—يبس الدم بعروكي واني اسمع هو يكول للضابط البصفة
=اني راح اختم يومي بالبطلة البقية عليك
رد علية المقرف: براحتك سيدي
—اشر للضابطة اليمي هي ابتسمتلة بلواگة وسحلتني ورا بين ضجيج صرخاتي وصرخات حلا الي صارت تشبهه اللبوة تريد تنقذني منهم واحسها فهمت وين يردون ياخذوني
حلا: عوفوهااا كلابببب عوفوهااا
—دار وجهه ابو طبرة عليها بنظرة مرعبةةة واشر للضابط يسكتهاا
—قيد حركتها وجرها بين صرخاتها لخارج المكان
ابو طبرة: راحت سندج باح
—وينن اخذتوها الله ينتقم منكممممم
=بومة جيبيها وراي حتى نشوفها وين اخذناها
—عوفونيييي اريدد حلاااا رجعولييي حلاااا
—وصلنا على المكان الطلوب ووخروا الغطة الي خلو من اول ما طلعنا من وجهي، رجعت بذاكرتي هذا المكان نفسة الي اجيت علية بعد مازينوا شعري
=كال وهو يسحبني من ايدها: ماقصرتي بومة بعدي كل الحرس منا مااريد احد يجي
بومة: تدلل سيادتك
—بقيت متبسمرة بمكاني المكان فارغ و حلكي سدو بس هيهاتت اخضعلهممم، رفستة عدة رفسات وهو يضحك
=جرنيي حيلل من ايديي شمرني لداخل الغرفة وهو يكول: ههههه لا لا لا مو حلو هيج
—قربني منه بطريقة مقززة، سمعت صوت دفرتة الباب
هو ابتعد بسرعة جان مثل الثور تحول الفارة من شاف المدير وبصفة فراس
—فراس ركض بأتجاهي ومبين على محلامحة القلق
فراس: أنتِ بخير سوالج شيء
— هزيت راسي وهو يشيل اللاقص من حلكي والدموع تنزل بغزارة من عيوني بللت ايدة ، دقات قلبي مليون لو ما ملحكين علية حتى مااكدر اتخيل
المدير: اخذها المكتبي هم هناك يفكون ايدها خلي ترتاح ونسولف هناك اما هذا الخسيس حسابة عندي
—اخذني فارس لغرفة المدير كعدني على الكرسي وراح جاب القفل مال كلبشات
فراس اسفة بكدما خفتي اليوم اسفة لان لحد هسة أنتِ هنا
—كمت حضنته جنت محتاجة سندد محتاجة احد يخففلي وجعي وايامي العشتها هنا
—حضني اقوة وهو يكول: اصرخي طلعي كل كتمانج طلعي كل قهرج لاا تكتمينه
— ابجي واشهگ واضرب بقبضة ايدي على صدرة، فراسسسسس تعبتتت تعبتتت ليش خلفتنا اذا ماتريدنا ليش جابتنا الهاي الدنيااا ليش ليششش كلة بسببها وجعنا دموعنا جرحنااا كلة بسببها كل يوم حقدي وكرهي يكبر تجاهه
=رفع وجهي بين ايدة يمسحلي دموعي: هذا كلة اختبار اختبار مدى صبرج يجي يوم وتلتقين باامج وراح تكونين بااحسن حال وبوقتها اوكفي كدامها وكليلها احنة اولادج الي ماتشرفتي بينا شوفي وين وصلنا
—نزلت راسي بأسى ماعندي طاقة امثل علية مثل كل مرة واوهمة بطاقتي الإيجابية
= كال وهو يغير المود: لايكتلك الصلعة ابو الشباب
—ابتسمتلة: لو شايف بالبداية بقولي ولا شعراية هسة احسن بهواي
=عندي اخبار حلوة الج
—باوعتلة بأستفهام
=خلص حكمج بعد اسبوع الافراج
— الرجفة احتلت كل جسمي، ووو وووالله؟؟
=هههه والله
—سجدت سجدة شكر وجسمي كل يرجفف، ما مصدكة راح اشوف اخواني راح اشوف الشمس، راح ارجع ادرس الك الحمد ربي الك الحمد
____________________________
—دخلتت واني كلي فرح اريد افرحها وياي نكسرت فرحتي واني اشوفها متمددة ووجهه مامبين من الضرب، ركضتلها واني ارجف قهر عليها
=رفعت عيونها بتعب، الحمدلله أنتِ بخير، خفت عليج كيفيي طلع عندي مشاعر
—ها شمسوي بيج الحيوان الله يكسرر ايده رايحةة اشتكي عليه
لزمت ايدي وهي تكول: يمعودة قابل اول مرة، تعالي سوالج المحامي وصل بالوقت المناسب؟
_وصلل وماكدر يسوي شي، واكوو خبر حلو بس من شفت شمسوين بيج راحت فرحتي
=اشرتلي بعيونها بأستفهام
— بعد اسبوع راح اطلع منا
=شهكت بفرحة وكامت حضنتني، وبسرعة ابتعدت
—راح اشتاقلج هواي
ابتسمت بس علامات الحزن مبينه على وجها=من تشوفين اخوانج وصديقتج تنسيني
—مستحيلل من اطلع راح احارب على مود تطلعين منا مكانج مو هنا مكانج بالكلية
=هه عود ان شاءلله
—ابتسمتلها بدون رد حقها بردود افعالها وشخصيتها الباردة بعد كل الشي الصار وياها، احسها ضامة عليها هواي، اكثر من السولفته الي
__________________________
—سرمدد يلا ولك تأخرناا
گام بسرعة وهو يفرك بعيونه
=بيش الساعة؟
—ب6 الصبح
=عاا سامر بعد هواي
—ولكك اني من الحماس حتى مانمتت صدك تحجي مامتحمس تشوف امنا؟
=متحمسس بس نعسانة وهي معلمتني ما اقطع نومتي لان مضر وكالت اذا هملت نفسك ازاعلك
—يلااا تعال نغسل
—غسلنا وبدلنا ونزلنا كفختنا ريحة اكل خالة ام فارس هاي العائلة لو اضل امدحهم منا الباچر ما اوفي
ام فارس: نزلوا البلابُل
—صباح الخير خالة، ريحة الاكل كفختني
=صباح الخير خالة
ام فارس: صباح النور حبايبي تعالوا اكلوا لعدد
—كعدنا جانوا ندى وابوها كاعدين صبحنا عليهم وبدينا ناكل
فارس وهو يلعب بشعرنا: هاي شنو سابقيني بالاكل وين يوصل بيه الاضطهاد بعد
ندى: هههه اكل موجود بس لا تبجي
—كملنا اكل بسرعة بسرعة وطلعنا ويا ندى وفارس بوجهنا للمحكمة بقلوب كلها لهفه للقاء اختنا وامناا المضحية
________________________
—واكفة كدام القاضي وبصفي فارس اباوع الاسامة بعدة نفس الشخص ذاته ينظرلنا بكل حقد، قلبي يخفق بكل قوة، مابقى بينة نقطة دمم لحد ما نطق القاضي بالحكم
=افراج
—ضليت ابجي وارجف، اخذوني الحرس واني الوحت بأيدي الاخواني وندى وفراس قادوني للسيارة بوجهنا للسجن
= لحظةة،
—درنا وجهنا الفراس وهو تقرب يمي
=بنيتي راح تبقين هناك منا الباچر الصبح نخلص الاوراق وترجعيلنا
كلتله واني عيوني مليانة دموع — لاخر يوم بحياتي ماانسى وكفتك
ابتسم هو يلوح بأيدة—روحي بعدين نتفاهم
________________________
—دخلت وشفتها منتظرتني بعيون قلقة
=بشري
حضنتها واني اكللها—راح اطلععع باجر الصبح
ابتعدت عني =الحمدلله
لزمت ايدها —وعد راح اطلعج منا
=هه خوش
—تعالييي نسولف هوايي قبل اطلع، كعدنا على سريري وطلعت جنطتي الم اغراضي، كومة اغراض فراس سوة السجن غرفتي
وهي تاخذ نفس من الجكارة= اي وضيفة تحلمين بيها؟
ابتسمتلها—اريد اصيرة محلله
=حلو
—وأنتِ؟
=قبل لا يموت ابوية جان حلمي طب جراحة
—صدكي تصيرين
=عود اكله
—ليش تستهزئين
=شتردين من بنية بالسجن متهمة بقتل ابوها، متعرضة للتحرش والاغتصاب، وتعاطت مخدرات وادمنتهم، ادمنت الجكاير واهمها مرافكة ام تحسين، اني متدمرة مااتصلح
—انصدمت من كلامهاا اول مرة تحجيلي، ربتت على كتفها ساكتة، وهي كامت، فكرت لازم اسوي كل شي حتى نعالجها
________________________
—كعدت على صوت الباب متكسرة البارحة سوولي البنات حفلة وداعية، يطبلون ويغنون، تونست وياهم وركصنا اني وحلا
الحارس: سحر المدير يريدج
—كمت رحت ويا، وهناك لكيت فارس كملنا كل الاوراق، ورجعت اجيب اغراضي حتى نطلع
—غسلت وبدلت، خليت جنطتي على صفة ودعت البنات ورحت الحلا، حضنتها وهمست بأذنها
— مدة قصيرة ونلتقي ونروح نسجل بكلية احلامج، راح اشتاقلج اختي بالدم
رفعت عيونها الي بيهم دموع اول مرة اشوفها هيج=اول مرة راح اشتاق البشر
—ودعتهم وطلعت لكيت فارس منتظرني ابتسمتله وهو اخذ الجنطة مني والابتسامة نابعة من روحة، طلعت من باب السجن شفت الشمس، اخذت نفس عميق احسس اريد اترس ريتي هوى نقي، درت وجهي على فارس
—فارس شكراً
ابتسم وهو يمسح دموعي=واجبي
— غادرنا السجن الي عشت بي ايام سودة بس حلتها لقائي بحلا متوجهين لبيتهم اشوف اخوني وابدي مسيرتي الجديدة مسيرة مستقبلنا
.
.
.
.
.
.
.
.
.
.
.
السيدة طماطم🫶🏻
