الفقدان

البارت الاول

كل شيئ سيمر وليس قبل أن نتذوق المر
الحياة محطات
في كل محطة سنواجه العديد من المشاكل لكن هل سنبقى صامدين
______________________
هيام-كعدت الصبح ع صوت المنبه طفيته رحت غسلت وتوضيت صليت بدلت ملابسي ونزلت للمطبخ اسوي الريوك

زوجه عمي-صباح الخير اشو بعدج ممسوية الريوك راح يتأخرون ع الدوام

اعرفكم عن نفسي اسمي هيام عمري22دارسة معهد تمريض اداوم بلمستشفى ساكنة ببيت عمي لأن اهلي متوفين من اني وصغيرة حتى ماذكرهم

عمي عندو 3اولاد وبنت وحدة الكبير اسر عمرو27 الوسطاني امير25 والصغير أخزم24 والبنت اسمها نها20 يالله انطيتكم تعريف طلعو وسدو الباب وراكم

هيام -صباح النور هسة اشوي واكمل اني هم راح اتأخر ع دوامي راح اكعد الولد دنتريك واحد منهم يوصلني

زوجة عمي -يالله استعجلي كعديهم لايتأخرون

هيام- صار رحت لنها دكيت الباب كلتلي كاعدة هسة اجي وراج رحت دكيت الباب ع امير وأخزم ردلي

امير -روحي هسة اكعد أمجد ونجي

هيام- رحت لأسر دكيت الباب

اسر-جاي

هيام -رجعت للمطبخ دتريك صبيتلي جاي اجو الكل تجمعو اكلت شوي وكمت عفية منو يوصلني اليوم حتاخر

امير. اني اوصلج يالله كومي

هيام -اي هسة بس اجيب جنطتي وموبايلي واجي

امير-تمام اروح اشغل السيارة انتضرج برة

هيام -جبت جنطتي وموبايلي وطلعت امير مشغل السيارة ينتضرني صعدت من كدام وسديت الباب تحركت السيارة مينسمع بس صوت انفاسنا

امير-يالله نزلي ولاتطلعين وحدج خبري لواحد من عدنا يجي ياخذج

هيام -تمام فتت للمستشفى بصمت ودخلت لغرفة الممرضات بدلت وطلعت

كملت شغلي بلطوارئ ورحت للكفتيريا اخذتلي كوب كهوة وطلعت خبرت ع امير

هيام -الو امير اني خلصت تكدر تجي تاخذني

امير -هلا هيام لهسة مكملت راح اكول لأسر يجيج

هيام -تمام حباب للتأخرون جوعانة ترا

امير - لا هسة اخبره مسافة طريق يكون يمج

هيام -ااوك يالله باي

امير -باي

هيام -ضليت انتضر دك جهازي طلعته المتصل اسر فتحتو

اسر -هلا هيام اني بلباب اطلعيلي

هيام-هلا تمام جايتك ثواني شلت غراضي وطلعت
فتحت الباب وصعدت السلام عليكم

اسر. وعليكم السلام

هيام -هاي علاقتي بولد عمي حتى ميانة معندي قليل مع انو تربيت وياهم