—وصلنا الباب البيت، گلبي يدك بقوة احس اول مرة اشوفهم، حسيت بشي يغطي عيوني، وصوت فارس وهو يكول
=اوامر الدولة
—ابتسمت هو لزم ايدي يدليني، وصلنا وهو شال الغطى عن عيني
.. الاستقبال مزيني بنفاخ واشرطة باللون الوردي لوني المُفضل، وبوسطه طاولة بيها انواع الحلويات والماكولات الشهية، وتتسوطهم كيكة بالكاكاو مشغلين بيها شمعة وكاتبين كُل عام وأنتِ سندنا
... اجو يركضون حضنوني بكُل قوتهم،بادلتهم الحضن بحضن عنيف يشرح معاناتي ووجعي وغربتي بدونهم، ابتعدت ابوسهم واشمهم وارجع احضنهمم وهم نفس الشي نسيت اهل ندى نسيت كُل شي،عبالك بس اني وياهم بالدنيا كُلها، بقينا فوك النص ساعة واحنة نشرح شوقنا البعض بطريقتنا، ابتعدت منهم بعد ما ام ندى حجت
ام ندى: ولكم كافي خلصتوها للبنية بقولنا نسلم عليها عاد
—مسحت دموعي ودموعهم، ورحت سلمت على اهل ندى واتشكر منهم على السوو وياي
—والله لو انطيكم روحي مااكدر اوفي دينكم، لو اشكركم منا السنة هم ما اوفي
ام ندى: مو عيب هل كلام احنة اهل احنة من نسوي شي الندى هم تكول دين؟ لا كيفيلج العباس شكراً ماتكول
—ابتسمت على كلامها، واخواني جرجروني اقطع الكيكة
—اكلكم صدك شمدريكم ميلادي حتى اني ناسية
فارس: من اخذت هويتج على مود المعاملة قريت التاريخ وكلت الهم
ابتسمتله شكو سالفة زينة تصير الي بسبب هاي العائلة—وزعتلهم كيك وحلويات، ورحت اسبح وارتاح شوية،لكيتهم محظريلي غرفة خاصة مقابل الغرفة اخواني، قرتت من باچر ابدي ادور على شغل حتى اسدد دينهم والكه مكان نسكن بي اني واخواني، هواي تعبناهم ويانا، وصار لازم اخفف الحمل الي عليهم
—مر كم اسبوع وقدمت سادس، فكرت اني خاتمة المواد وحافظتهم كلش زين احتاج بس مراجعة، فَ سويت انتساب وبديت ادور على شغل
—بيوم جنت كاعد وبيدي ورقة اكتب شنو ممكن اشتغل والاماكن الي لازم اروح الها، سمعت صوت طرقات باب غرفتي، لبست شالي وسمحت للطارق بالدخول
=مشغولة؟
—لاا تفضل
—باعي قبل لا احجي وتحجين اني محتاج سكرتيرة واكيد ما الگة احسن وأمن منج، يعني المصلحتي مو مصلحتج، واذا وافقتي راح تحليلي مشكلة جنت اعاني منها من كم سنة، تدرين بية مااثق هواي وخاصةً بخوص الشغل اخاف احد يدخل بشغلي لهذا ما مخلي سكرتيرة لحد هسة
كمل بضحكة=فَ هسة ما شاءالله الشغل كثر واحتاج سكرتيرة واجيتي على باليي
—ضليت صافة مااكدر ارفض لان حرفياً كلشش محتاجتة للشغل، ومن جهة احس افضالهم مغرقتني
عبالك حس بحيرتي =باعي ترى الراتب راح تجيبي بتعبج، وشغلة أنتِ مو كلتي اريد ارد جميلك ردي بشغلج وياي
—تقرب ويحجي بصوت ناصي مسوي بيها مسكين
=لان مااثق بسهولة وتعبت واني ادور شخص موثوق ومالكيت غيرج
—تمام تمام موافقة
=اووهه شكراً
ضحكت—عفواً، بس شكد الراتب استاذ
=ها ها بدينا بالطمع
—هههه شسوي لكيتك على كد ايدي
=راتب رمزي ويزيد بكثافة الشغل وها اياج واياج تتاخرين على الشغل اكرهه الموظفين المتأخرين
—تمامم
=تحظري باجر من اريد اطلع اخذج وياي، تصبحين على خير
—تصبح على خير، ابتسملي وراح، هم وانزاح مني جنت كلشش شايلة هم الشغل
_______________________
— فزيت على صوت المنبه، كعدت الاولاد، وكمت غسلت،فرشت السجادة بعد ما توضيت ، صليت سجدة الشكر من التزمها الخير يرافقني
سرمد: احبج من تصلين
—بوست خدودة الحلوين واني سأله، ليش؟
=ماادري، بس من تصلين احس ارتاح ومااخاف لان أنتِ تصلين وربنا يحبج يعني يوكف ويانا من نحتاجة
— ربنا يحب ويوكف ويا كل شخص مظلوم ويحبة، اما عن صلاتي فهي شكر على نعم ربنا
—تعال ننزل نسوي اكلات طيبه ونساعد خالة، نزلنا ساعدت خالة بالاكل رغم اصرارها على انو اكعد واعوفها، كملنا الاكل على السريع ودعت اخواني الي راح توصلهم ندى وياها من تروح للكلية، ورحنا اني وفارس لمكان عملة
________________________
=وهذا مكتبي المتواضع
—باوعت بانحاء المكتب، كان مكتب متوسط، تحيطة اربع جدران ملونة باللون البني الفاتح، مع ستائر معلقة بذات اللون لكن اغمق، راحت عيني على طاولة زجاجية محاطه بالمقاعد ذات اللون البيجي، خلفها مكتبة مليئة بالكتب، واخيراً راحت عيني على المكتب يزينة قطعة خشبية مكتوب عليها بطريقة زخرفية جميلة(المحامي فارس محمود)، وبصفة تمثال بيدة ميزان العدالة
=احم شو صفنتي شنو مو حلو؟
—كلشش حلووو تستاهله
=تسلمين طلعي معدل حتى تكونين زميلتي بالعمل
—بيني وبينك حلمي طبية
=واوو، بغمزة: ادري بيج تحققيها
—ابتسمتله وبدء يشرحلي طبيعة عملي
—بديت ارتب جدول اعماله لهذا الاسبوع وهو طلبلنا قهوة وبدء بشغلة
______________________
—مرت الايام واني اشتغل وارجع اساعد بشغل البيت مع اصرار خالة ام ندى بعدم مساعدتي الها، اكمل اصعد اهتم بأخواني وبدراستي، عملي مع فارس خلاني اكتشف الحياة العملية، والناس وتغير تفكيري هواي بمرافقتي الفارس، جان بفترة استراحتنا يطلب قهوة ونكعد امام بعض نتناقش بهواي مواضيع علمية وعملية
—مرة من الايام طلب القهوة وكال كعدي كدامي نتناقش
—شربت شوية من القهوة وكلت: ايي شنو موضوعنا اليوم
—وين صفت
=حركتج حلوة
—بس مسويت شي بس شربت قهوة؟
ابتسم وهو يكول=غلسي المهم، نحجي عن قانون الجذب؟
—شنو هذا؟
=باعي مختصر قانون الجذب، هو قانون يجذب النا الشغلات الي نحبها ونريدها، من بعد الدعاء والسعي اكيد
—حلوو؟؟
=باعي مثلاً اني من جنت صغير احب القانون، خالي جان قاضي، اروح ويا للمحكمة، كل يوم اتخيل اصير محامي، مابقيا بس على التخيلات لا، درست وتعبت، دعيت وصليت، وهاي هسة تحقق حلمي وانلت اضعافه بعد، فَ قانون الجذب هو تفكيرين بالشيء الي تردي هوواي تفكرين بي وتسعين الا وهو تلقائياً راح ينجذب الج
—كلشش حلووو راح اطبقة، بس سؤال هو حرام؟
=ليش حرام احنة مامسوين سحر او شعوذة حتى يكون حرام بس نفكر ههههه
—اهاا الحمدلله هههه، اجت ببالي حلا شصار على قضيتها؟
=كلفت ولد اعرفة بالدولة الي هي بيها يلزمها ويخليها تعترف ومنتظر منه جواب هاي الايام، تدرين بس تحجي وكلامها يسجل تطلع حلا
—يارب يارب وومنو كال يكدر عليها
=هو بطل وجان بالسلك العسكري، يعرف شغلة
________________________
—مرت اشهر وبدت امتحانات نصف السنة، جان فارس يوديني للامتحان ويروح للمكتبة ويدز واحد من الحماية يرجعني، جنت مرتاحة من بيت جدي هاي الفترة مايكدرون يوصلولنا واهل ندى ويانا
— امتحنت اخر امتحان وفارس جاي يرجعني جان كاعد يوصلني وحسيته بي شيء او ضام علية شي، يباوع علية يريد يحجي ويرجع يدنك
باوعتله بشك واني اسأل—فارس بيك شي؟
—صف السيارة يم الجسر وهو ساكت، باوع بوجهي
—فارس شكو احجي ترة متت خوف
حجة وهو يباوع بوسط عيني = ححلا مماتت، لكوها منتحرة اليوم
