فصليتي محامية

البارت الثالث عشر

الكاتبه: اية علي ✍🏻

هاي شجابهه الشرطه هنا معقوله اهلي بلغو على عائله ناصر؟ يا الله لازم اروح انزل اكول لشرطه اني مخطوفه.. ردت انزل بس باوعت لكيت ابو ناصر طلع فتح الباب كام يحجي ويا الشرطه اني راسن طلعت من لغرفه اثناء ماكنت نازله من الدرج لكيت ناصر بوجهي واني اباوع عليه بنضرات خوف

ناصر: شعدچ نازله امشي صعدي كداميي بسرعه

تبارك: لا بس اريد انضف المطبخ شبيك

ناصر: دكلچ صعدي لا تعاندين عوفي المطبخ

رحت دفعته قوي واركض باتجاه لباب بس ناصر كمشني وسحبني للغرفه

ناصر: ممنوع تطلعين منا لحد ما يروحون الشرطه لا تخليني امد ايدي عليچ

تبارك: ليش هيجج دسوي وخرر اريد اطلعععع شررطه انييي مخطوففففه تعالوااا الله يخليكم

اجه ناصر سد حلكي بأيده وجتفني بأيده لثانيه بعصبيه ضل مستمر بهاي لوضيعه لمده دقايق لحد ماسمعنه صوت ابو ناصر يكول

ابو ناصر: يلا راحو الشرطه

ناصر وخر ايده عني

ناصر: حسابج بعدين
طلع من لغرفه اني ضليت ابجي وادعي عليهم بكلبي بعدين كلت خلي اروح اسمعهم ليش اجوي لشرطه هنا فرحت حطيت اذاني على الباب اسمع شديحجون

ابو ناصر: اي ابني مثل ما كتلك دير بالك هاي لفصليه تطلع

ناصر: صار يابه

اوف يالله ماعرفت ليش اجوي استغفرالله لفرصه اجتني وماعرفت شلون اتصرف رحت للمطبخ لان ماعندي شي جان لحد ما ندكت لباب طلع ناصر فتحهه سمعت صوت مرة بلباب ودخلت جوة للمطبخ باوعت عليهه يطلع عمرهه 30 شويه سمينه وكصيرة وبيضه مبين عليهه عصبيه وياهه صهيب وطفل يمكن عمرة 7 سنين

صهيب: هاي مرتي سناء وهذا ابني صوفي

تبارك: هاا اهلا بيچ

باعت عليه من فوك ليجوه

سناء: انتي فصليه ناصر مو؟

تبارك: لا اني المحاميه تبارك

سناء: يلا عيني يلمحاميه

الصراحه ما رتاحيت الهه عفتهه صعدت فوك نضفت الغرفه جانت مخربطه ولجربايه لدوشك مالتهه نازل رحت اشيله بكوة حتى اعدله بس انتبهت جان اكو صورة جوة لدوشك مال لجربايه سحبتهه وباوعت لكيت صورة بنيه حلوة شعرهه اشكر وعيونهه صفر و حنطاويه يطلع عمرهه بدايه لعشرين او 19 هيج شي...
منو هاي لبنيه ليش صورتهه هنا زين اسأل ناصر عليهه؟ معقوله زوجته لسابقه بس لاعرفه هوة مامتزوج قبل.. شلتهه وخليتهه عندي
بعد فترة اجه ناصر للغرفه يباوع عليه بنضرة حاده