شالني واني اضرب بي باوعت صعدني فوك بس مو بغرفتنه وانما خلاني بيتونه او لقبو لموجود فوك مابي شي جان فارغ بس بي غراض قديمه وموجو فراش بي ماكو جربايه او كرسي بس كاع مابيهه حصيرة او زوليه...
شمرني بلكع واني اصيحح وابجي
تبارك: لكك وييين جايبنييي احجييي وخرر خلي اطلع
باوعت عليه قفل لباب ودنك عليه وحجه بنبرة جديه وعصبيه
ناصر : اششش حسج ما سمعه ليش نزلتي يم عبدالله احجييي؟ واذاةجذبتي ادفنج
تبارك: اسمعنيي والله العضيم ماسويت شي هوة تحارش بيه سد باب لاستقبال وتقرب مني كال نطيج لتلفون بشرط واني دفعته ونهمزمت ليش محدددد ديصدكنييي
ضربني راشدي وكام يصيح
ناصر : لججج لا تجذبين يا ل ـــــــــ اخويه عبدالله اشرف منج ومن عشيرتج تروحين تتحارشين باخويه وتريدين تلفونه وفوكاهه تذبيهه براسه بس اني اعرف شلون اخليج تعترفين
اجه عليه ضربني موتنيي ضرب وبنهايه طلع و قفل لباب عليه ضليت وحدي بهاي لغرفه جانت دنيه غروب على ليل ولغرفه ضلمه يادوب اشوف شويه ولكاع كلشش بارده واني اشهكك من لبجي احس وجهي صار كله دم كمت ادك بلباب بقوة و ادعي عليه الله ياخذكمم ليش هيج ضلمتوني ليش هيج اذيتوني حسبيييي الله ونعمم الوكيل.. ورة ساعه اجتني فاطمه اسمعهه تحجي ويايه من ورة الباب
فاطمه: تبارك بيج شي ناصر نزل جوة اجيت دسألج انتي زينه؟ سمعت صوتج وانتي تصيحين بسس اسفه مكدرت اسوي شي والله
سمعتهه وضليت ساكته مكدرت ارد عليهه اصلن مالي نفس اسمع صوت بشر
ضلت تحجي ويايه واني مجاوبتهه لحد مانزلت جوة وعافتني
جنت كلش جوعانه باقيه على الريوك بس ولدوة ماخذت ياربي تعبت واني ابجي وخايفه من لغرفه ضلمه يممه ارييد ارجعع لبغداد ضليت ابجي لحد ما نمت لان لنوم هوة هروب من الواقع المر لعشته.....
ماحسيت غير كعدت على صوت الباب نفتحت اباوع بس ماشوف بوضوح رجعت غمضت عيني سمعت صوت يهمس باذاني
كومي كومي ويايه على كيفج
رجعت فتحتت عينني اكثر لكيته ناصر يباوع على عيوني وديحاول يكومني على كيف حجيت وياه بصوت ناصي مصحوب بالم ودموع
تبارك: رجعني رج رجعني لبغداد اريد اه اهلي
ناصر: هسه بس كومي ويايه خل اوديج للغرفه يا عيني
تبارك: ماريد وخر عني وخ وخر
ناصر.: شكد عنيده خلي اشيلج احسن
دفعته بس مكدرت شالني واخذني للغرفه واني ابجي بهدوء خلاني على لجربايه جاب دوة نطانياه
أنت تقرأ
فصليتي محامية
Mistério / Suspenseمحاميه تذهب فصليه الى احد شيوخ الاعراف العشائريه..لتكتشف قضايا غامضه لم تكن تتوقعها..
