فصليتي محامية

البارت الثامن

يا الله لو ميته احسن اليه هسه بس اطيب يرجعوني للبيت فتحتت عيني زين لكيت ابو ناصر ديحجي ويا لدكتور وام ناصر كاعده شويه بعيد انتبهت عليه ام ناصر كعدت واجتي

سميرة ام ناصر  : شلون صرتي؟ مو كتلج لا طلعيين

تبارك.: خاله فدوة ماريد. ارجع للبيت حتلو طبت لا تاخذوني

خلص ابو ناصر حچي ويا لدكتور وانتبه اني كاعده فاجه عليه

ابو ناصر : لج شلون تفضحينه وطلعين بشارع بنص اليل وفوكاهه لابسه بنطرون ونهزمتي بسييطه بس طيبي الاه اخلي ناصر يجلدج جلد

كمت اشهك من لبجي كلامه كلش يقهر وينرفز يعني هم خاطفيني وهم هيج يهدد زهكت وحجيت

تبارك  : عمو والله تعبانه ماكدر اجاوبك وراسي يوجعني من لحادث بس ياعمو انتو خاطفيني واريد ارجع لاهلي الله يخلييك

ابو ناصر  : لجج شنو خاطفيج انتي هسه زوجه ناصر دتفتهمين ورجعه لبيت اهلج ماكو فتهمتيي لو لا

كمت ابجي زياده انتبهت لممرضه عليه واجتي طلبت من ابو ناصر وزوجته يطلعون لان موزينه على حالتي بقيت وحدي ادعي رب العالمين يخلصني منهم مرت الايام واني بلمستشفى والمشكله حتى تلفوني اخذوه مني مكدرت اخابر اهلي
وراهه صرت زينه بس بقه حالتي مو ميه بلميه الدكتور كال لازم تاخذ ادويه وماتشتغل ولازم تاكل اكل زين حتى ترجع مثل قبل يعني حتى مشي مجنت اكدر امشي زين الاه احد يساعدني  وراهه اجتي ام ناصر ساعدتني امشي وعبدالله اخو ناصر جان دينتضر برة بسيارة حتى يوصلنه للبيت طبعا حاولت هواي اطلع من لمستشفى بس مكدرت رجلي بلكوة اوكف عليهه وللعلم ناصر ولا مرة زارني بلمستشفى جانت بس امه وفاطمه مرات يجن عليه

صعدت بسيارة اثناء الطريق سالني عبدالله عن صحتي جاوبته الحمدالله كل الطريق واني خايفه ماعرف شنو حسوي وكلبي يرجف خاصه من ناصر وصلنه ودخلت البيت اجتي فاطمه ساعدتني امشي وصعدتني فوك بلغرفه وسألتني اذا محتاجه شي كتلهه اريد فراش وغطه طبعا هيه استغربت

فاطمه  :   شسوين بيهن
تبارك : ماكو شي بس ارتاح بنومه الكاع
فاطمه  : تمام

نزلت جابتهن وراحت اني فرشت لفراش بلكع ولبطانيه واخذت مخده من لجربايه لان ماريد انام يمه وسويت نفسي نايمه وطفيت الضوة حتى ناصر يعوفني اذا شافني نايمه
وراهه سمعت الباب نفتحت غمضت عيني وغطيت راسي بلبطانيه كأنو نايمه بس من دخل دخلت وياه ريحه مو طيبه اوي شنو هلريحه واسمعه يكول كلام مو مفهوم يعني مخربط ويكول

ناصر : افف يااالله اخذنيي ليش هييج سوييت

طريقه كلامه مال واحد سكران ياا عزا هذا اكيد شارب ياربي هم عصبي وهم خاطفني وفوكاهه يسكر ياربي احميني

ناصر.: لكك ليش هييج لييش تعبببت حيل

راسن شمر نفسه على الجربايه واسمعه يون اني ضليت مصدومه شبي ناصر ليش هيج يكول وليش هيج يشرب وجاي يون؟  زين معقوله مانتبه عليه نايمه بلكع معقوله هلكد لشرب عامي لو يدري بيه ومغلس؟ ورة شويه سمعته خابر  يحجي بصوت كلش ثكيل يدل على الشرب

ناصر  : هااا لكك غبيي اخخ ضمهه لكك شنو متدري حتلو بنهر اشمرهه لمهم محد يعرف فتهمتتت ترة اموتك اذا احد درة

ناصر  : اخخخ راسيي لكك روح روح بعدين نحجي اخخخ

يممه عزاا شنو ليضمه وشنو قصده بنهر شمره ياربيي حموت هذا شديحجي!
هوة سد الخط ونام نومه ثكيله واني هم من اثر العلاج نمت وكعدت الصبح لكيته بعده نايم رحت طبيت سبحت واخذت ملابس من فاطمه هيه اضعف مني لذلك طلعت لدشداشه عليه اضيك حاولت انزل قبل لا يكعد ضليت اتمسك بلحايط حتى انزل والحمدالله نزلت  بصعوبه ماردت اتعب فاطمه تنزل ويايه لذلك عفتهه ونزلت  لكيت خاله سميرة جوة بلمطبخ وابو ناصر بلصاله

سميرة  : خاله ليش نزلتي لدكتور مايقبل روحي ارتاحي اني اسوي لريوك

تبارك.:  لا خاله كلت اساعدج

دخل صهيب للمطبخ وكال

صهيب  : يمه روحي كعدي هاي الفصليه هيه تشتغل لعد المن جايبيهه غير حتى تخدم

سميرة  : لك يمه لبنيه ماتشوفهه تعبانه ومريضه على الاقل نزلت تساعد خما مثل مرتك صارلهه اسبوع بيت اهلهه مكالت عمتي شتحتاج متحتاج

صهيب  : يمه اليوم اروح اجيبهه مطايرة الدنيا

ردت اجاوبه جواب زين اصم حلكه بي بس مكدرت جان راسي كلش يأذيني وبعدني مريضه مو مال اتعارك الحمدالله راح طلع صهيب فخاله سميرة كالت كعدي هنا بلمطبخ بقينه نحجي لحد ما كالت خاله سميرة

سميرة  : انتي اسمج تبارك مو ومحاميه؟

تبارك  : اي خاله كضيتهه بلمستشفى حتى ملحكت احجيلج عني

سميرة.: الايام طوال انشالله تحلكين تحجين هسه روحي كعدي ناصر ليش لهسه نايم

سويت نفسي ماكدر اصعد وتعبانه حتى تعوفني وماروح اكعده خايفه لا يشوفني ويأذيني خاله سميرة باعت عليه ونقهرت كالت اني اصعد بس ابو ناصر كال

ابو ناصر  : ام ناصر وين صاعده درج وانتي فقرات عدج خلي الفصليه تروح تكعده وبلا حجي زايد

اوفف هسه لازم اكعده كلت لخاله سميرة حروح اكعده امري لله بس صعدت بلكووة ليفوك ودخلت للغرفه لكيته ديبدل بس بجامه لابس استحيت ردت اطلع راسن جرني من ايدي وسد الباب