=تقدمت الضابطة وهي تتوسط السجن وتعلي صوتها، السجينات الجدد اوكفوا بالسرة وتعدد باسمائنا
-صاحت اسمي مارحت عادت على الاسم اكثر من مرة، شجعت نفسي ورحت
=هيي لعد صار ساعة ماتردين
-مو مو جنت نايمة
=عود صدكت اوكفي بالسرة
-وكفت واسمع البنات يتبسبسن بيناتهم انو اجة وقت العذاب، اجة الاسمة ابو طبرة وبيدة مكينة وبدء يزين بالبنات انترس المكان شعر والغريب مايحركن ساكن دموعهن تنزل بصمتتت، بعد الانين الصامت سمعت صرخة بنية تمنع ابو طبرة يلزم شعرهاا
=عوفونيي وعدت امي مااكصةة ايدكك عوفونيي
- اشر بعيونة للحرس اخذوها رغم مقاومتها بس ماكدرت عليهم
ابو طبرة: تربيتي
-كلام البنية رجعني لبيتنا القديم جنت كاعدة بحظن بابا وهو يظفرلي ماما جانت زعلانة ببيت اهلها كالعادة جنت لابسة صدرية نيلي قصيرة وقميص ابيض بي فيونكة شعري جان لكتفي بابا حيل معتني بشعري وبملابسي
-بابا البنات كلهم شعرهم قصير لحنجهم ويبقوا مفلول
=سوسو احنة مو كلنا شعرنا نتهتم بي ونطولة لان بابا يحبة
- بابا من اكصة هم اهتم بي
=باعي اذا ضلينا فالين شعرنا راح يتوصخ ويضل يوكع واني احب تطولين شعرج ماعندي بس بنوتة وحدة حلوة وشعرها حلو واحب اهتم بي ضل يلعب وياي بعدها رحنا للمدرسة، منها ماطخيت شعري ونفس النمط البابا استخدمة بترتيب شعري استخدمتة من كبرت اغسلة بصابونة رقي واظفرة ومرات اشتري زين زيتون ادهنة بي لحد ماطولتة مثل مايحب بابا، شفت ابو طبرة صار كدامي هو ومكينتة
-الله يخليك سيدي بداعة كل شخص عزيز عليك عوف شعري والله يذكرني ببابا المتوفي
=يبوو الايقونة اخذوها
-سلمتهم ايدي كل ضني هاهي خلصت بعد مايزيني باوعت للبنات المستغربات تصرفي واكو البعيونهم نظرة عطف
-مشيت وياهم ذبوني بغرفة فارغة تتوسطها جرباية حديد مزنجرة، شمروني بكل قوتهم على الجرباية، ضليت ارفس بيهممم وادفع قيدوا مقاومتي
-عوفونييييييي الله يخليكممم عوفونييييييي، ربطوا ايدي بحديدة الجرباية ورجلية كذلك، عافوني على هذا الحال وطلعوا
-ياربب يارررب احمينيي بابا مدري شراح يسوولي لان دافعت عن شعري بابا مايردوني احمي امانتك، بابا حبيبي تعبت بدونكك جنت اشوف العالم بعيون بريئة جاهلة منظر العالم المخيف المابي ذرة رحمة، اثناء ماادعي نفتح الباب ودخل ابو طبرة ونفس وويا ضابط واحد، تقدم ناحيتي وهو يكول
=لو مخلياتني ازينكم من الاول بدل تنعوصكم مو احسن الي والكم
-سيدي الله يخليكك
=لا شافج الله مامعتاز دعوة وحدة مج. رمة، شاكر انطيني مد ايده ياخذ المكينة من الضابط الويا
-تقدم شمر شالي وشغل المكينة، عوفنيييي عوفنيي والله مو مجرمةة والله دافعت عن نفسيي بس
_رغم محاولاتي بحماية شعري امانتة بابا توسطة المكينة شعري
=هييي صوت مااريد
-سديت حلكي احاول اكتم شهكاتي الي تزيد ماتنقص كل واني اشوف شعري بالكاع بابا جان يشتريلي زيت طبيعي يوصي صديقة يجيبة الا هدية
=طفة المكينة وهو ينكت الشعر منها، جان خوش شعر مع الاسف
-يتيمة والله اشور، ماحسيت براشدي فر وجهي
=*****تشور بيه اني ابو طبرة
-شفتة شغل مدري شنو ولزم اسلاك بيده قدمهم ناحية رجلي باوعلي بنظرة حقد مابيها اي رحمة
=صوت مااريد راسي يوجعني
-قرب الاسلاك من رجلي حسيتت هاهي راح اروح يم بابا وهاي جانت امنية عندي، فقدت الوعي بعد ماحسيت بشيء
__________________
-حسيت بقطرات مي بللت وجهي فتحت عيني شوي شوي شفت نفس البنية الدافعت عن شعرها
-بهمس: أنتِ
=اني سجينة وياكم
-ايي شفتج، ضليت اباوع للمكان مو نفس الجنت بي ولا نفس السجن
-اكُلج وين احنة وليش بس اني وياج هنا وين السجينات
=سمعت أنتِ هم واكفة بوجهة ابو طبرة واحنة الي نوكف بوجهة يحبسونة وحد
-ما وكفت بوجهة بس دافعت
=هو هيج البنات سولفولي عنه بلا رحمة وماعنده قلب شايل التسامح من قاموسة لهذا يخلوا على التعذيب يكرهة مايكهرة الشخص اليوكف بوجهة حتى لو يكلة حرف
-حسبي الله أنتِ شسوالج واني شصارلي
=فقدتي الوعي يومين بسبب الصاعقة الكهربائية وحالتج النفسية فجابوج هنا، اما عني كم نتلاية على غطسوا راسي بالمي كم دقيقة وكم اظفر
-عززا كل هذا وتحجيها بكل بساطة
=شفت الاقوة منه
-شنو شفتي
= بصراحة مخنوكة كلشش واريد احجي كل شيء مستعدة تسمعين لو تعبانة
-مابية شي اسمعج
-باعي ابديها الج جان عمري 14سنة ماتت امي بالانفجار جانت بالزيارة مشاية مثل كل سنة تروح مشاية ويا الجوارين نذر لان اجيت على الدنيا بعد ما الكل كالولها مايصير عندج اطفال لان تأخرت يلا حملت بس الله ارحم ورزقهم بية جنت حبيبة ماما وبابا وحيدتهم واجيت بعد معاناة ماخلوا شي بنفسي،دمعت عيونها وهي تحجي صفنت بالفراغ وبدت تكمل سرد قصتها، تأذينا اني وبابا على فراقها البيت صار موحش ومحد يمنا يساعد بابا بالعناية بية، لمينا غراضنا وبعنا البيت حتى ننتقل لبيت اهل بابا، اول سنة هادئين وويانا على الحزن بعدين بدن عماتي يقنعن بابا يتزوج حمات عمتي بابا رفض رفض قاطع انو يتزوج، ضلت عمتي وحماتها يترددن على بيت جدو واهل باابا يقنعون بي قرابة الاشهر واشوف بابا تغيرر كلشش تصرفاتة مو نفسها ويباوع لحمات عمتي ويمدح بيها بيوم من الايام سمعته يفاتح امه تروح تخطبها الا هي حياتة وحر بيها بس شوية ضجت لان جان واعدني مايتزوج غير ماما وهو وياها تزوجوا عن حب وبعد اصرار وعواقب يلا صارت الا جدو ابو ماما جان يشتغل سكرتير بشركة بابا لصناعة الالبان ومرة من المرات عازم بابا وهو شايف ماما وداخلة لقلبة وعقلة بهدوئها ونزاكتها، المهم فرحوا بيت جدي وراحوا خطبوها الا بدون عرس على السكتة عقدوا وبعد اسبوعين اجت للبيت، عاملتني عبالك بنتها وبابا كلشش حبها، اشترى بابا يبعد شارعين عن بيت جدو وكعدنا بي بابا يروح للشغل وهي تبقى يمي، انتبهت الها من بابا يروح مدري شنو ترش بغرفتهم لو باكل بابا مااهتميت طفلة،، مر تقريباً 6اشهر على زواجهم كلة تمام بس بابا بدء يتعب ويمرض كلشش تعب راح الاكثر من دكتور كالوا مابي شي،، بهاي الفترة من يروح بابا للشغل او عنده مؤتمر يضطر يسافر يبقيني يمها لان ثقة وهاي، تجيب شخص للبيت اسألها منو تكلي اخوية وتعالي سلمي على خالج، بس جانت تلبس لبس كلش مو حلو من يجي لو تجيب عصاير واكلات مااهتميت، بس الي خلاني اشك بالموضوع هو تصرفاتهم هي واخوها كلشش مقززة، هي عبالها نايمة بس شافتني اباوع عليهم لزمتني خلصتني خلاص
_اثناء ماتحجي شوفتني ظهرها بي طبع حرك
=شوفي عاقبتني وهددتني اذا حجيت راح تخلي الي وياها يعت.. دي علية، ضليت ساكتة من يجي بابا اخلصها ويا وماافارقة ابدد ومن يروح اقفل غرفتي واضل بس ابجي، كلت الى متى اضل ساكتة راح اكتب رسالة لبابا اكيد ماتعرف، رحت على كيفي للمكتب مطمنة لان بابا بلبيت وهي يمكن نايمة اثناء ما كاعد اكتب حسيت انجريت من ايدي حسيتها انخلعت
=يروح ابوج لو لاا تعالييي
-جرتني دخلتني غرفتي وقفلت الباب علية، اسمع بابا يسأل علية تكلة نايمة يريد يجيني تلهي لحد ماراح للشغل ورة دقايق ودخلت علية بيدها حزام شلوطتني بي بكل مكان وجهي جسمي اصرخخ بكل قوتيي احسهاا تستمتع بمعاناتي انتهيت بعد مابية افتح عيوني حسيتها جرتنيي حييل وكال جنتي تكتبيت الرسالة باايدج هاي مو باايدج نزلتني الدرج على السريع وهي لازمة ايدي وصلنا للمطبخ، جان اكو طاوة بداخلها زيت طبخ، نظراتي تتنقل بينها وبين الطاوة، سحبت ايدي حييل وخلتها ببطن الطاوة صرخت صرختت كمت اركع بروحي اريد اجر ايدي لازمتني حيل دفعتها حيل واني اباوع الايدي الي تشوهتت اغمى علية من الوجع، كعدت واني بالمستشفى وبابا يمي يبجي وهي واكفة يمه وايدها على كتفة
=ماتمالكت نفسي ضليت اصرخ بهسترية، مجرمةةة اطلعييي برةةة الله ياخذجججج حيوانةةةةة، بابا يسكت بيه وهي صاحت الممرضة ضربتني ابرة مهدء
