—سمعت بنصيحة حلا وضليت حذرة من ام تحسين التهيت بدراستي وبس، بدء الدوام واخواني داوموا ونداوي سادس، خلصت 8شهور بالسجن بين الدراسة والتعذيب شعري بدء ينمو وصار ولادي وكل هذا واني اتجنب اسولف الفارس عن التعذيب وحتى عن شعري ماحجيت وكل مايشوفني البس حجاب واذا اثار هواي على وجهي اكللهم كولوله مريضة
—وبيوم جنت صافنة بمراية الحمام اشوف اثار التعذيب على جسمي حسيت ام تحسين وراية
=سودة علية دادة هاي شمسوين بيج
—مو بس اني كل السجينات حتى أنتِ
=بس أنتِ غير عنا دادة أنتِ مثقفة وتقرين لازم تطلعين
—الله كريم ان شاءلله تخلص مدة العقوبة ونطلع كلنا
=يا دادة وتنتظرين؟
—ايي!
=خو اختصري المدة واتفقي وياي واطلعج بااقرب وقت
—لا خالة تسلمين عفتها ورحت سولفت الحلا الي كاعدة كبالي وهي كاعدة رجل على رجل والجكارة بحلكها
نفخت الدخان وهي تكول=ايي عفية عليج لا تنطيها وجهه اياج تشربين منها شي او تاخذين اكل او اي شي تمام
—مثل شنو
=كل شي اي شي تنطي الج ذبي او لا تاخذي اصلا خاصةً الاكل والشرب مفهوم؟
—ايي، باوعت الها صافنة وتدخن، اكلج مكافيي شوكت تبطلين التدخين ترى مضرر
ببرود=ادري
—لعد ليش ماتبطلين
=تعودت واحسة يقلل من عصبيتي يعني وحدة متهمة بقتل ابوها ترديها تكعد هيج هادئة بدون متاخذ شيء
—بس جكاير؟
=هسة اي
—وقبل؟
=شكد تسألين ولج، صدك اذا اجة صديقج المحامي كليلة حلا تكول لا تدوخ نفسك بقضيتها مليوصة
—لااا شنو بكيفج اني اريد نطلع سوة اريدج تكملين دراسة وتستقرين ثانياً قربنا بس بقى مرت ابوج ترجع من السفر او نعرف بأي دولة هي وتنحل
=اطلع على شنو شنو هدفي؟
—على مود نفسج ابني نفسج من جديد حلا
=هه شبني؟ لو شنو اغير؟ ترباية ام تحسين؟ لو عذاب السجن؟ لو عذاب ذيج المجرمة
— تتغيرين متأكدة
خلت اديها على الطاولة تطبل وتغني بصوتها الحلو هاي كل مرة احجي وياها بخصوص الطلعة هيج تسوي
= عد واني اعد ونشوف ياهو اكثر هموم، اردفت تكمل الاغنية وهي تعد باايدها، من عمري سبع سنين وكليبي مهموم
— ابتسمتلها وبديت اغني احد اغانيها المفضلة، لا ام تحن لبچاي ولا خالة وياي دادة حسن لا خالة وياي
—ضلينا نغني ونضحك حلا رغم الصاير وياها عندها حس فكاهي تغير الجو
_________________________________
=هي هيج كالت؟
—اي فارس بس أنتَ لا تشيل ايدك منها ابقى لازم قضيتهاا اني اريدها تطلع من السجن هي ذكية والها مستقبل
=كلتيلي تدخن؟
—ايي!
=سوسة انتبهي عيوني أنتِ اكو ناس تتعاطى بالسجن وحتى اذا مو بأرادتهم يخلوها الهم بالاكل ديري بالججج على نفسجج تمام واني حجيت ويا ضباط معارفي عليج وها قبل لا انسى جبتلج علاج ذيج الزيارة كالوا مريضة
—تسلم ماتقصر بس صرت زينة
=هذا واجبي تدرين الولد رادوا يجون بس كلتلهم على الزيارة الجاية
—يقلبي شكد مشتاقتلهم شلونهم بالدراسة
=زينين ومابقى شي وتطلعين كاعد اسعى اني والشباب لتقليل الحكم
—اتحمل ابقى كل حياتي هنا بس يكونون بخير صدك ماكو اخبار عن اسامة؟
=لحد هسة ساكت وهو بوخة شافج بالسجن سكت
—ان شاءلله، تدري كملت خلصت المنهج وكعد اراجع
=كفوو بطلتي المثابرة وشلونة السادس نداوي تولول تكول صعب
—يعنيي زين ولان اطلع ضوجتي بالقراية صار سهلل
=عفية هيج اريدج يلا اني رايح محتاجة شي
—اريد سلامتك بوسلي نداى والجهال
=يوصل
ـــــــــــــــــــــــــــــــــــــــــــــــــــــــــــــــــ
_بعد ماانسجنت صارت نومتي كلشش خفيفة اقل حركة يمي اكعد، وبين النايمة والكاعدة حسيت بچة باايدي فتحت عيني بسرعة صارت بوجهي ام تحسين وضامة ايدة وراها
—شكوو
=اءءء دادة شفتج تتحركين عبالي نايمة
=شنو ورا ضهرج
—مدت ايدها ماكو شي
=اويي نوب تشكك بيه شكول شكول
—عافتني وراحت بس بالي مامرتاح مارتاحيت الها ولا صدكت بقيت طول الليل كاعدة منتظرة حلا تكعد حتى اسولف الها
ـــــــــــــــــــــــــــــــــــــــــــــــــــــــــــــــــــــــ
نفخت الدخان وتقربت =زين شنو حسيتي من چكتج دختي؟ حسيتي بشيءغريب؟
—چكة بسيطة وبس هاي هية ماحسيت بشيء
=يعني ماضربتج الابرة؟
—ايي
بخوف=متأكدة؟
—ايي ويمكن بگة كرصتني واني اتشكك هواي
بغموض=لاا ماتتشككين اني دواها هاي اني الهاا بس باعي انتبهي زين منها ونامي مثل الذيب خووش واكلج اني اكلة اكل منه قبلج خوش؟
—ضليت بس اباوع عليها اكيد مخافت عبث اكيد شايفة اشكال هنا وتخاف يصير بيه مثلها
=خوش؟
—ايي خوش
=نامي بمكاني وغطي وجهج راح نتبادل الامكان وكل يوم من كلها تنام تغيرين مكانج وتجين تنامين بمكاني تمام؟
—سويت مثل ماكلت وبدينا نكتشف ام تحسين ولو بس اني كعد اكتشفها حلا احسها تعرفها وحافظتها
ـــــــــــــــــــــــــــــــــــــــــــــــــــــــــــــــــــــــــــــــ
—جنت اغسل مواعين البنات مقسمين الشغل بيناتنا وصوت سوالف البنات وضحكهمم مالي المكان،غلب علية الحنين اشتاقيت الولدي ومااكدر اشوفهم مااريدهم يشوفوني بهاي الحالة، ياترى هسة شكاعد يسوون مشتاقيلي لو تعودوا على اهل ندواي، رجعت للماضي الذي لو لا وجود اخواني لكانَ اليم
سرمد: يله اجت اعلوثة ثحل(يلا اجت العروسة سحر)
سامر: سرمد مو الا سحر تكون العروسة خليها غيرها
سرمد وهو لازم لعابتة وملبسها فستان ابيض: اعد انو هي اشبه ثحل اعني ثحل(لعد منو هي تشبه سحر يعني سحر)
سامر: غيرها اذا ماغيرتها ما العب وياك
احتضنتهم واني اكول: يا سامر هي لعبة ليش ضجت
سامر: يكول أنتِ عروسة واني ماريد تصيرين عروسة
—لزمت وجهه الحلو وكلتلة باابتسامة: ليش؟
=بنت عمة تزوجت وراحت من بيت عمة وصار عندها جهال
—ايي؟
=ايي واذا تزوجتي راح تروحين من بيتنا وراح يصيري عندج جهال وتنسينا واحنة نشتاقلج تدرين اني من اكبر راح اصير دكتور حتى ماتشتغلين لان كلش كلش اشتاقلج من تروحين للشغل
—اثر بية كلامة حضنتهم حيللل، يقلبييي اوعدكم راح اسوي كل شي باايدي على السريع ومااتأخر بالشغل حتى ماتشتاقولي
—سمعت صوت باب السجن انفتحت وصار هدوء اذا شمرت ابرة اسمع صوتها، مسحت ايدي ورحت يمهم
—بدت الضابطة تذيع بالاسامي مثل كل مرة قبل التعذيب
=ساجدة، بتول، خالدة، حلا، حسنة، نمرة، سحر، اوكفوا بالسرة ومدوا ايدكم
—باوعت الحلا وابتسمتلها بأسى وهي صافنة بوجهي، ربطوا ادينا ومشينا وراهم، مشينا هوواي يلا وصلنا الغرفة معزولة وبعيدة عن كل غرف التعذيب اول مرة يجيبونا الها، فتحت الباب ودخلتنا جانت غرفتين شكلهم يخوف والصدمة المنتظرتنا هناك
—تقرب علية بشكلة المرعب ونظرتة المقرفة، همس بصوته السام
=صادوك وأنتَ النچر
