الفقدان

البارت التاسع

.
.
.
حالف اسويهن وحدة بوحدة
حالف اوصلك مرحلة المطلوب
دم اتحسدة
.
.
.
_____________
.

من كالت نخطب نهااا كانها رشت علي تيزاب شنووو
نهاا واني رجفت ادي عيوني دمعن ليشش هيج هواا
كلي احبج واجي اخطبج رحت لغرفتي اكتم صرخاتي كعدت ورا الباب ابجيي  هواا كال احبج هوا كال اجي اخطبج انتضريني ليشش كذبب ليش ياربي ليش حرام عليك حوبتي متتعداك امجد
ضليت لساعات ابجي واشكي لربي حتى ملابسي مغيرتهم رحت لفراشي تمددت واشهك مثل الطفل
هوا كال  والله كال احبج ليش ديكذب ياربي اخخخ
دكن الباب إلى متعبو مارديت عليهم

تكول هيام
.
.
كون ما فاتح رسالة
ولا قبلت بيوم ظرفك
كون ارد ذاك القديم
المايعرفك 💔😩
.
.
ثاني يوم كعدت مريضة تعبانة راسي مصدع
راسلت زمن  تاخذلي اجازة  طلعت غسلت ورجعت
دخلت  لحسابة منطيني حضر من كل البرامج هه هيج
صارت الله يوفقك ضليت فترة على هذا الحال
اكل قليل اضل شاردة كثرة اجازاتي
كلت لزمن  حتى اذا من راتبي عادي مايهم
يوم بعد يوم تسوء حالتي بعدين كلت منو يفيدني
اذا وكعت منو يداريني هوا بس اخزم وماموجود
صح رجعت بس ما مثل الأول حياتي باهتة
اليوم عقدهم كلت إلا احضر حتى خلص اكطع حبة
الي بكلبي لبست احلا ملابس  عندي ورحت مع نها للصالون  بس والله مو بيدي من عقدو رجفت ايدي
لحد اليوم مانساهة ودمعت عيوني  اجاا أخزم  كال سوو طريق ديدخل أمجد
صار شكد مشايفته  باوعلي بنضرة ماعرف شفسرها  رحت عليه ماسيطر ع نفسي  بعد اريد شخص يخفف

عني وصلت يمه سحبني للغرفة مالتي وحضني
كبل بجيت اخزم شوف شوف شسوا بيه راح خطب غيري اشون يكدر هااا شون يكدر كسر كلبي احجي
ولك والله حبيته بقلب نضيف بس هوه غدرني  واضرب بصدره لزم ايدي بيده وحدة وحضني وهوا
يكول

أخزم:- لتبجين خلي يولي مايستاهلج ولا يستاهل
هاي دموعج اخخ كسرتي كلبي لتبجين

احجي وابجي
هيام :-  هوة هوة كال اجي اخطبج والله هوا كال
ليش جذب هااا ليش

أخزم:- باوعيلي هيوم ميستاهل هاي العيون تبجي
علموده ميستاهل دموعج خليج قوية يالله مسحي
دموعج وكومي اطلعي خلي يشوفج قوية

هيام - ممااكدر

أخزم  :- تكدرين تعالي اكعدي خلي اعدل مكياجج

هيام :- مسح الي جوا عيوني ويعدل مكياجي
ضحت على شكله ههههههههه

أخزم:- ايي اضحكي اضحكي شعليج تالي عمري اشتغل ماكيرة

هيام :- الله الله انطيني خلي اعدلة اني عدلته وطلعنا سويا  ماباوعت عليهم بطلب من اخزم
التهيت اصفك وي البنات الي ديركصن