_چنت سارحة بخيالي قطع تفكيري طرقات الباب، اخذت نفس وسمحت الهم بالدخول
=ما كافي عاد؟
_فارس اذا نفس الموضوع الله يخليك عوفني، تحت انظاري اخذ كرسي وتقرب كعد گدامي
=صايرة ضعيفة مامتعود اشوفچ ضعيفة هيج
_لالت الدموع بعيني اردفت بغصة طلعت من اعماق روحي، فارس تعبت، تحملت وكتمت كبتت مشاعري بس بعدد خبر وفاة حلا انفجرت طلعتت كل المشاعر كل الجروح والاحزان
نهاريت بالبچي وهو بس يستمع، لحد ما خلصت نوبة بكائي يلا سمعت صوته
=سَحر انتبهيلي ابوية أنتِ، صارلچ فوك الشهر حابسة روحچ بالغرفة اكلچ قليل نومچ قليل دراستچ اهتمامچ اخوانچ كلهم عفيتهم، وين سَحر الي تقوي نفسها الخاطر اخوانها ها وينها؟، زين تدرين اخوانچ كل يوم يجون يمي يبچون على حالچ، من چنتي بالسجن ما چانت هيچ حالتچ، ماكلتلچ هيچ حتى تبچين بس لا حتى تكومين امتحاناتچ قربتت قربتي الهدفچ قوي نفسچ ياعيني
حجيت والشهگة ملازمتني—بسس هم من حقي ابچي، وانقهر اني هم بشر والي طاقة تحمل محدودة
=واحنة گلنا غير هيچ؟ بس هم لازم تفكرين عندچ مسؤوليات وواجبات تجاهه نفسچ واخوانچ، لا تأذين روحچ ترى امانة من ربچ يمچ ومن تأذيها تغضبين ربچ عاجبچ؟
—ليش انتحرت؟ ليش ماقبلت اروح لعزاء مالتها، ماعندها احد يزورها ويعرفها غيري
=اذا بقيتي بهاي حالتچ قسماً بالله ماادليچ بيها حتى
—فارس الله يخليك لا تسوي بيه هيچ
=اني گايم فكري بكلامي زينن، رجعلينا سَحر اخوانچ محتاجيچ
—طلع عافني وحدي صافنه فكرة تجيبني وفكرة توديني، گمت اتوضى دائماً من تخنگني الدنيا اصلي ركعتين اهديها للامام الحسين عليه السلام وانام بعدها ارتاح نفسياً
—گعدت وقررت وحسمت قراري لازم ارجع قوية اذا مو النفسي الاخواني، رحت سبحت وبدلت وبوجهي للاستقبال
—السلام عليكم
=خالة ام فارس وهي تتقرب تبوسني: يا هلاا واگول المكان منور، همزين رجعتي والله اخوانچ تاذوا
—بعد عمري خالة، ان شاءلله يرجع كُل شيء مثل قبل اني اتقوة بيهم والخاطرهم
=ندى: ثولةة شگد مشتاقتلچ
ضحكت وحضنتها— مو بگدي والله
—رفعت راسي وشفت كتاكيتي قوتي وضعفي بيهم، فتحت ايدياتي الهم وهم اجو يركضون وضموا نفسهم بحضني مثل العصافير
=مشتاقيلچ امناا
—روح روحها الامكم، بوست وجهم واني اعتذر الهم عن تقصيري، سمعت صوت فراس ورانا
=واخيراً قررت الاميرة العنيدة ترجعلنا
باوعتله واني ابتسم—كلامك الاخير اثر بيه
ابتسم ابتسامته اللطيفة =لو ادري بيچ راح تقتنعين چان من زمان حاچين، يلاا مثل الحبابة تاكلين وتروحين تقرينن
—اوكك
ـــــــــــــــــــــــــــــــــــــــــــــــــــــــــــــــ
—خلصت الايام بين القراية واخواني، وفارس وعدني بس استلم النتيجة اروح ازور حلا
=سحر بالچ وياي؟
—هاا، اي اي وياك
=عيديلي التعريف
—عدتله التعريف واني اباوعله بنظرات الثقة مليون: عبالك تغلبني؟
=ضحكت وهو يباوع على الكتاب: منو يگدرلچ
—وهيچ خلصت ايام امتحاناتي فارس وندى يساعدوني بالقراية وخالة ام ندى كُل ساع جايبة اكله لغرفتي
ــــــــــــــــــــــــــــــــــــــــــــــــــــــــ
—اليوم اخر يوم امتحان چان عندي امتحان فيزياء، والحظ الفگرواي صار بية افلاونزة بالعظمم موتتني، استاذ فارس كمل الشرح وطلع وندواي راجعتلي وراحت تنام، واخواني ناموا، بقيت وحدي صافنة بالكتب والكتب صافنات بية، هو اني مراجعة وفاهمه المادة بس بقة موضوع مهم جداً جداً وبنچرت بية رغم گلت سهل حتى ماخليتهم يشرحوا الي بس ياسهل من بعيد سهل ومن قريب اصعب من حياتي، عفت الكتاب وضليت ابچي
—اني مو حساسة بس بعد طالبة سادس وعندكم الحساب والكبت والفلاونزة التمت عليَّ وگعدت انحب، بقيت على نفس الوضع مدة باوعت بعد ساعتين على الامتحان
—مو مال دراما سحرر گومي، ماعندت نفسي انطلقت سبحت بمي دافي يلا صحصحت شوي، باوعت على الميز نداوي جابتلي قهوة لبست شالي ونزلت احظرها، قلبي وگع بمعدتي من سمعت طگطگة بالمطبخ
= اهه، سحر عود اني صاعد اگعدچ
—خلست قلبي
= ههههه اسفين يابة، صباح الخير
—ههه عادي، ياصباح بعدني منايمة
=احنة شگلنا مو گلنا النوم اهم من القراية
—ماگدرت والله وبعد عندي موضوع مافاهمته، نسيتني جيت اسوي گهوة واروح اكمل
= اني سويت الي والچ جيبي كتبتچ نقراء بالحديقة
—لا تتعب نفسك هسة افهمه اني
=استغفر الله ربي بابا اني اريد اتعب روحي جيبي كتبچ
—ركضت اجيب الكتب مو مال اعاند ومااگدر افتهم وحدي واني بهاي الحالة، نزلت وبوجهي للحديقة لگيت فارس گاعد بالمرجوحة المحاطه بالنباتات وامامه طاولة عليها اكواب القهوة التركية الدافئة وقطع من الكاكاو والكيك بالشوكولاته
=يلا تعالي
—گعدت بصفه بس بينا مسافة وبداء يشرحلي
ـــــــــــــــــــــــــــــــــــــــــــــــــ
=وخلصنا ، فهمتي؟
—اي عاشت ايدك لو لاك چان بعدني فوگ صافنه
=بابتسامة وهو يباوع على ساعته: يلا انتظرچ بالسيارة و بلازحمة عليچ گعدي وياچ ابوية عنده طلعة
—تدلل، گمت بسرعة سويت مثل ما گال بوست كتاكيتي وهم نايمين، نزلت وانطلقت اكمل اخر امتحان بكلوريا ومنه يتحدد مصيري
ــــــــــــــــــــــــــــــــــــــــــــــــــــــــــ
—دخلتت للقاعة خايفة ومتحمسة بنفس الوقت، اسلمت الاسئلة قريت الفاتحة الام البنين و7 مرات سورة الكوثر لفاطمة الزهراء عليهم السلام سميت بااسم الله وبديت احلل،طلعت من القاعة كُلي املي وفرح
—لگيت فارس منتظرني يم سيارته لابس بدلة عمل رسمية لون رصاصي والقميص اسود وفاتح اول دگمتين، شافني جاية نحايته لوحلي بايده
=منتظرچ خانم
—ليش تعبت نفسك
=كلمة تعبت نفسك وغفت على قلبي، يولو تعبچ رتحة وعلي
—ههههه شكراً شكراً
=بشرينيي
—لا عال العال المية بالجيب
=كفووو والله، امشي عازمچ
—ستوني گاعد اكله مداعي، رد عليَّ بسرعة وگال
= مو عزيمة اجبار
—مو هيچ بس مااحب اجرب ادخل مطعم قبل اخواني
=ومنو گلچ داخلة مطعم قبلهم؟ رجلهم على رجلنا وين مانروح چنا ناخذهم
—والله مااعرف شلون راح اعوضكم
=كونوا بخير واضحكوا وصيري قوية مثل ماعرفتچ وهاي هي
—رحنا للمطعم بين السوالف والضحك والاكل خلص الوقت، رجعنا للبيت سلمت وسولفت وياهم شوي وصعدت انام
ــــــــــــــــــــــــــــــــــــــــ
—خلصناها طلعات ويا اهل ندى وفارس يطلعنا ماقبل ادوام يمه گال ارتاحي لحد ما تستلمين النتيجة رجعي للشغل، واجة اليوم المنتظر يوم النتيجة، صاحتني ام ندى، بالاستقبال حتى كلنا نشوف النتيجة سوة يطلعها النا فارس
—كل تركيزنا صار على فارس، واخيراً گال لگيت اسمها
ام ندى: اي اي يا الله
—دار وجهه علينا واني ارجف ايدي ترعش،بالگوة نطقت: بشررر
=باوعت بنظرات حزينة:مع الاسف
ام ندى: ولكك احچي راح تموت البنية
=معدلچ 95 شنو بوية هكرر
