_In the past.
الجو كان في غاية البرودة فهذا ايلول النبيل يحمل بروده وبرود مشاعر زوجها السابق كان تحاول البحث عن غطاء لقلبها فقط أُرهق من برود قلب معذبها شعرت بيدان تحيطان بخصرها وراس يدنو على عنقها أحيطت من طرفه قلبها بدأ يشعر بالدفئ التفت لتراه فوجده زوجها التي تزوجته لتنتقم من معذبها نظرت اليه وقالت:
_عمر؟
أجابها وهو مغلق عينيه: احكي لي ي عمر انتي
_د شنو؟
=الشنو؟
_فكني ي عمر!
=م ح افكك
_عمر د م كان اتفاقنا.
=اتفاقنا كان شنو؟
_زواج على الورق.
=طيب عايز احكي ليك قصة.
_طيب بس فكني.
=وبعدها بفكك.
_اووففف ،، طيب.
=كانت اخر سنة لي في الجامعة كنت حفار شديد،، عديم الاجتماعية احساس الوحدة كان صاحبي الوحيد اضافة لكرهي الشديد للمجتمع الرقيق،، كنت م بحبهم ا بحسس بقشعريرة منهم وم اظن عاينت فعين بت قبل كد،،، السنة كانت فبدايتها والسناير شغالين لعب شديد في البراملة كنت بمشي بقعد في البنش وبراقب الدرامات البتحصل.
عطرها جا ماشي قبلها كان خفيف على أنفي الريحة خلتني ارفع راسي واعاين عيني وقعت ع عيونها كانت بتتأفف وزهجانة قرنت حواجبها وطريقة كلامها في التلفون خلتني اقع في الفخ الكنت من زمان خايف منو ومن لحظتها وانا براقبها شفت ضحكتها القدرت تأثرني وكمان لعبها بالكلام وطفولتها المتأخرة زهجها وتقفيل مزاجها لمن تلقى الاكل المفضل بتاعها انتهى قدرت تخليني احبها وهي بعيدة عينها وقعت علي مرات بس ابدا م ادتني انتباه ولا حتى اهتمام كنت عايش على تفاصليها.
خلصت سنتي الاخيرة واتخرجت وطلعت من الجامعة عامر كان اصغر مني بسنة كان بقرا معاي فنفس الجامعة مرت تلاتة سنة وانا بحبها ونفسي الاقيها بس ابدا ما لاقيتها كنت مستعد اني اتقدم ليها بس اعرف هي وين،، مرة قاعدين فأمان الله عامر قال انا داير اخطب ابوي اداه الموافقة وكمان امي واخواني فرحو واخواتي وانا كنت ح اطير لانو الغبي د نضج وخلاص ح يتزوج خطبو ليه وانا م مشيت لانو كنت مشغول محصل شفت عروسو الا يوم العرس كنت بفتش ليه قالو لي فالكوشة مع العروسة مشيت أسلم عليه وابارك جيت باركت عليه وسلمت والعروس كان مغاطيها مرة بعد زحت المرة كانت صدمة عمري!بقيت بعاين ليها لا معقولة د هي البت القدرت تخليني احبها واعشقها وجتى اسمها م بعرفو معقولة مشروع التلات سنوات حبهاااا ضاععع بقت حلال اخوي الصغير سلمت عليها واول م مسكت يدها قلبي بقى يدق فكيتها سريع وحتي هي اتخلعت خلاص هي بقت م لي لازم انساها طلعت من الحفلة وقعدت في الحديقة الورا وبكيت!!! بقولو الرجال عيب يبكو بس الراجل عندو مشاعر اكتر من الانثى بكتير.
بعد العرس قدرت انهار وبديت استجمع قوتي بس من وين مقادر عمر وجمانة كان اسمها جمانه مشو شهر العسل ورجعو قعدو معانا كل يوم بشوفها بس مقادر احكي ليها حقيقة مشاعري كانت بتقول لي يعمر صلح لي تلفوني وبتنطط عامر بقول لي استحمل مرتي د حبة كنت بضحك وبصلحو كل م اصلحو بتقول لي م صصاح اديك قروش بتجيب لي حلاوة بضحك اكتر وبشيلها بعد،، فترة سمعت انها حامل وفعلا ولدت وجابت ولد وسمعتو مؤيد كنت براقب بسس وبحاول انسى.
امي وابوي بدو يقلقو ويقولو لي م ناوي تعرس فرحنا زي م عملو اخوانك يولدي عررسسس نفسنا فعرس فرحناااا كنت بقول ليهم قريب خلو بت الحلال تجي.
عمر كان بحكي لي انكم اتزوجتو عن حب كان شعور الغيرة بقتلني الف مرة بس بضحك ابدا م حسدكم اتمنيت انكم تعيشو لبعض بس كنت بتألم،،مرت السنين وفيوم عمر عرسس كلنا استغربنا بس هو ركب راس وحتى م كلم زول وعرس وجاب لينا مرتو الجديد وخلعنا،، الصدمة التانية لمن طلق جمانة او هي طلبت الطلاق.
والتالتة لمن جاتني وطلبت الزواج مني وطلبت يكون ورق بس م كنت مصدققق كانت بتقول لي ساعدني احرق قلبو زي م حرقني عارفة انك اخوهو ويمكن م توافق بس انا اتظلمت كتير ساعدني،،م وافقت عشان بحبها ولا عشان احرق قلب اخوي وافقت عشان اجبر كسرها.
تمم العرسسس وناس البيت مستغربين بس م فتحو خشمهم امي كانت م راضية بس ابوي كان راض جدا عشان بحبها وم عايزها تطلعي من البيت حقنا نهاي واخواتي وافقو وكمان اخواني بس الاستغراب في.
عرستها ونفسي احضنها وكنت بتمنى لحظة تجي نكون سوا واحكي ليك معاناتي.
لم تصدق الذي سمعته قد كان صدمتها كبيرة جدا كل الذي تجرأت على قوله: لسة بتحبها
=نحن فتنا كل مراحل الحب كفاية انو قلبي بضخها هي.
عمر أراد أن يبتعد عنها كما قالت له قبل قليل ولكنها أمسكت يداه وردت له: م تفكني اجبر كسري زي م قلت قبل شوية قلبي مفتوح ليك عيش فيه زي م عايز.
تملكته الصدمة من حديثها كانت السعادة تغمره لم يستطع قول شي غير احتضانها.
_________🦋"...
*على أمل ان اجد أملاً لاعيش أتى ليصبح لي كل أمل ابحث عنه..*
بعد طلعت خالتو صباح ودكتور سامر مشيت لمازن في فالغرفة حقتو لقيتو صاحي اتخلعت قلت ليه مازنننن واي انت صاحي جريت وحضنتو قال لييي قومييييي من كتفي يخ كسرتني انتي مالك سمينة كددد ابييتتت افكو بقيت ببكي بس قلت ليه كنت خايفة اخسرك انا خسرت كتير فحياتي ومستعدة اخسر اي شي الا انت مازن لي خوفتتني عليك كد مازن تاني م تعمل كد مازن خلي بالك من نفسك شديد م عشانك عشان انا م بقدر بدونك قال هشششش حاضر معليش غلطان انا بس انتي اهدي انا اسب كويس وعمري م ح اخليك قومي وعايني لي كدي رفعت راسي قلت ليه غبيي بكرهك،، قال لي وانا بموت فرهف عمر قلبي قلت ليه وانا بكره مازن عمر وبحب سوار مازن قال لي غبية د صح بمناسبة سوار وسارة كيفهم؟ وايلاف! لي م جات؟؟؟ قلت ليه حميتها تجي عشان الاولاد وم معانا زول عشان كد قال لي فالحة بتفهمي مهم امشي البيت وخلي ايلاف تجي اشتقت ليها وانتي امسكي الاولاد قلت ليه بتطردني؟ قال لي اي يلا امشي زعلتتت بالجد وقلت ليه غلطانة اصلا ماشة تففف ع د خوة كل مرة ايلاف ايلاف بقى يضحك.
_لمن قلت ليها امشي عشان عايز ايلاف مكنت عايز ازرع الغيرة جواها،، بس هي اختي واعند مخلوقة فحياتي كان لازم اتعامل معاها بأسلوبي واخليها تمشي من المستشفى،، يعني لو قلت ليها امشي عشان ترتاحي كانت ح تابى وانا متأكد بس بكد هي مشت م هان علي زعلها بس راحتها أهم..
=يمازن جات وبتبكي هو م بحبني وبتاع ودايما بختارك انتي جمبو يعني هي مكبرة ومهولة المووضوع،، هي مفروض تفهم حبة!.
_طيب خليني منها بتصرف مع رهف،، اسي صحبتي في الجامعة سمعت بالحادث وجايني قومي اطلعي وناديها برة بتكون وصلت اشتقت ليها والله دفعتي من زمان!
=طلقني.
_بسم الله فشنو اسي؟.
=طلقننننيييييييييي يمازن طلقني وصلت معاك كد؟؟؟؟؟؟
_ايلاف اهدي مالك؟.
=يزول بتخوني عينك عينك وهي احسن مني عشان تتطلعني وتجي هي،، وكمان مشتاق لزول وانا جمبك.
_اسي انتي لي مهولة الموضوع؟
=عشان بحبك بكرهك ياخ.
بقى بضحك شديد.
=مازن م تضحك واي يداب فهمتتت الله يقتلك يخ خلص رهف م مهولة الموضوع ليها حق.
=فالحة بتفهمي يلا جيب المأذون!
_لي؟
=عشان اطلقك.
_اختاني يخ غبي.
___________🦋"..
*"شخصي الأحب عليك بالظهور فأنا اختنق".*
استحميت وغسلت شعري سرحتو جماكياات ونومت سارة وسوار وفتحت التلفون ورقدت في المكيف حسيت براحة مع اني زعلانة من مازن بس اعمل شنو! فتحت التلفون كد لقيت 90مكالمة من سوكة اتخلعت شديد قلت خلاص البت بتكون ماتتت رجعت ليها وهي معايزة ترد اتصلت مرتين وزهجت،، بعديها لقيت ابوي كمان متصل 10مكالمات اجيي الحاصل شنو يجماعة؟رجعت ليه اول جرس رد لي اول م رد قلت ليه: دكتور عمر شخصيا حرممم اشتقت ليك.
= كتير شديد،،قبيل نسيت ورق مهم في راس التلاجة امسكيه لي طيب م يقوم يقع وساره وسوار يخربو اي شي.
_بقيت بضحك!
=انتي اسي وين؟
_رجعت البيت يداب
=لي كنتي وين؟
_كنت في المستشفى؟؟ .
=ياتو مستشفى!
_مستشفى**.
=لي فشنو؟؟؟؟؟؟؟ انتي كويسة؟؟؟ مازن كويس.
_ابوي م تخاف كلنا كويسين مازن عمل حادث بسيط.
=عايني اقفلي دقيقتين واكون مع مازن.
رجعت افكر تاني سوكة مالا؟ نشلني من التفكير تلفون عمار..
_________________________________🦋"..
روحي الوثابة تأبى أن تجعل من نفسها خيار ثاني،، لا تكرر نفس تجاربها الخاطئة مرة أخرى،، تطفئ على نفسها لونا من الشغف والإصرار،، فلا يستطيع شخص أن يقلل من شأنها او حتى مواجهتها،، محولاتي التي باءت بالفشل صنعت هذه الروح المثالية،، التي بدورها تستطيع أن تفعل كل ما بوسعها وما لم يكن بوسعها حتى،، فهنيئا لمن اكتسب روحاً تماثلها.
By:Samah-Mohammed🫀.
