طلع من الحمام وهو في دوامة افكارو المعتادة م عارف يلقاها من الشغل ولا من اختو،، لقى ايلاف بتبكي خت يدو على جبهتو وغمض عيونو واتنفس شهيق زفير(فاهمني انتو صح) عاينت ليه وقالت ليه وهي بتبكي مالك؟ قال ليها ماف شي انتي المالك؟ سكتت جا قعد جمبها قال ليها احكي لي مالك لف يدينو حولينها وحضنها قال ليها يلا احكي سامعك قالت ليه مازن انا معارفة انا عملت شنو انا معملت اي شي يمازن لي رهف بتكرهني كد انا م كان قصدي اساسا م لي دخل في الحكاية صح انا انا يخ معترفة اني غلطانة انا بقيت بشككك بقيت م ففاهمة هل انا غلطانة ولا لا! يمازن انا فترت من تعاملها معاي كد يربي انا عايزاها تعاملني زي اختها لي يخ.
مازن سكت مسافة وحضنها وهي لسة بتبكي م عرف يقول شنو لانو هو بذات نفسو غلطان هم كلهم كانو غلطانين،، هو الكلام د صح؟..
كان محتار بس فجاة اتزكر وظهرت الابتسامة بوشوو وقال ليها ايلاف ناسية انو الليلة الجمعة لازم بليل نمشي الحديقة عشان الاتفقنا عليه متأكد ح تفرح وح تحبك م تخافي رهف انسانة قلبها ابيض شديد ح تسامحنا،، رفعت وشها ابتسمت ليه ورجعت رقدت تاني فحضنو.
_________________________________🦋"..
كان بضحك ع نفسو الوقت كلو بفكر هو غلطان للدرجة الموضوع د ليه عشرة سنة مفروض يتمحي من راسو بس لا مقادر.
دق ليه باب غرفتو عمار قال ليه ادخل رد ليه عمار ح نطلع من هنا بعد المغرب انت فاهمني شغل التأخير د م معانا،، قال ليه طيب ي استاذ اي شي تاني؟ قال ليه سلامتك وهي بتحبك م تفكر فيها كتير،، قال ليه ممكن تتلب من شباك حياتي؟قال ليه حرررمممم اطلع من الباب واقفلو كمان بس انت م تضايق،، سامر عاين ليه عين جادة عمار عرف انو فوضع خطر وممكن عادي يطلع سكين ويغزها فبطنو فبادر وطلع من غرفتو سريع...
___________________________________🦋"..
كان قاعد وبفكر فكلام مرتو(الناس كلها بتفكر معدا انت ) للاسف كلام نورة كان كافي يخلي عمر يشكك فبتو.
فقال لازم بعد اخلص الشغل لازم انزل اول شي عندها واشوفها بتعمل فشنو لي معقولة تربيتي تطلع فاشلة معقولة؟.
معقولة الحصل ليها في الماضي ليه اثر؟.
معقولة م اديتها كل العاوزاه معقولة م اديتيها حنان امها الفقدتو معقولة؟..
___________________________________🦋"..
كاالعادة بتشرب فحليب وبتاكل في سيريلاك اي صح في الجامعة بس انسانة طفوليه شديد عمرها22بس ملامحها ملامح18 وعقلها عقل 6سنة ..
شالت كبايتين حليب وماشة ع غرفة اخوها عشان تديهم سوار وسارة وهي واقفة جمب الباب ومترددة،، سمعت صوت ايلاف بتبكي وهي بتحكي لمازن وبعدها سمعت كل حوارها مع مازن قلبها اتقبض لمن عرفت انو اخوها ومرتو متأزمين بسببها،، رجعت الحليب المطبخ ودخلت غرفتها وهي بتبكي ع حالها من جواها اشتاقتلاخوها ولهبالتهم مع بعض بس فنفس الوقت زعلانة ع حالتها وعلى البحصل ليها. "يمكن هي م ذنبها كلو ذنب الزمن،،، الزمن غدر بيها،، كلهم م غلطانين كلهم كانو ضحايا انفسهم كانو ضحايا امنياتهم اي واحد فيهم كان بفكر في نفسو بفكر في مصلحتو"...
_________________________________🦋"..
بدأت تصرخ بشدة كانت علامات الالم تسيطر على ملامحها اجهشت بالبكاء حين لمن يأتيها أحد بكت بكل ما لديها ثم اغمي عليها من الالم.
بعد سويعات دخلت الخادمة محضرة الغداء فوجدتها مستلغية على الارض،،ملابسها مبتلة بالعرق الذي يتصصب منها بشده،، سارعت بحملها وهي في غاية القلق..
____________________________________🦋"..
كان كل البيت متحمس اذان المغرب اذن البيت كلو مشى يصلي عشان يطلعو،، رفيف كانت بتعاين لباسم وبتقول ليه عارف اشتقت ليك قال ليها وانا كنت تايه من دونك قالت ليه م ح تسافر تاني مش؟ قال ليها والله يرفيف م عارف بس د حال الشغل معليش كلو بهون.
عمار جا وقال ليهم مشنو لكن؟ م تخلطونا معاكم،، رفيف عاينت ليه ودنقرت،، باسم قال ليه عليك الله اسي انت اخو مع الاخوان يعني بدل م تقول لي اتلم وتدقني وتقول لي م تتكلم مع اختي تجي تقول اخلطونا الشهامة عندك،، قال ليه يولد انت عاقد عليها حرين،، بعدين انا رامي لقدام.
باسم فهمو وبقى بضحك رفيف م فهمت شي بس عملت رايحة وقالت ليهم يلا طيرو البسو ..
يارا جات قالت ليهم يعني ح تجهزو متين؟؟ عموما بكرة ماشة لخالتو عشان ح اشتغل امتحانات! وهنا م ح اقرا عمار وهو ماشي وقف وجا راجع قال ليها لي ماشة؟ انت عندك ناس خالتك شنو كل مرة ماشة ماشة ماشة يارا اتخلعت وقالت ليه يولد لازم امشي انا عشان اقرا بعديين مالك بقيت بتهيج سريع كد مالك اهدا م تضايق،، سامرر بدا ينتشر في البيت،، سامر سمعها وقال ليها اتوقعت الكلام د من كل البيت م اتوقعتو منك زعلتني والله قالت ليه سامر حبيبي انت هنا من متين؟ قال ليها من ماشة لخالتك قالت ليه انت عارف بحبك قدر شنو فاسفة قال ليها اعتذري لسة! عمار قال ليه م خلاص هو شنو شغلة رد ليه سامر اتلهي انت. عمار سكت تابع كلامو وقال ليهم انا ماشي البس فاجهزو انتو عندكم ربع ساعة بس وانا م بنتظر لي بت عشان مكياج فامشو اجهزو سريع رفيف ويارا خافو وجرو وعمار مشى يستحمى يداب باسم كان براقب والأفكار بتضارب فراسو..
________________________🦋".
بعد ان هزم أمام معارك دموعه ولم يستطع كبح اهواءه،، اومأ رأسه قليلا ثم تنهد بثقل بالغ وتمتم ببعض الأحرف :ما زلت انتظر لجوءك لقلبي يا نبض قلبي.. By:Samah--Mohammed🫀.
