*In the past*
_انت زوج المريضة جمانة؟.
=ايوا.
_اسف، بس زوجتك مصابة بكانسر في المراحل الاخيرة،، فرصة الشفاء بنسبة10% ممكن تبدأ الكيمياوي عشان نوقف الانتشار ويمكن فرصة الشفاء تزيد وربنا يكون في عونك، حالياً ح نعمل عملية الولادة بعد ساعتين تماماً والحمد لله الجنين في حالة جيدة ود معجزة..
لحظة صمت..
عُمر كان نفسو يموت قبل م يسمع بالسمعو جا على قلبو وكسرو م على مسامعو كل القدر يعملو انو يمشي يترمي في حضنها وهو مقادر منهار امامها..
___________________________🦋"..
اليوم مر عادي عليهم كلهم..
عمار كان قاعد وفاتح الابتوب ومركز شديد جاه سامر من ورا وقال لي شنو لكن؟.عمار اتوتر شديد وقفل الابتوب وبقى بعاين لسامر وبقول ليه سامر شفت شي؟ قال ليه شنو؟ قال ليه لا لا ولا شي اها الأخبار شنو؟سامر رد ليه عندي اجتماع في الشركة عمار قال ليه الساعة سبعة مسا مالك عازمهم شاي لبن؟ قال ليه بطل ظرافة مهم الموضوع طارئ عمار يدون م ينتبه قال ليه تدهور الاسهم مشكلة! سامر استغرب لانو م وراه بس قال يمكن وكيل الشركة قال ليه يلا اتاخرت...
عمار رجع للابتوب وبقى بهمس ح ادمرك..
مرات العقرب بكون اقرب زول ليك،سبب دمارك وفشلك هو انت ح تجي تبكي ليه هو ح يطبطب عليك بس هو مبسوط انجازتو وهي كسرك وتدميرك..
___________________________🦋"..
_رهفي!
=يعيوني؟.
_ح اعرس خالد صح؟.
= سوكة ح تعرسيه يلا نومي الساعة 11 وبكرة راجينا كتير..
_حاضر..
رهف قفلت واتصلت بعمار..
_عمار.
=ايوه يرهف.
_مستعد لبكرة؟.
=احر من الجمر.
_هو د الحماس.
=تفتكري يارا بتحبني؟.
_شديد والله ابقى عليها عشرة..
=ان شاء الله، اسمعيني.
_ايوا ،،انا ح اكلم شباب العيلة عشان يساعدونا..
=طيب كويس زيادة الخير خيرين،،نتلاقى بكرة بعد الخطوبة..
_بس تعالي قبل الخطوبة عشان اعرفك عليهم..
=طيب تصبح ع خير.
_وانتِ بخير..
___________________________🦋"..
_لي هي احسن مني في اي شي لي هي دائماً متفوقة ولي عندها صحبات طيب لي ابوي بحبها اكتر مني لي هي دائما نمبر ون في اي شي ولي مازن مدلعها لي هي مُحاطة بالحب والحنان د وانا مُحاطة بالاهمال وكأني م موجودة م متزكرة ابوي اخر مرة قال رندة متين انا زهجت..
=عايني يا رندة انا امك ومعاك وح انتقم ليك منها م ح اخليها ليك وح اتخلص منها عشان تبقي موضع الاهتمام م تزعلي يحببتي امك معاك دائماً..
_حمد لله ربنا شال امها ولا كنت ح اموت والله..
___________________________🦋"..
صباح ثقيل شديد على قلب سوكة وعمار ويارا وخالد، وصباح فيه رهف بتحمل فيه كمية من المسؤولية وصباح بالنسبة لسامر بداية جديدة عشان يعرف من بتلاعب بالاسهم وصباح مخيف ع مازن من كترة التهديدات البقت تصلو بشكل متواصل صباح حزين لعمر لانو ذكرى موت جمانة،
وصباح الخير او مساء الخير بحسب التوقيت البتقرأ فيه ربنا يفرحك في كل خطوة بتخطيها ويحل كل مشاكلك ابتسمْ عشان الضحكة بتزيدك جمال❤️.
_يا صباح!
=ايوة يمحمد..
_ها وصلتي لشنو؟.
=ح اوقف صح خسرت الرهان معاك بس كسبت بتي،، صح كُنت مصرة ع موضوع اني اشتغل وانو م ح اهملها وح اقدر ادير اي شي ف وقت واحد بس لقيت انو ايلام بتحتاجني اكتر انا ليها وهي جزء مني حتى لو قعدت اعاين فعيونها تاني م ح ارجع الشغل انا كنت غلطانة شديد ف حقها وفي حقك..
_صباح؟.
انا م ضدك في فكرة الشغل انا بحبذ انو المرأة تشتغل وتبقى رايدة اعمل ومبدعة في مجالها بس م تنسى هدفها الاول م تنسى المجال المفروض تبدع فيه وم تنسى الغرس المفروض تسقيه م تنسى القطع المنتظرة يبنوها..
انتِ ح تكوني مرأة مستغلة لما تكوني بتراعي اولادك وواقفة معاهم لما تقدري تنميهم فكرياً لما تطلعي للمجتمع ذرية صالحة متعلمة ترفعو انتِ بقيتي نصف المجتمع عشان المجتمع متوقف عليك..
وحالياً اول م ايلام تبقى كويسة لو عايزة ترجعي شغل لكِ الخيار انا م ضاغط عليك بس بتنا الليلة محتاجاك اكتر من اي وقت غيرو..
=اي ح اكون معاها وح اقدر احميها م اي شي، م ح اكرر الحصل وم ح اخلي شي يأثر ع اولادي زي م حصل لسامر وايلاف.
_واثق منك..
وبكد اخيراً الزوجين رجعو زي زمان وخلافاتهم اتحلت..
___________________________🦋"..
_ايلاف يلا انا ماشة!
=طيب وانا طالعة لمازن.
_سلمي عليه ووريه انو خطوبة سوكة الليلة،، امبارح م اداني فرصة اوريه..
=طيب حاضر..
_ايلاف مازن د كويس صح؟.
=والله يا رهف معارفة كدي بعد ترجعي من الخطوبة بتناقش اسي اتاخرتي ع سوكة..
_طيب حاضر..
رهف طلعت من بيتهم ومشت لسوكة..
_فرهدي واضحكي الليلة خطوبتك يا بت.
=برضو ي امي افرهد واضحك؟.
_ي مناسك انا معارفة لي معايزاه مالو ود الناس؟ حلاتو وهدي رضي.
=انا معندي مشكلة معاه انا معايزة اعرس بالطريقة د.
_عايني د قسمتك وارضي بيها..
=طيب ي امي وانا اسي ساكتة..
رهف خشت وهي بتكورك:لسة م جهزوك ديل؟.
سوكة :رهف انتِ غبية بتكوركي مالك.
رهف: ياخ نفسي قايم وقايلة اني اتاخرت عليك زفتة خلاص..
سوكة : رهف انتِ جادة جاية بعباية؟؟؟؟؟؟؟؟
رهف: اي يسوكة معرفت البس شنو ولا اتمكيج كيف بس ياه لبست عبايتي واهو حجابي وطرحتي🏌🏻.
سوكة: لا لا دقيقة ورح قدامي.
رهف : وين انتِ غبية خالتو اتكلمي مع بتك د.
ام سوكة :والله ي رهف بالغتي عباية شنو د خطوبة اختك..
رهف: عارفة يخالتو بس،، طيب يخالتو ح ارجع البيت البس فستان واجي راجعة..
سوكة : لا هنا ف فستاين نختار ليك واحد ونمكيجك معاي..
رهف وهي بتهمس لسوكة :انتِ غيرتي رايك وموافقة ع عمار خلاص بتتظارفي؟.
سوكة بهمس: لا يغبية بس خطوبة مزيفة م تمنع انو نطلع قمر يلا يلا امشي نجهزك..
رهف : يا رب صبرني..
___________________________🦋"..
الرسالة رقم 743 "عند الملتقى" :
خفقة القلب الأولى وارتباك الأيادي وركاكة الكلمات، تفاصيل الملتقى الأول على التعميم كان تصادف _اعتيادي مبهر_ كان كل شي عرضة للتلاشي عدا تقاسيمك اما مبسمك كان يحدث فوضى في داخلي بشكل كارثي، وضع الانسجام الذي يحدث بيننا يليق بكاتب يصب كامل حروفه للوصف وحسب، حدث لا يمكن أن يوضع في الأرشيف وذاكرة النسيان حقه ان يتكلل وردا ويحنط ويخلد للأبد.
By : Samah-Mohammed🫀
