هناء: مااتحملك بعد فوگ مامتحملة مرضك وعجزك ترديني اتحمل فگرك لا لهنا وبس مليتتت
حكمت: وين تردين تروحين والجهال منو الهم
هناء: مااعرف حير بيهمم حتى الجهال ماريدهم يذكروني بيك وبعجزك كلهمم مثلك ويشبهوك
حكمت: بس اصبري علية يومين بلكي اكوم على حيلي وادور شغل وعد.. ماقدر يكمل كلامة من نوبة السعال
هناء: بعدني بااول شبابي ترديني اضيع عمري بخدمتك ولله ولا ابقى دقيقة مااضل بعد
سحر: ماماا وين رايحة
=لجهنم تجين وياي
—ركضت لبابا الي جان واكع على بطنة ويسعل وماما اخذت جنطتها وراحت كدام عينة عفت بابا وركضت وراها اترجاها تبقى
—ماما الله يخليج لا تروحين منو النا احنة وبابا
=مدخلنيي بيكمم تعبتت اني عندكم بيت جد وهم يهتمون بيكم
—مام.. بعدني مامكملة دفعت ايدي الي كانت لازمة ايدها ونزلت متوجها للباب الرئيسي واثناء سماعها صراخي بااسمهاا اجرت تكسي وراحتت وهي عايفة وراها ثلاث اطفال
—كعدت بالحديقة ابجي،
سامر: تحر تمد يتي (سحر سرمد گعد يبجي)، ليت اتين ليدين حليب متل تلمد(ليش تبجين تردين حليب مثل سرمد)
—مسحت دموعي وحضنتة حيلل، لا حبيبي بس تذكرت لعابتي الانكسرت
=لا اتين واني اديبلت وعدة دديدة(لا تبجين واني اجيبلج وحدة جديدة)
—لزمت كفوف ادية الصغار باايدي وصعدت اشوف سرمد، بابا ساد علية الباب رحت متوجهة لغرفتنا شلت سرمد بين ادية وحاولت اسكتة سويتلة ممة ونام خليتة بمكانة، ورحت احجي ويا بابا دقيت باب الغرفة مرتين وماكو صوت خفتت علية تخربط او شي
=ادخلي حبيبة ابوها
—حضنتة وكمت ابجي، رفع ايدة يمسح دموعي
=هاي شنو بنتي تبجي واني ساند نفسي بيج
—بابا ماما راحت
=ايي واني مااعرف شوكت راح اروح اريدج تكونين قوية
—ماخليتة يكمل كلامة حضنتة حيلل ودموعي تنزلل بخوف وحزن على فراق امي وخوفي من فراق ابوية
=هذا قدر الله ولازم نفكر بي سحر اني مدايم الكم بما انو ماعندط اخ اكبر منج يكون سندج راح اتعبج تكونين سند الاخوانج اريدج تكونين الخيمة الي تحتويهم وتحميهم من عواصف الدنيا اريدج تكونين درع الهمم الصديق الصدوق الراحة والسكينة والامان احمي نفسج واخوانج من كل شخص برة بيتنا امني بسامر وسرمد وبسس لاتنزلين دمعتج كدام احد ولا تبينين ضعفج ولا نقطة ضعفج الاي احد لاا تنزلين راسج الاحد كوني حذرة بخطواتج
—قويتت حضنتيي ودموعيي شلالل حاسة الوداع قريبب كل شي تكولة اسوي بس ضل وياناا
—حسيتت بابا ثكل علية سبحت نفسي من حضنة وكع بالكاع كعددتت يم راسةة احاول اصحيي خليت اذني على صدرة ماكو نبضض كلت يمكن تخربط ركضت ادور على تليفونة اتصلت بالدكتور مالتة
=الو ابو سحر
—الو عمو اني سحر بابا وكع وماااعرف شنو بي حباب تعال شوفة
=جاي جاي
—خليت راس بابا بحضني واحاول اصحي اسولفلة عن غيرة سامر من سرمد وعن درجاتي العالي ويومي بالمدرسة شوية واجة الدكتور بيتة بفرعنا
=خلة ايدة بطرف رقبة بابا يتحسس نبضة باوع علية بنضرة حزينة وكال منو هنا جبير احجي ويا
—اني
=لا بنتي يعني امج وين
—ماما راحت كلي دكتور متت خوف
=ان لله وانا اليه راجعون ابوكم راح المكان احسن منا بهواي سمعت صوت الدكتور مغوش وماحسيت بنفسي غير بحضن عمتي بعد ماتحسن ووعيت على نفسي كاللولي الدكتور متصل بمرتة وهي مخبرة عمتي لان صديقتها، كمت من حضن عمتي اباوع لبيتنا بيت بي خوات باابا وامة ويبجون تذكرت كل شي صار ووصية بابا ركضت ادور على سامر، لكيتة يلعب ويا الجهال اخذتة من ايدة بدون مااحجي شي رحت لغرفة ماما وبابا بيها سرمد بكريكوتة قفلت الباب واخذت سرمد وخليتة بحضني وحضنت سامر بقوةة سامر مسغرب تصرفي وتصرفات المجودين بالبيت بعدة صغير ومايفهم شنو صار اطلقت سراح دموعي بعد ماأمنت محد يمي غريب مثل وصية بابا
—تحر لا اتين وتلحين متلهم احاف (سحر لا تبجين وتصرخين مثلهم اخاف) حضنتة قوي
—سامر اريد اكلك شغلة اسمعني زين، وخرة نفسة مني ورفع عيونة الحلوات وباوع بعيوني يستمع الكلامي بستة من راسة وبديت كلامي
—حبيبي بابا وماما راحوا لمكان بعيد وبعد مايرجعون
=وهو مبرطم، وين احاو يتلون انه(وين راحوا يشترون النا)
—حولتهم الساحرة لنجمات بالسماء وباليل نشوفهم مجودين بس على شكل نجمة يسمعونة بس مانر نسمعهم بس نحس بيهم هنا واشرت على قلبة
=واتا اتاقيت اهم تلون ابوتهم (واذا اشتاقيت الهم شلون ابوسهم)
—بوسني واحضني واعتبرني اني هم منا وهيج اني امك وابوك وصديقك واختك واخوك كل شي تحتاجة اني، ادري بي مايفهم شنو كعد اكول بس شسوي اريد اشارك همي ويا احد
=يعني عتة تتو تصيلين (يعني حتى كاكاو تصيرين)
—ابتسمتلةة وبوستة، ايي اصير كل شي تحبة أنتَ وسرمد اصير
—فزيت من صفنتي على ايد سرمد يهزني ، ها حبيبي
=يمكن وصلنا كاموا ينزلون من السيارة
—لحظة اشوف باوعت للمكان السايق راكن السيارة امام فندق
—عمو ممكن تگلي بااي مخافظة احنة
=بنتي احنة بالناصرية وهاي گبالج فندق اغلب الركاب نزلوا بي تنزلين بي لو وجهتج على غير مكان اني لهنا وخلص شغلي
—لا هاهي شكراً عمو سلمتة الكروة ونزلت اخواني
=دخلت للفندق اهل الاستعلامات مقبلوا ينطونا غرفة لان صغار باوعت بجنطتي لكيت جنسية بيبي انطتنياها حتى استنسخها الها مرة ونسيتها يمي
—حبيبتي احنة ويانا بيبيتنا راحت الاقاربها قريبين منا وترجع سجلي الغرفة بااسمها بين ماتجي
=ومنو كال هاي بيبيتكم
—تأكدي من الجناسي بالقوة يلا قبلت انطتني المفتاح، صعدت للغرفة، اول مادخلنا حسيت بشعور الأمان صار سبع سنين محاسة بيي اني واخواني وبسسس محد غريب يمنا
—باوعت الهمم مبتسمة سامر بعدة صافن وسرمد مبتسم حضنتهمم حيل
—باوعت الهمم مبتسمة سامر بعدة صافن وسرمد مبتسم حضنتهمم حيلللل وبوستهمم حاولت احجي ويا سامر ماحجة ولا كلمة طلبت الهم لفات من الكافتريا البالفندق اكلنا ونمنا من التعب،
—سحر سحر كعدي اجوو الشرطة يردون ياخذون سامر كعدي
=وين وين يتخذواا شجابهمم واني اركض احجي ويا
=مااعرف لحكيي علية خلوا السلاسل باايدة
—نزلت واشوف سامر بيدة سلاسل وثنين شرطة لازمي من ايدة وهو مدنگ راسة خجلان وحزين
=سحر ديري بالج على نفسج أنتِ وسرمد اسف لان نزلت راسج صعدوا بالسيارة ومشوا كمتت اركض وراهمن واني لازمة ايدة واصيح عوفوا عوفواا بعدة صغير عفوااا حبابين
سامر: سحر كعديي شبيجج سحرر
—حلمم جان حلمم حضنتةة حييل وابوس بوجهة الحلو، الحمدلله والشكر الحمدلله
=شنو شكو
—هيج ماكو شي بس الكابوس رجع علية، كوموا غسلوا خلي اطلب اكل،، راحوا يغسلون واني نزلت اطلب اكل، طلبت الاكل وقررت احمي اخوية قبل لا يتحقق الحلم
—ممكن استعين التليفون لازم احجي ويا شخص ضروري
= طبعاً اختي تفضلي
—رن رن بعدين اجاني صوتهاا بجييت جنت محتاجة احاجيهاا هواي
=سحر ها أنتِ يروحيي لا تبجينن وتقهريني أنتِ وينن سحرر
—ندى دريتيي سامر
=ايي حبيبتي دريتت اخوية جان يم صديقة بفرعكم وعرف
—سمعتي شي عن اسامة خايفة يموت ويروح مستقبل اخوية والله اموت اذا سووا بي شي
=سحرر تنفسيي بعده بالمستشفى بس ماميت
—الحمدلله
=هسة أنتِ وين اجيج
—مااريد ازحمج
=راح اعتبر نفسي مااسمعت لان مو وقت ازعل عليج
—اني بفندق... بالناصرية
= كم ساعة وتلكيني يمج
—ودعتهاا سلمت التليفون للولد وصعدت، جبتلكم اكلل، سامر ماخذ الزاوية وصافن حبيت اطمنة بلكي ياكل
—حجيت وبا ندى راح تجي تكول اسامة صاير زين، رفع راسة باتجاهيي وعيونة كلهاا دموع
=تمتم بكلامة يعني ما مات
—لاا ماا مات يلا تعال اكل الله يخليك لا تخوفني عليك حجاية منا حجاية منا قنعتة ياكل، انتظررت للعصر اندك الباب، رحت اريد افتحة وگلبي دكاتة مليون
=سحر اني ندى، ارتاحيت من سمعت صوتة فتحت الباب سلمت عليها وعلى اهلها
—اعذروني تعبتكم وياي وحتى ضايفة ماعندي اقدم الكم
=ماما بابا فروس اعتبروا نفسكم ماسمعتوا
ابو فارس: عمي شنو هذا الحجي احنة اهلج واجب علينا نحميج أنتِ واخوانج واحنة جينا اليوم نرجعج لبغداد ويانا
—على راسي عمو بس رجعة لبغداد ماارجع والله مااكدر
=هذا هو بابا نخليهمم يم بيت خالة سناء بين ماتنحل الامور ونجيبهم يمنا
— لاا يروحي مااريد اتعبكم راح نبقى هنا بين ماالكة مكان اعيش بي
=سحر والمصاريف
—تتذكرين الفلوس الكتلج جمعتهم همة
=جنتي مجمعتهم على مود التليفون والحلم
—التليفون مو مهم وحلمي الوحيد احمي اخواني
=سحر سمعي مني وروحي يم خالتي كم يوم بين مانشوفلكم بيت
ام فارس: ايي بنيتي حظري اغراضكم وامشي ويانا هي عايشة وحدها وسولفتلها عنكم
—وين ساكنة
=هنا بالناصرية
—ابقى يمها بين ماللكة شغل
=الي يعجبج بس هسة لازم تروحين يمها
—رحت اخذت رأي سامر وسرمد وافقوا حضرت اغراضنا اساساً مجايبة هواي
—سلمنا مفتاح الغرفة وصعدنا بسيارة ابوها لندى، بيت خالتها صاير بالاطراف قريب على الريف منطقة حلوة، وكفت السيارة قدام بيت شكلة مرتب من برة متوسط الكبر باب البيت قصير وناز علية اوراق شجر الليمون الي مزروعة ببداية البيت، نزلنا من السيارة، دق الباب ابو ندى،
—طلعت مرة شكلها اكبر من ام ندى وجهة محبوب ونوراني سلمنا عليها ودخلنا لوسط البيت
ام نجلاء: زارتنا البركة شلونكم خالة
—الحمدلله
ام ندى: ام نجلاء سولفتلج على الاولاد وعن حالتهم
ام نجلاء: ايي حبيبة سولفتيلي افرشلهم بعيوني اذا مكفاهمم البيت
ام ندى: يسلم عيونج يبعد اختج
—ضلت ام ندى تسولف ويا اختها واني وندى وفارس طلعنا برى
فارس: سحر اني راح استلم قضية سامر بدون رفض رجاءً
—اريد استشيرك بشغلة
=وهو يباوعلي بنظرة تسأول، تفضلي
—بعد ما سامر طعنة لاسامة لزمت السجينة وخليتهاا بالجنطة
=يعني واحد من الادلة يمج
—ايي راح اكلك شغلة بس الله يخليك لا تعارض
=وهي
—اريد اسلم نفسي واكول اني ال يصاوبت اسامة، الله يخليك لا تعترض خلي افهمك اول، سامر صغير ومن يسجنوا راح يأذوا مستحيل اخلي يتأذة مستحيلل لهذا راح انطيهم السجينة الي عليها بصماتيي وانقذ اخوية
=كولي مشيت وياج وقبلت بتصرفج الغلط هذا منو كلج مااسامة اعترف على اخوج او عندة دليل
—سامر صاوب اسامة بالحديقة يعني بعيد عن الجيران ومحد جان كاعد وبيت عمي مامخلين كامرات
=سحر فكري زين ترى كعد تلعبين بمستقبلج
—العب بمستقبلي ولا مستقبل اخواني
ندى: سحر اصحيي منو الاخوانج وحلمج ودراستج
—اخواني يمكم ويم خالتكم ودراستي من اطلع من السجن اكملهاا
=مو هي بهاي البساطة طالعة من السجن وتكمل دراستها عادي
—فارس حالياً ماكعد افكر بشي ولا هامني شي غير اخواني مو كتلي اني اخوج ياا اخوي اريدك وياي باجر اسلم نفسي
=سحر
ندى: سحر لخاطري
—اعذروني والله مااگدر اتراجع اتأخذت القرار اساساً مرتح ابقى هواي بالسجن لان ما مات، ندى عافتني زعلانة وفارس باوعلي بنظراتة حزن ابتسمت ورحت يم اخواني لعبت وياهم شوي، جابلنا فارس اكل من برى اكلوا الجهال وناموا، ام ندى وابوها وخالتها هم ناموا
—فارس ندى اخواني أمانة عدكم اذا ماكدروا يتعايشون بهذا مكان من دوني اخذوهم يمكم بالبيت بين مااطلع والله ماانسى جميلكم ويانا
=شتحجين غير اخوانة أنتو قابل غريبين خليها ببالج ماكو جميل بيناتنا
—ندوش شو ماتحجين بعدج زعلانة
ندى: سحرر ورمت نفسها بحضني وهي تبجي
—ندوشتي مااريد تضعفين منو الاخواني غيركم اريدكم تكونون اقوياء لخاطري وخاطرهم ماعدنا من بعد الله غيركم
=قوت حضنتها عليةة هديتهم ورحت اخذت الدليل وكتبت رسالة لسامر
—💬.. ينكتب علينا نمر بظروف مرات نشوفها هواي على عمرنا بس هي مكتوبة النا مابيدنا الا نصبر على هاي الظروف ونجتزاها بالتحمل، تصدكون اذا كلت الكم أنتو اغلى شي عندي بهذا العالم راحتكم راحتي حزنكم حزني مااريد من هذا العالم كلة الا سلامتكم واشوف ضحكتكم الحلوة مااحب افارقكم دقيقة بس مكتوب علينا نفترق بس فراق صغير ووعد اخت وام الاطفالها راجعة الكم بااقرب وقت صدكوا مااعوفكم وراح ارجع ديروا بالكم على نفسكم سحر تحبكم كد الدنياا لا تبجون كدام احد ولا تضعفون كدام احدد خليكم اقوياء مثل ماربيتكم احبكمم عالميي الوردي أنتو كل مااكتب كلمة ينزل وياها شلال دموع الورقة تبللت من دموعي طبكتها بستها وخليتها يم المخدة وبوستهم على كيف وطلعت صعبة علية اعوفهم صعبة اخاف عليهمم اذا عفتهم دقيقة بس مجبورة اعوفهم مااريد اخسر سامر، مسحت دموعي ونزلتت
=جاهزة
—ايي نمشي
ندى: اجي وياكم
=يلاا
—صعدنا بسيارة فارس وانطلقنا لاحدى مخافر بغداد
—اليوم راجعين لبغداد مو؟
= ايي بعدني محاجي الاهلي عن قرارج بس ارجع اسولف الهم ونرجع الولد ويانا
—ماتقصر
—بعد ساعات وصلنا للمخفر خنكتني العبرة احسس راح اروح وبعد ماارجع الهم حسيت ادين ربتت على ظهري فارس وندى ابتسمت الهم بحزن ودخلنا سوة قدمت الدليل وحققوا وياي بعدها دزوا تيم للمستشفى يحققون ويا اسامة
