"ဆန်ပြုတ်သောက်"
ကုတင်ပေါ်မှာ ခေါင်းမြီးခြုံပြီး ဖက်ထုပ်လို ကွေးနေတဲ့ ကလေးပေါက်စ က တုတ်တုတ်မှ မလှုပ်။
"ကိုးနွယ် . . . စောင်ကို ခေါင်းမြီး မခြုံနဲ့ မွှမ်းမယ်"
သူ ဘာပြောပြော အရေးမစိုက်သော ကိုးနွယ်ကို ကိုးနောင် စိတ်မရှည်တော့ပေ။ကိုးနောင်က စိတ်လျှော့လိုက်ဟန် လေပူတွေကို မှုတ်ထုတ်လိုက်သည်။ဤတောင်မှ ခုံပေါ်ကို ပစ်ချလိုက်သော ဆန်ပြုတ်ပန်းကန်သံက ခွမ်း ကနဲ။
"ကိုးနွယ်!"
ကိုးနွယ်က မကြားချင်ယောင်ဆောင်သည်။
ကိုးနောင်က ခေါင်းမြီးကို ဆတ်ကနဲ ဆွဲဖြုတ်လိုက်ပြီး ကိုးနွယ်ကို ဆတ်ကနဲ ဆွဲထူလိုက်သည်။
"သောက်ချင်ဘူး"
"မရဘူး သောက်ရမယ် . . ."
ကိုးနောင် က ဆန်ပြုတ် ပန်းကန်ကို ကိုးနွယ်ရှေ့ ချပေးသည်။
ကိုးနွယ် မျက်နှာက တည်တည်လေးဖြစ်ပြီး မထီတရီ။ဘူးဆို ဖရုံ မသီး တဲ့ သဘော။
ကိုးနောင်က မာ မိသွားသော လေသံကို ပျော့သွားအောင် လျှော့လိုက်ကာ
"ဖေကြီး ခွံ့ပေးရမလား"
ကိုးနောင်က ညင်သာစွာ ဇွန်းကို ခတ်ကာ ကိုးနွယ် နှုတ်ခမ်းလေးဆီ တိုးပေးသည်။
ကိုးနွယ်က လက်နဲ့ ကြမ်းတမ်းစွာ ပုတ်ထုတ်ပစ်လိုက်သည်။
"မသောက်ချင်ပါဘူးဆို!"
ဇွန်းက ကြမ်းပေါ် ချွင်ကနဲ ပစ်ကျသွားပြီး ဆန်ပြုတ်က ကိုးနောင် မျက်နှာကို ပေရေသွားသည်။ဆန်ပြုတ်ပန်းကန်ကလည်း ကြမ်းပေါ် ဖရိုဖရဲ မှောက်ကျသွားသည်။
ကိုးနောင် မျက်လုံးတွေက စူးရဲသွားသည်။လျှော့ထားသော ဒေါသ က ထောင်းခနဲ။
ဒီ စောက်ကလေးကို မွေးကတည်းက သတ်ပစ်သင့်. . . စိတ်လျှော့ စိတ်လျှော့ ဝင်လေ ထွက်လေ။
ကိုးနောင်က နှုတ်ခမ်းကို တင်းတင်းစေ့ကာ ကိုးနွယ်ကို အေးစက်စက် စိုက်ကြည့်သည်။
ပြီး ကိုးနောင်သည် ထွက်နေသော ဒေါသကို ထိန်း၍ နှုတ်ခမ်းပေါ်က ပေရေနေသော ဆန်ပြုတ်များကို လက်ဖမိုးနဲ့ ဖိဆွဲ သုတ်လိုက်သည်။တစ်ဆက်တည်း ကြမ်းပေါ်က ဆန်ပြုတ်ပန်းကန်ကို ကောက်လိုက်ပြီး သန့်ရှင်းရေး လုပ်သည်။
YOU ARE READING
'LOTUS KILLER' {Ongoing}
Horrorအမှောင် အောက်က ကျားရဲ တစ်ကောင်ရဲ့မျက်ဝန်းလို သွေးဆာ နေတဲ့ မျက်လုံး စိမ်းစိမ်း တောက်တောက်တွေ သွေးညှီနံ့ ဟောင်ထွက်နေတဲ့ အခန်းတွေ ထဲ က အလောင်းတွေ သတင်းစာတွေ ထဲ က ဟိုးလေးတကျော်ကျော် နာမည်ကြီး serial killerဟာ သူ့ ဘေးနားမှာ အိပ်နေတဲ့ သူ ချစ်သောအမျိုးသား...
