من راسها لحد رجليها
واني اليوم جبتها لهنا
حتى تكوم تبوس ايدك وتعتذر على قله ادبها
وتوب بعد ما تعيدها مره لخ
كومي
رقيه
(اشرتلها برأسها)
كومي اعتذري من خالج وهمين رجعي اعتذري من هَنا
واتباوسن يله
(اتباوسن/تبادلن القُبل )
.
أهنا اني كيفت وفرحت لمن سمعتها راح تعتذر من ابويه ومني
بس بعدين استوعبت راح تجي وتبوسني اوعععععع
🤢🤮.ابوس ابليس ولا ابوسها...
.
أهنا هي كامت
واجت يم أبويه
وبدت تعتذر منه ورادت تبوس أيده
بس
أبويه منعها وكال المسامح ربج
وسامحها
وتقبل اعتذار زينه
همين بس بعده وجها ثكيل عليهم ...
بعدها ...
اتقدمت إليه
وصارت مقابيلي...
واني أهنا تحولت من الشيطانه إلى وجه الملاك
وكلتلها
بعد ما سمعت منها .اني أسفه
وحسيتها من وره خشمها كالتها
رديت
امممم
.
بس شفت زينه اشرتلها أن تبوسني
بس اني كرصت زينه وخزرتها واشرت براسي وكلت لع
ما يحتاج هل البوس
اعتذارج مقبول ...وهمين البشر خطاء وبعدج اصغيره
وهسه تتعلمين من اخطائج
ولو انتي حيه والحيه عمرها متصير فراشه
كلتها بهمس مسموع للي سمعتني وباعت لأختها زينه الي باعتني وهمست
هَنا شكلنا؟...
.
رديت
ما كلنا شي جاي نتشاقه وياها شبيج ام حسوني
حبيبتي
ولا يهمج
بس المره الثانيه حاولي تلزمين لسانج
اكلج على شغله
حاولي باوقات فراغج تنامين اي
لأن النوم للظالم عباده ...واشرتلها بعيوني بالموافقه
كدام الي جانت تتنهد وتستغفر ربها على افعالي...
.
ما حجت شي بس باوعتني بغرور
ومشت راجعه لأمها
اما زينه
همست بأذني
هاي عود وصيتج ما الج اي دخل بيها
هيج تسوين
لو ما موصيتج
جان شسويتي هممممم.
.
رديت
لا
وداعتج
هاي بس...
جره إذن الها
وبعدنا بالبدايه
ناطرتها الجبيره (كلت بعقلي)
.
.
.
.
.
.
.
.
.
.
.
.
.
.
.
.
.
.
يتبع