'LOTUS KILLER' {Ongoing}

1

My Psychopath

ထို အမျိုးသားကို စိုင်းဆိုင်ခမ်းနောဝ့် သိပ်ချစ်ပါသည်။

အရာအားလုံးကို ကျောခိုင်းကာ စုံလုံးကန်းမိသည်ထိ၊ဘဝ တစ်ခုလုံးကို သူ့ခြေရင်းဝယ် ဝပ်ဆင်းမိသည်ထိ ထိုအမျိုသား၏ အလှတရားအောက် ခမ်းနော့ဝ် စုန်းစုန်းမြုပ်ခဲ့ပါ၏။

ဉာဏ်ကိုးနောင်။

လှသည်။စက်စက်ယို အောင်လှပတင့်တယ်သည်။

မျက်တောင်ရှည်ကြီးတွေကို တစ်ချက်ဝင့်လိုက်တိုင်း ဒီကောင်ကြီးမှာ အရူးတစ်ပိုင်း ဖြစ်ရသည်။နီနီဆွေးဆွေးနှုတ်ခမ်းလွှာတို့ကို အသာအယာ ကော့ညွှတ်လိုက်တိုင်း ဒီကောင့် လက်ဖျားတွေ အေးစက်ကုန်သည်။ရှည်လျားသွယ်ဝင်းသော လက်ချောင်းရှည်ကြီးများက ခမ်းနော့ဝ်ကိုယ်ပေါ် ရစ်ဝဲ လာတိုင်း သူ့မှာ ကျောက်ရုပ် ကြီးသဖွယ် အသက်ရှူရပ်ရ၏။

ဉာဏ်ကိုးနောင်ဆိုသော လူသားသည် စိုင်းဆိုင်ခမ်းနော့ဝ်တွက် အရူးဆေးဖြစ်သည်။

++++

ဉာဏ်ကိုးနောင်သည် ခမ်းနော့ဝ်၏ ချစ်လှစွာသော ခင်ပွန်း ဖြစ်သည်။

ခမ်းနော့ဝ် 15နှစ် သားတည်းက ဉာဏ်ကိုးနောင်က သူ့နှလုံးသားကို အပိုင်းသိမ်းသွားသည်ပင်။

ကိုးနောင်၏ အရပ်က ခြောက်ပေ သုံးလက်မ အတိ ရှိပြီး သူကမူ ငါးပေ ရှစ်အတိ။သို့သော် သူ အမြဲ ဉာဏ်ကိုးနောင်ကို သူ့ ရင်ခွင်သေးသေးလေးထဲ သိမ်းထုပ်ထားချင်သည်။

သူ့ မှာ သူ့ယောက်ျားကို နေ့တိုင်း တစိမ့်စိမ့် ထိုင်ကြည့်၍ မဝနိုင်ပေ။အရယ်အပြုံး မရှိသော နှုတ်ခမ်းသေတို့က ခမ်းနော့ဝ် စိုက်ကြည့်တာ များလာလျှင် ဖွဖွလေး ရယ်တတ်၏။

ပြီး သူ့ နှာခေါင်းကို ချစ်စနိုး ဆွဲကာ

"ကိုယ်မနေတတ်ဘူး" ဟု ခပ် တိုးတိုးဆိုတတ်၏။

သူအကြိုက်ဆုံး အရာ တစ်ခုကတော့ ကိုးနောင် ပေါင်ပေါ် လှဲ အိပ်ရတာပင်။

မနူးညံ့ မတောင်တင်းသော ပေါင်တံ သွယ်သွယ်တို့က အုံး လို့ အကောင်းဆုံး ခေါင်းအုံးတွေပင်။တစ်ခုခု ပြဿနာတက် စိတ်ရှုပ်လာတိုင်း ကိုးနောင်၏ ပေါင်သွယ်သွယ်ပေါ် လဲချလိုက်ရင်း ဗိုက်ကြွက်သားပေါ် မျက်နှာအပ် သဲကြီးမဲကြီး ရှိုက်ကာငင်ကာ ငိုချ ပစ်လိုက်၏။