In the past.
تزوجت أخو زوجها كانت كل يوم تراه مع الطرف الثالت الذي دمر علاقتهما تلك المرأة وحشية القلب مدمرة الاسرة محبة المال كثيرا ولاجل المال فقط شردت فتى صغير وكسرت قلب زوجة وجعل قلب الزوج حجر وستفلس بجيبه قريبا..
دخلت المطبخ الاتعودت عليه م اول مرة تدخل المطبخ د فهي قبل كد خاشة بيت نسابتها الاتغير بس تبادل الازواج من عامر لعمر.
كلكم بتسألو عمر د منو؟؟؟ وفيي العرفوه والمرا د منو؟؟؟؟؟ عمر د ابو رهف والمرة د ام رهف(معلششش ع اللخبطة).
_____________________________________________🦋 "..
_بات قلبي سريع الخفقان عند رؤيته فهل هذا اثر الماضي ام حقيقة الحاضر أم رؤية المستقبل؟
بحاول افتح عيوني عشان اعرف انا وين وجيت متين وفشنو والمعاي منو والماسك يدي شنو ومازن وين واستفهامات استفهامات!!! فتحتهم واخيرا والاقي فوشي مرا جميلة شديد ملامحها مريحة جدا جدا فوشها في جرعات امل مبعرف بس كانت كأنها راحة نفسيه.
قالت لي يداب صحيتي قلت ليها اي.
قالت لي شكلك تعبان رديت لا لا كويسة قالت لي طيب ارتاحي أجيب ليك شي تاكليه عايزة ارد جا الدكتور وقاطعها: لا م مفروض تاكل شي لانو معدتها يوم كامل فاضية ولو أكلت ح تصدم وتستفرغ فجيبي ليها تمر بس.
كان نفس المرا الدكتور الشاكلتو قربت اقوم ادقو بس كنت طريحة الفراش يحسرررة المرا عاينت لي وقالت لي طيب ح نسمع كلام الدكتور وح تاكلي بلح قلت ليهت طيب وفنفسي بقول الله يقتلو الكريه كيف انتي بتتعاملي معاه عادي د كلب يخخخخ مستغربة من اشكالو قاطعت الشكلة الداخليه حقتي بكلمة منها وقالت لي ماشة وبجي قلت ليها طيب بقيت بحمر للدكتور بعد طلعت قال لي مالك؟ قلت ليه سلامتك قال لي الله يسلمك ومشى خلاني يربيييييي من برودو واييي بكرهو مستفزززززز ييييخخخخخ يسلموه الحراسة شاحدة ربيييييييييييي الله يغيظووو فكونييييي.
____________________________________________🦋 "...
_أمي م بعرسو م بعرسو م بعرسو انا م خاتة فكرة العرس فراسي ي امي انتي حاولي افهمي انا زول م بعرفو اعرسو كيف امي اتكلمو بالعقل يخ انا مبعرف عنو شي؟؟؟
=يبتي حاولي افهمي لازم تعرسيه ح تكسر عين ابوك يعني قدام صاحبو؟
_امي د حياة عائلة يعني الموضوع م بخصني براي بعدين ح يجو أطفال وح يضررو من الحكاية د م ممكن عشان صاحب ابوي اخرب حياتي بيدي.
=عندك زول فراسك؟
_ااا...
=عندك منو فراسك يسوكة؟؟؟
_ يأمي ولا زول ولا زول انا زاتو تعبت النقاش معاكم عقيم بقى طفي النور عايزة انوم يمكن اموت وراتاح..
=الله يهديك ويهدي ابوك.
_____________________________________________🦋"..
_م مات.
=كيف يعني؟
_اسعفتو اختو!
= ي الله من وين طلعت د؟
_م بعرف بس بالجد عمر الشقي بقي.
=والحل اسي؟
_م بعرف الزول د يموت يموت.
_____________________________________________🦋"..
ماضيي الأسود حاضري الرمادي مستقبلي مجهول اللون كل شي يجعلني قلقلة من كل شيء.
قاعدة فنص السرير جات المرا مدت لي تمر وموية باردة شلتهم وسألتها عن اسمها قالت لي اسمي صباح قلت ليها بالجد صباح قعدت تضحك قالت لي وانتي قلت ليها رهف قالت لي اسمك حلو قاعدة مالك في المستشفى قلت ليها عندي اخوي حصل ليه حادث قالت لي واي يبتي سلامتو واسي بقى كيف قلت ليها مبعرف ف الانعاش مفروض اقوم اشوفو قالت لي اقعدي اسأل ليك منو وبقى تنادي يسامر جا طالع الدكتور رد ليها اي ي امي لمن سمعت امي صبت فيني مطرة يعني د امو طيب د شنو القلتو امبارح د انت واييييييي منو يعني طلعت امووو وانا الفاهمة غلططططط واي ي قلبي خلاص انتهيت واي يضياع البرستيج واي يقلبي الصغير انا م بتستحمل البحصل لي د م بقدر د م حياتي حياتي اتبدلت في المستشفي يريت لو شربت مويتي ومشيت البخليني اسمع كلام الناس شنو.
_ي انتي!!
=انا منو فشنو واي يخ مقادرة انا!
_ مالك؟
يداب وعيت على نفسي رديت ليه ماف شي.
خالتو صباح قالت لي ارقدي نومي انتي تعبانة وسامر قال اخوك كويس وم تخافي هو تحت مراقبة سامر اخوك اسمو منو؟
قلت ليها مازن قالت لي انتو براكم؟ لانو م شايفة زول معاكم قلت ليها مرتو فالبيت ومعاها اولادها عشان كد مقدرت تجي واي اشتقت ليهم قعدت تضحك قالت لي صغار اولادها قلت ليها اي سوار وسارة بحبهم فجاة بقيت تعاين لي بخلعة وسامر وقع الورقة الكان بكتب فيها قالت لي قلتي شنو امهم اسمها منو قلت ليها ايلاف السمحة لي؟ سامر شرق وهي بقت بتعاين لي بس سامر مسك منطقة صدرو شديد وطلع وهي بقت بتعاين قلت ليها مالك يخالتو قالت لي ماف شي بس حلو يخخ ح اجيكم يوم قلت ليها تشرفي فكل وقت يصباح السمحة .
__________________________________________🦋 "..
من جات مقتحمة المحل حاسي اني بعرفها بس ابدا م اتخيلت تكون هي هل فعلا د هي؟ يرب اكون بتخيل.
لي رجعت اشوفها تاني.
بكره نفسي جداااا.
بقيت بضرب في اي شي كسرت كل القزاز القدامي يعني م ممكن كل البحصل د.
فجاة احس بيد بتطبطب علي قالت لي انت م عملت شي كلو لخير اهدا يولدي وبعدين هي م عرفتك ود كويس اهداا وزي م انت مصدوم انا مصدومة اكتر اهدا بس اهدا الامور كلها بتتحلا.
=ي امي تتحلا كيف بس انا تعبت انا 10سنة م قدرت انسى امي اصلا انا مقصدي امييي.
_انا فاهماك اسي مالك؟
=امي تاني ظهرت.
_كان لازم تظهر وكنت تجهز نفسك للحظة د لأنها اخت راجل اختك هي اخت مازن راجل اختك ايلاف فشنو يولدي.
=كنت شايل الكلام د من راسي وبحاول اتنساه واتجاوزو بس البتخاف منو بحصل.
_خلاص اسي محصل شي اتصرف عادي طيب؟ .
=طيب.
_________________________________🦋"..
لممت عباراتي فتشتت حروفي،، أخذت الكلمات وتبعثرت الجمل،، حاولت الثبات فخذلتني ذكرياتي،، ولكن ها قد أتى فارسي حامل لي الأمان،، جاء يصلح ما اعبته انت،، يرمم ما كسرته انت،، ينهي ما بداءته انت،، فأمنياتي المستحيلة تحققت بهيئته هو.
By:Samah-Mohammed🫀.
