=طلعت من المستشفى بابا جاب اغراضة وقرر ينام يمي بين مااتستقر حالتي داراني كلشش وبس افتح حلكي يكلي سكتي يخاف اتعب، مر يومين على طلعتي من المستشفى قررت لازم احجي البابا عن مصايبهاا واخلي يطلكهاا اختنك من اشوفهاا وهي بفترة مرضي تتلوكلي حتى ارضى وانسى سواياتها
—بابا حبيبي
=روحة الابوج
—بابا اريد احجيلك شغلة صارت بس قبلها أنتَ تثق بيه؟
=اكثر من روحي
—حضنت بابا وبديت اسردله الصار كلة من اول يوم جابت الرجال للبيت لحد يوم الحادثة، تعصبب حييل عيونة نطت من العصبية ووجهةة صار احمرر لزمنيي وحضني بقوة عبالك يريد يحميني من البشرر ومن الدنيا
=ثمرة حبنا وصية غدير روحي من الدنيا كل هذا صاير وماتحجيلي
—بابا جانت تهددني وخفتت هسة أنتَ صدكتني موو
=شلون مااصدكج واصلاا جنت شاك بيهاا مسويتلي سحر وردت اتأكد واطلكهاا
—عززة وشلون عرفتت
=ام صديقي تعرف بهاي السوالف وكلتلهاا اعراضي من بدت تتردد على بيت اهلي لحد قبلل لا اشوف ام صديقي وكالت سحر، تدرين من بطلت السحر كرهتهاا مااحبهااا ولا متقبلهاا بس جنتت مو واعيي
—حضنتة حيلل وكلت، وهسة شراح نسوي
=ابقي هنا لا تنزلين
—هزيت راسي، نزل بابا وصار صوت عالي وصوت بجيهاا وعياط بابا، خفتت بس ردت اشوف شلون عاقبهاا، باوعت لزمهاا من شعرهااا ويعتتت بيي وبيدة حزام يكتلهاا بي شوية واندك الباب، شمرها بابا وهي زحفت على الارض تريد تشرد، فتح الباب بابا وطلع نفسة الولد صاحبها،مدري شصار بية من شفتةة كمتت ارجففف وابجي
= دفع بابا وفات بابا تعصبب لزمة كتلةة لان دخل هيج بعدين اعترف البابا والتقاتلوا بينهمم ضليتت اصرخ وادعيي علية مابيدي شي اسويي بابا هو سندي هو كاعد يقاتل
=دفع بابا على الارض حييل وهو سودة علية تعبان حتى منايم زين بسبب مراقبتة الي بليل افز مرعوبة،طلع المسدس من سترتة ووجهة على بابا نزلتتت مرعوبةةة لكن طلقتة كانت اسرع مني اخترقت جبين بابا ووكع بالكاع فارق الحياة واني بعدني مشبعانة من ومن حنيتة بعدنا مماخذين حقنا من هذول الانذال نزلتت ارجفف حضنتةة واني ابجي واتوسل بي يعيششش، تتخيلين لزمتةة النفس ماكوو بسسس اتوسل بس يعيشش
سحر: تقربت منهاا حضنتهاا احاول اهدي بيهاا بعد ماحسيتهاا راح تمر باانهيار عصبي
—غلطتي لزمت المسدس وحاولت اقتلةة قيدوا مقاومتي واخذوا المسدس بعد ماصارت بصماتي علية اخذة بوصلة، ربطونيي حتى يسيطرون على انهياري، ساعات ووصلت الشرطة الادلة موجودة والشهود وجابوني هنا، كل مااتذكر اني متهمة باطل ومن احقر ثنين امووت من القهر واتهام شنو قتل ابوية
=ضليت امس على شعرها وهي بحضني من تسمع مصيبة الناس تهون عليك مصيبتك، زين ماحاولتي تحجين الحقيقة على الاقل للشرطة
—حجيت وبجيت محد صدك هم عدهم ادلة واني لا
=يقيسوها بالعقل وين اكو بنية تقتل ابوها
—كالوا للشرطة عود اني اسوي شغلات محرمة ويا عشق مرت ابوي عشتو ومن عرفنا بابا قتلته، وماعندي احد يفتح القضية بيت جدي اعتبروني متت
=ياعمري اني اعرف محامي زين وراح اخلي يلزم قضيتج بس انطيني اسمج الكامل
—ماتقصرين بس ماكو فرق اذا طلعت او لا
=لا اكوو تكملين دراسة وتعتمدين على نفسج
—ابتسمت بستهزاء وكامت للباب تدقة بقوة وتعلي بصوتها
=ابو طبرة عيني ماخلصت عقوبتك ترة اختنكنة عاد هناك نسولف ويا البنات، دارت وجها علية وغمزت
=نسيت اتعرف عليج شنو اسمج يحلوة
—ههههه هسة يلاا اسمي سحر
=واني حلا رافكتيني راح يصيبج سكر
— ضحكت على سوالفها ولا عبالك هذيج الجانت تسولف مأساتها قبل شوي بس اكيدد بسبب الشافته قلبها صار حجر، ابتسمت واني اترقب اجابتها، واسم ابوج؟
=ادري مراح يصير شي بس يلاا حلا كرار مهدى
— مديت ايدي، تشرفت بمعرفتج
=مدت ايدها وهي تصافحني، الي الشرف بعد جبدي
—اجة الحارس واخذنا لهذا السجن قررت احجي لفارس عليها بلكي يكدر يساعدها
______________________________
اليوم موعد الزيارات قلبي يخفق بقوة لحظة اللقاء مشتاقة الهمم بكد اكبر شي بالعالم وهو رحمة الله مشتاقة ادرسهم اوكلهم اسولف وياهمم انفتح باب السجن ودخلت الضابطة تعدد اسماء السجينات للقاء عوائلهم حسيت فراشات ببطني وهي تكول اسمي حتى التقي باولادي
=يلااا كداميي
—اخذتنا على المكان المحدد لزيارت السجناء، امشي وادور بعيون ملهوفةة للقائهم بعيون بيها اشتياق ماايعرفة ولا يحس بي احد غير ربي اول مرة ابتعد عنهم هل مدة لمحتتهمم واكفين ووراهم فارس وندى ينتظرونيي غوركت عيوني واني اشوفهم ضعفانين ومبين عليهم التعب وسامر عيونة بيها هلات سوداء اكيد محمل نفسة الذنب
=سحرررر
—تقربتت منهمم واني اخلييي ايدي على السيم والمس اديناتهم الصغار باادية، عيون سحر قلبهااا روحها أنتو ضلوا لازمين ايدي وهم يباوعون بعيوني وساكتين وكأنما نروي عيونة بشوفت بعض
سامر: اميي أنتِ شلونج البيت بدونج اضلم طلعتي شمعتة واحنة مانحس بيج كل يوم ماانام قبل لا الوم نفسي على كل لحظة وكل يوم ضوجتج بي وزعلتج مني
—خليت اصبعي على شفايفة، اشش وليدي مو عيب أنتَ مو كلت اني امك يعني تدلل علية والله تعبكم ومشاكستكم الجنتوا تسووها واسوي نفسي زعلانة منكم اكبر راحة بالنسبة الي
سرمد: تدرين كل يوم اتحلم احلام تخوف واحس نفسي مااشبع من طبخ خالة ام ندى صح اكلها كلش طيب بس ماادري
فارس حب يلطف الجو كال وهو يضرب سرمد على كتفة بخفة: ها ولك طلعت تجامل اميي وهي مكيفةة بيكمم كل يوم مسوية اكلة جديدة
—ضحكنا، سولفولي عن ايامهم وخوفهم علية ضليت اطمن بيهم ووصيت نداوي عليهم ودعتهمم وراحوا شكد جنت متمنية احضنهم بس مرفوض نشوفهم من برى السيم طلبت من فارس اسولف ويا وهو جاب موافقة بااعتبارة المحامي الخاص بية اجة بالمكان المخصص بعد ما خلاهم بالسيارة
=قبل لا انسى سلمت للضابطة الكتب وكالت من تنتهي الزيارة توديهم الج
—كلش شكراً الك طلباتي صاروا هواي
= يابة قابل شمسوي تدللين على اخوج
— ربي يحفظك الي يارب، بديت اسولفلة على قصة حلا بالتفصيل
=شنو هايي عبالك بفلمم منو كال ماتجذب؟
—على شنو تجذب واصلا شهدت رجفتها وخوفها وبهاي مستحيل تكدر تمثل
=ممكن باجر هم امر والتقي بيهاا وافهم بالموضوع اكثر وتسويلي توكيل
—شكراً شكراً شكراً ماانسى معروفك ابدد
=ههههه تدللين علية شعندي غيرج، اردف مكمل كلامة، خو ماتعرضتي الشيء بالسجن ؟ تعذيب شيء
—هه كم نتلاية على زينوا شعري
=فتح عيونة مصدوم، صدك تحجين هاي شوكت وليش ماعندي علم
—ماحبيت احجي لان كلت شي طبيعي وهو سجن اكيد اشوف بي تعذيب
=بس مو هيج مالهم حق وهذا ابو طبرة راح اشتكي علية مبين مو راحة ابتعدي كلشش عنة
—هزيت راسي ودعني بعدما وصاني على نفسي وراح
____________________________
—مرت الايام عادية حلا التقت بفارس ووكلتة على قضيتها وبدء فارس يمشي بالاجراءات وهم ارتاحيت من ابو طبرة لان فارس اشتكة عليه، خلصت ايامي اقراة مواد السادس وحلا الي صارت صديقتي، الا ما بيوم من الايام كاعدة اني وحلاا اقرة تعريف وهي تسمعني اجت كعدت يمنا الاسمها ام تحسين تباوعلي كصتني كص بنظراتها حتى حلا انتبهت وكامت تخنزر
ام تحسين: اووي أنتِ راح تتعبيني يرادلج هواي تعديلات
—اني؟
ام تحسين: اي دادة أنتِ
—ليش
ام تحسين: بعدين تعرفين
—عافتني وراحت درت وجهي على حلا الي تباوع وراها بقرف
=باعي سحر ابتعدي عن ام تحسين ام تحسين داهيةةة وهسة مرافكة ابو طبرة ابتعدي عنها
