الفقدان

البارت الرابع

وفجأة تُصبح الأشياء التي كنت تضحِّي من أجلها عابرة تمُر بجانبها ولا تلتفت.

_______________
الكاتبة لولو الزبيدي
_______________

كاعدة بلغرفة واباوع لايدي وابجي  منضر مقزز كلش
مكان حرك النار
جنت راجعة من المدرسة هسة مخلصة امتحانات
ومن رجعت تلكتني زوجة عمي بلشغل 
ولان تذمرت عليها حركت ايدي 
ولافت السالفة كالت دتحمي ماي ونصب عليها
بوكتها الولد تخبلو اخذوني  للمستشفى نضفوها الي
ومن رجعنا اشترولي لعابة
هه ومن وصلنا  رحت للغرفة واجت زوجة عمي اخذت العابة شكد بجيت بوكتها
مو من الحرك لا علمود اخذت لعابتي 
كل ما اذكر هلموقف اضل اضحك لأن نسيت الحرك وابجي  ع العابة  بس حقي جنت صغيرة هاا ههه

ههههه والله ذكريات وعلوا ضالة صغيرة ولا كبرت

طلعت من غرفتي بعد ماغيرت ملابسي اسر عزمني ع عشوية

 

هيام - طلعت لكيت اسر مكمل ومنتضرني
اسر _يالله امشي تأخرتي  ترا
هيام -يا شتاخرت غير ليما غيرت ملابسي وهاي
اسر - ديالله اصعدي ام الهاي
هيام-هههههه صاعدين يمعود ترا والله ازعل وارجع
اسر - لا عيني كلشي ولا زعلج
هيام - يالله تاخذني لاحسن مطعم واطلب ع ذوقي
ومن نخلص  نروح للمول شيعجبني اشتري هااا لتكول بعدين
اسر - لا والله متشتهين احنا ما تفقنا غير ع عشوية
هيام-  واني ضفت عليها  طلعة
اسر - تدللين ست هيوم ليش احنا شكم هيوم عدنا
هيام -فديتني هوا اني بس وحدة
اسر - ديلا لتنغرين انزلي وصلنا
هيام - هاي شبسرعة
اسر - لاحضتي نفسج من طلعنا لهسة انتي اسولفين اول مرة اسويها
هيام -  والله ولا منتبهة يلا انزل
اسر -نزلنا ست
هيام - فتنا للمطعم وطلبنا اكل نزلو المقبلات  ليما جهز الاكل  ونزلت ع المقبلات دوسة ونص إلا رزلني
اسر
اسر- هيي شبيج ليشوفج يكول  مماكلة خلي مقبلات ليما يجي الاكل مو تاكلينهن

هيام - مو متت جوع  ماكدر انتضر ليما يجهز الاكل

اسر-هاي اجا الاكل  اكلي إلا تشبعين
هيام - هم اكل شعبالك لعد
اسر - بالعافية
هيام - دنكت  دنكة وحدة ع الاكل مارفعت راسي إلا شبعت انترست بطني يابوية هههه
رحت غسلت ورجعت اسر ماكو هم مخلص راح يغسل 
اسر - خل نشرب جاي ونطلع للمول
هيام - اني اريد كولا ماريد جاي
اسر - اي براحتج
هيام -  شربت لكولا  وانتضر اسر ليما يخلص الجاي

(هوا صحيح شكد يتأخرون من يشربون جاي عود ليش؟ ههههه اعرف سؤال سخيف)

اسر - خلصت كومي
هيام - رحنا للمول  اخذت قميص وطلعت طبعآ مو طماعة فديتني
اسر - خبصتيني  ع المول وماخذتي بس قميص
صدك تحجين
هيام- ماريد شي بس هيج دتونس اخذت قميص حتى متكلي بس جبتيني وما اخذتي شي
اسر- مفكرة بالجواب كامل امشي بوية امشي تأخرنا