الفقدان

البارت الثاني

......تمر الذكريات ع شكل شريط بيها السعادة وبيها الحزن
.........نتناسا حزننا وكاننا لم نتذوق الفقد ابدآ

_______________

طلعت من القاعة خلصت امتحانات تنفست براحة
واخيرآ خلصت امتحانات
عفست وجهي واني أتذكر هسة زوجة عمي من ارجع تكربني بلشغل

صافنة وايدي ع خدي انتضر واحد من الولد يجي ياخذني
اشوف البنات والي اجا عليها ابوها والي امها أو اخوها
نزلت دموعي واني حتى اهلي ماتذكرهم ولا اعرفهم

امير -ها هيوم هاي شبيج تبجين أحد حجا معاج

هيام-امير اني ليش ماعندي اهل شوف البنات اهلهم يجون ياخذونهم واني اهلي حتى ماعرفهم وابجي

امير-حبيبتي ليش هيج تحجين مو احنا اهلج

هيام -ابجي واحجي لا اني اريد اهلي

امير يالله حبيبتي لاتبجين هسة اخذج واشتريلج
شتريدين

هيام -مسحت دموعي كول والله تشتريلي

امير - هههه والله اشتريلج امشي

هيام -فزيت ع دكت الباب مسحت دموعي كلت منو بصوت مبحوح من البجي

امير - اني هيام

هيام- فوت امير

امير - وينج يمعودة اليوم ماكو وين مختفية

هيام -رجعت تعبانة وما طلعت

امير -هيام شبي صوتج ليش باجية

هيام خنكتني العبرة دموع تجمعن بعيوني كلت مابيا شي

امير - لا تجذبين هيام مبينا من عيونج باجية

هيام -نزلن دموعي كتلو ماكو شي بس تذكرت اهلي

امير-الله يرحمهم يالله اني معندي شي كومي نطلع نتعشا ونفتر مادامهم طالعين

هيام-ليش وين راحو

امير -ليش مكلولج خالتي عازمتهم كلهم كالو هيام متقبل تروح وضليت معاج

هيام- مبلا بس نسيت والله جذبت اصلآ كل مرة يطلعون بلا ميكلولي

امير يالله لعد كومي بدلي دنطلع

هيام - هسة ثواني واجيك

امير - خوش انتضرج بلحديقة بس لطولين

هيام- اي طلعتلي قميص عسلي للركبة وبنطرون
اسود وشال اسود وحذاء وجنطة هم اسود هههه

بدلت خليت مكياج خفيف قفلت الابوب وطلعت
يالله امير خلصت

امير- يالله امشي قفلتي الباب

هيام - اي صعدت بالسيارة وشغل اغاني وشعجب كاطع بيا ويدندن معاها

امير -وين تردين نروح

هيام -بكيفك

امير -خوش