دخلت للبيت بأجبار طبعا تفاجأت من منظر الحديقه لعدهم جان كلش جبيرة وبيهه زرع وعدهم سيارات دخلنه لبيتهم جوة لكيت مرة جبيرة بلعمر واكفه ولابسه اسود وجهه شاحب
سميرة ام ناصر : هلا بيكم تعالو جوة
وباعت عليه وكالت
هاي لفصليه مو شلونج بنتي لا تخافين مني اني مثل امج
ابو ناصر : شبيج حجيه يا بنتج؟ هاي فصليه جبناهه تخدم وبس
ناصر : صحيح كلامك يابه هاي هنا جبتهه خدامه الج يمه
كلشش زهكت وصحت
تبارك : انيييي مو خدامه يا جاهل انتو لخدم عندي وباجر حخليك وانته وهلك تتعفنون بسجن يااااا خاطفييييين
اجتني ضربه كلش قويه على راسي كمت ماحس من الالم وكمت اشوف مغوش لحد ما وكعت كعدت لكيت المرة الحجيه صايرة كبالي وتمسح على راسي باوعت لكيت نفسي بغرفه جبيرة وحلوة مبين حتى اثاثهه غالي
سميرة: ها بنتي شلون صرتي راسج شلونه؟
تبارك : اخخخ راسييي كسر بأيده انشالله ليش هييج شمسويه انييي
سميرة : حبيبتي هنا لازم مايصير تعلين صوتج ولا تراددين او تجادلين كولي حاضر وبس حتى لا يأذوج صيري حبابه وياهم
تبارك : خاله انتو خاطفيني شلون يعني اسكتت وماكدر اكول لواحد ضالم حاضر
سميرة : حقج حقج بس لازم تتحملين بعد اني مابيدي شي
تبارك : ماتحمل وهسه ترجعوني لاه.....
بعدني مامكمله سمعت صوت لباب دخلت بنيه تطلع عمرهه 17 للغرفه وكالت
فاطمه : يمه ابويه يكول جيبي لفصليه جوة حتى نعقد عليهه هيه وناصر
تبارك : شلووووون؟ ماريدد الله يخلييج لا تخليهم يزوجوني الة حبابه خااله
سميرة : والله يا خاله مردتي كلبي بس شسوي الحجي بأيد الزلم احنه النسوان بس نفذ
تبارك : شنوو بس تنفذن من حقج تحجين انتي الج رأي شنو الفرق عن الزلم
سميرة : خاله مانكدر هسه كومي ويايه خلي نعقد وديري بالج تكولين لا احتمال يأذوج او يأذون اهلج اني زوجي واعرفه ولدي هم هيج
فاطمه : يلا كومي فدوة دينتضرونه جوة والشيخ صارله هواي هنا
تبارك : شدتحجووون؟ دكوووول ماجيي وماروحح عوفوووني
جان صوتي كلش عالي لدرجه سمعو لجوة سمعت صوت احد صعد لدرج وفتح لباب ودخل باوعت لكيته صهيب اخو ناصر
صهيب : لج الفصليه تعاي نزللللي وصوتج مارريد اسمعه لا اكسرج هناا اخويه ناصر دينتضرج جووة يلا تحركي بسررررعه
اجه عليه حسيته حيضربني
سميرة: ابني عوفهه هسه حننزل جوة هسه تجيي
صهيب: يلا انزلو كلكم كدامي بسرععه
اني نزلت وياهم جوة لكيت السيد كاعد بلديوان ويمه ناصر والزلم كعدت الشيخ سألني
الشيخ : هل انتي موافقه لتكوني زوجه ناصر ابن جابر
سكتت اخاف اجاوب اي واعيش باهانه واخاف اكول لا يروحون يأذون اهلي او يقتلوني باوعت على ناصر راسن خزرني واتذكرت كلام لحجيه ام ناصر
تبارك : موافقه
الشيخ سأل ناصر نفس السؤال هم وافق كمنه والشيخ راح اني انفجررت بجي ودتني لبنيه فاطمه اخت ناصر لغرفه ناصر وضلت تسكت بيه
فاطمه : ادري انتي مالج ذنب واخوج هم ماله ذنب ولصار قضاء وقدر بس بنهايه مو بيدنه شي همه ليقررون لذلك مسحي دمعتج وحاولي تكونين حبابه ويا ناصر حتى لا يأذيج مثل ما اذاني
طلعت ايدهه بيهه جروح وبوجهه هم اكو اثار ضرب
تبارك : عززة هاي شنوو
فاطمه: هاي اذوني بس لان ردت اكمل مدرسه بطلوني وكالو نزوجج لابن عمج واني كتلهم اريد اكمل دراسه لذلك ضربني ناصر وحتى صهيب بس اخويه عبدالله وكف ويايه
تبارك : بس همه لمفروض يتعاقبون على الشي لسووه انتي لتتصرفين بحياتج مو همه الله ينتقم منهم
هنا اجه ناصر فتح الباب بس شافته فاطمه راسن طلعت من الغرفه تركض دخل للغرفه وقفل الباب اني متتت خوف ماعرف شنو حيسوي
أنت تقرأ
فصليتي محامية
غموض / إثارةمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
