"ကိုယ် ပြုတဲ့ ကံ ကိုယ့် ထံပြန် ပဲ့တင်လာလိမ့်မည်. . ."
ရက်ကွက်ထိပ်ရှိ ဓမ္မာရုံက စပီကာကြီးနဲ့ ဤ ဓမ္မ လင်္ကာကို သူ့ကိုများ ရွဲ့စောင်း ဖွင့်နေသလား လို့တောင် ရှိုင်းမိုဟန် ထင်မိသည်။
ရှိုင်းမိုဟန် က တောက်ခ် တစ်ချက် ခေါက်လိုက်သည်။
နံနက်ခင်းရဲ့ အရုဏ်ဦး အောက်ဝယ် ရှိုင်းမိုဟန်သည် ကုတင်ခြေရင်းမှာ စိတ်ပျက်လက်ပျက် ထိုင်နေခဲ့သည်။
ဘေးဧရိယာမှာ အရက်ပုလင်းတွေ ပျံ့နှံစွာ။
စီးကရက် တိုတိတိတွေကလည်း ဟိုတစ်စ
ဒီတစ်စ။လက်ထဲမှာလည်း အရက်ပုလင်းနဲ့။
ဂုတ်ထောက်တဲ့ ဆံပင်တွေက အရူးဆံပင်လို။
အပေါ်ပိုင်း ဗလာ ၊ မီးခိုးရောင် ဘောင်းဘီရှည်ကို ခပ်လျောလျော ဝတ်ထားသည်။ကျောက ခြင်္သေ့ တစ်ကောင် ဟိန်းနေတဲ့ ပုံစံ tattoo က ဟိတ်ဟန် ကြီးစွာ ဝံ့ဝံ့ထည်ထည်။
ရှိုင်းမိုဟန်သည် ကိုယ့်ဖို့ ကို သာ ကြည့်သော
အတ္တပေမဝါဒီ သမား ဖြစ်သည်။သူ ချမ်းသာ ဖို့ ၊သူ ကောင်းစားဖို့ ၊ သူ ဝမ်းဝဖို့ အခြားတစ်ယောက် ကို ကောက်ကျစ်ယုတ်မာစွာ နင်းချဖို့ ဝန်မလေးပေ။ဘယ်သူသေသေ ငတေမာ ပြီးရော ဆိုသည့် မဟာ မဟာ့ ကြီးမြတ်တော်မူလှသော စိတ်ထူးစိတ်မြတ် ပိုင်ရှင်ကြီး ပင်။
ရက်စက်သည်။ကောက်ကျစ်သည်။အတ္တကြီးသည်။တစ်ကိုယ်ကောင်းဆန်သည်။
ရှိုင်းမိုဟန် က ထင်သလောက် ရိုးရှင်းသူ မဟုတ်ပေ။White Roseက ရှိုင်းမိုဟန် နာမည်ကောင်းယူတဲ့ လုပ်ငန်းသာ။သူ့ နောက်ကွယ်မှာမူ လောက်စားမတတ် ပုပ်ပွ ရိရွှဲနေသော ဂိုဏ်းကြီး ရှိသည်။
သူ့ စိတ်နဲ့သာဆို ငယ်ငယ်က ပစ်ပစ်ခါခါ
ပလေးပြီး ထားခဲ့တဲ့သူကို နောက် ပြန်လှည့်ကြည့်စရာ မရှိသော်လည်း . . . ကံဆိုးစွာ ကံဆိုးစွာနှင့် တကယ်ကြီးကို ထိုတရားသူကြီးကောင်အား ချစ်မိသွားခဲ့သည်။
အပျော်ပလေး ဖို့ တောင် မဟုတ်တော့ဘဲ တကယ် အတည် ဘဝတစ်ခုလုံး ထိုလက်ကိုသာ တင်းတင်းကြပ်ကြပ် ဆုပ်ကိုင်ထားချင်မိတဲ့ထိ သူ နစ်မြုပ်သွားခဲ့လေသည်။
YOU ARE READING
'LOTUS KILLER' {Ongoing}
Horrorအမှောင် အောက်က ကျားရဲ တစ်ကောင်ရဲ့မျက်ဝန်းလို သွေးဆာ နေတဲ့ မျက်လုံး စိမ်းစိမ်း တောက်တောက်တွေ သွေးညှီနံ့ ဟောင်ထွက်နေတဲ့ အခန်းတွေ ထဲ က အလောင်းတွေ သတင်းစာတွေ ထဲ က ဟိုးလေးတကျော်ကျော် နာမည်ကြီး serial killerဟာ သူ့ ဘေးနားမှာ အိပ်နေတဲ့ သူ ချစ်သောအမျိုးသား...
