شسويتلي وهلگد صرت اشتاقلك ؟
اي وانـه ما ناقصني شي
بس مدري لَيش احتاجلك
اي توني بيك تعرفت
بس چنك شگد صارلك ..
__________________
_______________
الكاتبة لولو الزبيدي
_______________
هيام _ من كد فرحتي عفت الاكل وكمت بس سمعت
اسمه شبعت لعد لو اشوفه
اشون سويت جاي واني كلش فرحانة
كملو غدة نقلت المواعين وغسلتهم بكل حب
وصبيتهلم جاي مع اني شكد جنت تعبانة من عرفت ح يجي علينا ماعرف منين اجاني لنشاط
من سمعت بأمير راح يجيب صبغ ويجيب أمجد كملت شغلي رحت لغرفتي ركض غيرت ملابسي مشطت شعري ولبست شالي وحطيت حمرة ومسكارة
واخذت موبايلي وطلعت للهول كعدت ع نار
اريد الوقت يمشي حتى اشوف أمجد
اجا اسر وكال كومن روحن للمطبخ
نها راحت لغرفتها واني رحت للمطبخ اباوع
من الشباك يويلي حالي من شفته كلش متغير عن آخر مرة ضليت اباوع إلى فاتو للبيت اسمع سوالفهم
وضحكهم بالهول صاح امير جاي
رحت بسرعة سويت جاي وحضرت كيك وصحت امير اجا أخذهم ضليت كاعدة وراسي ع طاولة الاكل غمضت عيوني وضليت اسمع سوالفهم
وكان كل الي كاعدين مالهم صوت بس هوا
شوي وسمعت صعدوا فوك صاحتني زوجة عمي
اخذت كلاصات الجاي غسلتهم ورحت كعدت بلهول
ضليت راسي بلمزبايل العب
حد مسمعت صوته
امجد _ احححم
رفعت راسي وان أمجد
هيام - تفضل اهلا بيك
امجد _ وبيج بس كلاص ماي بلا زحمة
هيام _ اي تدلل هسة اجيبلك جبتله ماي اخذه مني وعيونه منزلت مني
امجد _ شكرآ
هيام _ عفوآ
عفته وفتت لغرفتي ولكم حقيقة لو دتخيل اني حجيت وي امجد بلحقيقة ولج يماا
وينج تعالي شوفي بنتج مسحولة سحل
ضحكت ع سخافتي امي وين تسمعني
ضليت افتر بالغرفة واحجي وي نفسي ماعرف اعبر عن فرحتي نسيت نفسي ورحت طلعت صورة اهلي
وكمت احجيلهم عن أمجد وعن حبي اله شكد تمنيتكهم موجودين معاي
رحت للمطبخ اساعد عمتي بتحضير جاب اسر العشا
حضرنا اجو الولد اخذو السفرة ونقلو العشت راحو يتعشون احنا تعشينا وحد بلمطبخ خلصو عشا نطيتهم الجاي واجت نها كالت اني انظف المطبخ مدري شعجب اصلا
عفتها ورحت لغرفتي وقتت موبايلي ونمت عندي دوام باچر
كعدت من الصبح غسلت وغيرت ملابسي ورحت سويت ريوك وكعدت نها والولد واجو تريكنا وكلمن راح ع شغلة اخذني امير وصلني للمستشفى بصمت
دخلت لغرفة الممرضات عدلت ملابسي وطلعت
لشغلي تعبت كلش خلصت ورحت غيرت وانتضرت
واحد من الولد يجيني
اجا امير اخذني وصلت
للبيت وبسرعة لغرفتي اخذت ملابس وللحمام سبحت وطلعت رحت ساعدت عمتي بتجهيز الغدة
ليما يكملون صبينا الغدة بعد ما الكل اجا تغدينا
ونضفت لغرفتي وكالعادة لحساب امجد الي صار بيتي الثاني ههههه
أنت تقرأ
الفقدان
Short Storyتروي لكم فتاه يتيمة كم عانت في بيت عمها كمية الضلم والطغيان لتجد فارس احلامها فهل يا ترى ينقذها هذا الحب من الذل الذي عاشته
