—بعد انتظار دام ساعتين اجة خبر تصديق اسامة لاعترافي اخذوني للنظارة بعد ماوصيت فراس وندى الي عيونها مليانة دموع وحاضنة اخوها على اخواني ووعدني فراس يطلعني بااقرب، شمروني بالسجن وقفلوا الباب كعدت بالزاوية حضنت نفسي واني اباوع للمكان ياترى شكد راح ابقى هنا شنو رد فعل اخواني بالاخص سامر لان راح اتعاقب بداله
______
—ماستوعبت المكتوبب نزلتت ركض ادور عليهاا دورت كل البيت ماكوو اجة ابوهم يحاول يهديني لميت رجلية لصدري صفنت بالفراغ اتهزز واردد كلماتت بسببي كلة بسببي بسببي حضني ابوهمم ويقرة على راسي ايات
—عمو اختي هواي ضحت على مودنا خسرت هواي بسببي اني بالاخص تحملتت مسؤوليتناا بعمر صغير امنا ملت منا وهي لاا عمو اختنك من اشوف بنت عمي البعمرها تتجهز وملابسها والتليفون اخر موديل واختي خلصت حياتها تشتغل وتسهر علينا احسهاا اكبر من عمرهاا بعشر سنينن او اكثرر
=حبيبي المكتوب لازم نشوفة حرام نعترض على حكمة ربنا نصبر وربنا يساعدنا أنتو مظلومين ادعوا وسلموا امركم للرب وهو الي يساعد اختكم ويطلعها من السجن
—عذاب الضمير الي احسةة لان بسببي انسجنت شلون اتخلص منه عموو شلونن
____________
_بعد ايام حددو جلسة المحكمة، اجت الحارسة حتى تاخذني باوعت على المكان فارغ يخوف بس يضل اهون من المكان الي راح اروحله بعد الجلسة كلبشة ايدي حاوطوا ايدي هي وشرطية ثانية وقدامنا ضابط صعدنا للسياة مشينا بعد ماحاوطوني واسلحتهم بيدهم هه حسسوني صدك مجرمة
—وقفوني بالمكان المطلوب اوقف بي وعلى يساري القاضي وقدامي اسامة
القاضي: بعد النظر الى الادلة وافادتة المجني العلية والجاني نعلن الحكم وهو السجن لمدة....
—اباوع الاسامة بقوة وكلامة وياي قبل الجلسة بيومين يتردد بأذني
_______
—كنت ضامة رجلية الصدري وافكر باخواني ياترى شأكلوا شنو شربوا لعبوا تونسوا لو ضايجين بدوني رجعوا لو بعدهم بالناصرية او لاا اكيد رجعوا فززني صوت الحارسة وهي تكول
=اجة زائر يريد يشوفج
—كمتت واني كليي لهفة اكيد هذول اخواني وفة بوعدة كالعادة فارس اختفت البسمة عن وجهي بعد ماشفت اسامة
باستهزاء—شلونج ويا دور المجرمة مبدعة بالتمثيل
—اسامة اذا كملت رجاءً روح لان ماعندي طاقة اجادلك
=اكدر اطلعج منا واسد القضية بلمح البصر بس انطيني موافقتج وأمن مستقبلج ومستقبل اخوانج
—والمطلوب
=بنظرات وسخة، تتزوجني يحلو
—حلمم مستعدة اعفن بالسجن ولا اربط اسمي باسمك
= شايفةة نفسها بنت ال... ولا عبالج طلبت تتزوجيني ميت عليج لا والف لاا مساعدة مني وشفقة لان بعد دخلتج للسجن من يقلبج مو صوجج عفني لعدد وسامر الزعطوط اني الا الاشوفة الشفتةةة واكثر
—اتصنع البرود: اذا تكدر المس شعرة منهم وشوا شيصير، سيدييي سيدديييي تعالواا اخذواا
=نظرليي نظرة كرهة وراح
________________
=رفعت الجلسة
—باوعتت الفارس ينظرلي نظرة بأسف بادلتة بابتسامة شاحبة
=حاوطوني الضابطات وصعدنا بالبسيارة متوجهين لسجن النساء، الخوف عندي يقرا الفف اكيد هناكك كلهم مجرماتت وقضاياهم كبيرة شلون راح اعيش وياهمم، ضليت اردد ايأت قرانية والادعية لحد ماوقفت السيارة عند السجن، شمروني بالزنزانة بعد ماكملوا الاجراءات باوعتت الهم بخوف وترقب اشكالهم غريبةة والمكانن فوضوي دخل مسامعي صوت وهي تكول
=هلا هلا بيج زارتنا البركة يارب زيد وبارك
—درت وجهي اباوع مصدر الصوت شفتها مرأة لابسة دشداشة ضيقةةة وشادة شال على راسة حواجبهاا طير شكلهاا يخوف ومو راحة
—رديت واني امتمت، هههلا بببيج خ خالة
=اعرفج اني ام تحسينن وسألي كل الحبايب علية وردة مال الله مو بنات
=ردوا عليةة، كلنا نشهد ام تحسين الوردة
—ابتسمت بوجهم ورحت ادورلي زاوية اكعد بيها
=شنو جريمتج؟
—ضليت اباوع بوجهه اخاف احجي وياهم هي يمكن افتهمت كامت من يمي، مددت بالكاع وجهي للسكف وايدي جوة راسي
=اجة صوت باب السجن ينفتح ويتبعه صوت الضابطة وهي تصيح بااسمي، المحامي يريدج
—رحت وياها استقبل فارس
=هلاا جبتلج كم قطعة ملابس وطبخات من ايدين ندى وامي وو
—تسلمون ماتقصرون و؟
=وكيكة من ايدين اخوانج
—غرغرت عيونيي مشتاقتلهمم، والله؟ سوولي كيكة
=ايي قنعوا ندى تعلمهم وهم سووها احنة بس خليناها بالفرن
—فارس مشتاقتلهمم
=هاي الايام اجيبهم الج خفيتهم عن المحكمة خوفاً لا يحجي سامر وتتعقد الامور
—زين ماسويت اتحمل وجع الاشتياق الهم ولا وجع شوفتي الهم وهم يتأذون
=باوع الساعتة وتقرب طبع قبله على راسي، انتهت الزيارة محتاجة شي؟
—سلامتك وكفتكم وياي ماتنسى
=صدك جذب قابل غريبة
—بوسلياهمم وبااقرب وقت قر عيوني بشوفتهم
=تدللي يلاا ديري بالج على نفسج ولا تحتكين بيهم
—ودعتة ورجعت للسجن
______________________
—بين الكاعدة والنايمة حسيت صارت ضجة بالسجن فتحت عيني البنات يتراكضن
=ولكم اجة اجةة
ردوو عليهاا: منوو
= ولككم اجةةة النقيب ابو طبرة
—اثناء ماتحجي دخلوا الضابطات ويسبقهم شخص بلعت العافية بعد ماشفتة ضخمم عبالك مصارع وحاجبة مطبور يخووف بمعنى الكلمة
