فصليتي محامية

البارت الثامن عشر

تبارك : منووو

فاطمه : هاي اني فاطمه اريد احجي وياج

باوعت على عبدالله ورجعت جاوبتهه

تبارك : نزلي فاطمه هسه اجيج

هيه راحت رجعت كلت لعبدالله بصوت ناصي

تبارك : عبدالله رح انزل جوة وانته ورة فترة انزل حتى لا احد يشك بلموضوع

عبدالله : تمام روحي اني فدشويه اجي

رحت لفاطمه لكيتهه كاعده وتبجي

فاطمه : تبارك اني رح انتحر والله ماريد حازم اني ماحبه ورجال جبير شسوي فهميني

تبارك : عمري حقج والله لا تخافين رح احاول مايزوجج

كعدنه سولفنه وهيه هواي شكتلي عن معاناتهه من اخوانهه وابوهه وهيه شكد تحملت لحد ما اجه ابوهه وصهيب صاحولهه

ابو ناصر : فااااطمه شعدجج هنا هسه حيجون لخطابه روحي صعدي فووك لا اكسرج

فاطمه : حاضر 😔

رحنه صعدنه فوك ورة فترة سمعنه صوت نسوان وزلم جوة اني لبست شالي ونزلت اول مافتت على الصاله لكيت مره جبيره بلعمر وياهه اثنين نسوان وشكم طفل شكولهن مانبشر بخير

ام ناصر : يمه تبارك روحي جيبي مي للخطار

هنا حجت لمرة لعجوز اسمهه سليمه وكالت

سليمه : هااا هاي الفصليه مال ناصر عينك عينك حتى ماسلمت من شكلهه صلفه

تبارك : مو من اخلاقي اجاوب نسوان كبار
عفتهه ورحت للمطبخ دخلت مرة يطلع عمرهه ٣٠ شكلهه حبابه اجتي باعت عليه وحجت

مها : اني اسمي مها اصير مره اخو حازم انتي لفصليه مو ؟ بس ماشالله شكلج حلو ☺بس لا تضوجين من كلام امي

تبارك : لا عادي عمري

باوعت على باب لمطبخ طب ناصر لبيت باوع عليه وخزرني بمعنى صعدي فوك اني ماهتميت رحت وديت لمي وهوة راح سلم على عمته سليمه
اني وديت الهم مي اخذت سليمه مني لمي جان تكول

سليمه : يبووو شنو هذا لمي واكع بي شعرة لفصليه مي ماتعرفين تجيبين لعتب على اهلج كلشي ماعلموج يا خدامه

لزمت لكلاص وكبت لمي بوجهي كدام النسوان اني نفجرت من لبجي ناصر شافني وكام يصيح على سليمه وكال

ناصر : عممه لو ما ابو حازم جان ماسكتتلج هاي اول واخر مرة هيج تحجين وياهه هيه تبقى مرتي فتهمتي لو لا

اني رحت صعدت فوك وناصر لحكني ضليت ابجي اجه يمي وكال

ناصر : لا تخافين ماخلي احد ياذيج

تبارك : بس انته اول الناس اذيتني

ناصر : بنتي غير انتي تعانديني ولا تخافين ما اذيج بعد اذا تسمعين كلامي يلا كومي غيري ملابسج بسرعه

فتح كنتورة وطلع دشداشه لونهه بنفسجي وشويه ابيض شمرهه عليه وكال

ناصر : هاج لبسيهه بين مانشتريلج ملابس هاا وديري بالج تنزلين جوة ممنوع تختلطين بيهم ابد ابقي هنا لحد مايروحون

اني اخذت الدشداشه ورحت للحمام حتى ابدل صاحني
ناصر : تعاي بدلي هنا لا تستحين مني

تبارك : لو اموت

عفته ورحت هوة اسمعه يضحك ضليت افكر شنو معقوله بده يحبني ؟ ليش هيج تغير تجاهي يا الله ...

بعد فترة سمعت صار هدوء بلبيت رحت نزلت لكين فاطمه تبجي بلحديقه رحت كعدت يمهه باعت عليه

تبارك : فاطمه كافي هيج تبجين احجيلي مشت لخطوبه لو لا

فاطمه : للج تباركككك وافقوو اهلي وحازم يكول لعرس بعد شهر يعني تخايلي بس شهر واحد واتزوجه

تبارك : عزة ليشش هلكد مستعجل صدك يحجي

فاطمه : والله ماعررف شسوي هسه

باوعت لكيت عبدالله يباوع عليه من بعيد ويأشرلي

استرخصت من فاطمه ورحت لعبدالله شافني همس وكلي

عبدالله : صارلي ساعه ااشرلج اريد اكلج على شي مهم تذكرين من نزلتي جوة وعفتيني بلغرفه اكتشفت دليل مهم

تبارك : شنوة ؟

عبدالله : لحضه قبل لا اجاوبج بس سؤال هاي لدشداشه منيلج ؟

تبارك : ناصر انطانياهه بس ماعرف مالمن ماسئلته

عبدالله : اذكرهه زين هاي لدشداشه وشايفهه بس مادري وين ؟ يمكن هاي نفسهه لهديه لجابتهه امي لرهام بخطوبتهه من ناصر اي اي اتذكرت

تبارك : لعد شجابهه يمه ؟ اذا مال رهام مو على اساس نخطفت

عبدالله : ماعرف والله لازم نحقق بسالفه

تبارك : زين شنو لدليل لاكتشفته

عبدالله : لمن طلعتي من الغرفه فتشتهه حتى ادور فد دليل على ناصر بعدين لكيت اكو جنطه نفسهه الي يروح لشغل بيهه اذا بقه فترة طويله بشغله لكيت مجموعه من الملابس النسائيه وياهن طلقه من شفتهه راسن سديت لجنطه ورجعتهه

تبارك : عززة ! شوف مرة فتحت الاتصال مال رقم مجهول دك على ناصر وكال حطيتهه يم لمصنع لذلك باجر روح للمصنع لموجود بمنطقه _____ وتعال كلي لان اني مايخلوني اطلع

عبدالله : لعد ليش مكتيلي ؟ زين باجر رح اروح لهذا لمكان وافهم

اجه مر صهيب من يمنه اني راسن كلت لعبدالله.

تبارك : تمام عبدالله تريد كيكه بلكوو مو ولجاي هسه اسوي مثل مكلت

عبدالله : اي لا تنسين حطي شويه شكر بجاي مو تنسين

راسن رحت متت ضحك حتى لايشك بينه صهيب غيرنه الموضوع رحت دخلت للغرفه ونزعت لدشداشه لان من شكلهه مستخدمه يعني مو جديده خفت لاصدك مثل مكال عبدالله تطلع مال رهام نزعتهه وشمرتهه رحت اخذت دشداشه من ناصر ولبستهه ورة شويه سمعت صوت عياط كلششش قوي من جوة

فاطمه : يمممممه اكعدددي ولكمم الحكوو اميي راحتت

يتبع ....