كان تبتسم فهذا اليوم مميز لها لقد تزوجت لقد كسرت عينيه وضعت الانتقام فرأسها وها هي الان تنتقم من الذي دمر شبابها وكسر ثقتها في نفسها الذي جعلها تسأل نفسها ما الذي ينقصني؟ كان ذلك الوحش الذي حولها من ملاك لطيف الى وحش مدمر اصبحت مثله او اكثر هي لم تتزوج فقط هي تزوجت أخاه الاكبر!.
ربما رمت نفسها على الهاوية ولكن نظراته الذليلة وندمه وقلقه وابتسامته المتوترة والزائفة غيرته الواضحة كانت كفيلة بان تجعلها سعيدة فيوم جنازتها..
مشت وكانت تمسك بيدها والدتها التي ساعدتها لتصل الى ما تريد كانت نظرات العائلة نظرات كراهية وايضا نظرات شفقة وجزء اخر نظرات حب والاخر من يريدونها زوجة ابنهم ولكن الاصغر ذلك الذي يدعى عامر ولكن هي الآن اضحت الجزء الاخر لعُمر..
________________________________________________🦋"..
مسكت تلفوني لقيتو مقفول شلت البور من مازن ونحن راكبين في العربية وشحنتو لقيت ابوي متصل كتير قلت لمازن انت كلمت انو انت جاي قال لي اووووو دكتور عمر والله نسيت عديل،، قلت ليه بالغت بس يربي هو كويس متصل لي قدر كد؟هو بايت في الشغل م يكون حاصل ليه شي مازن قال لي خلي عباطة بكون مقلق عليك بس انتي عارفة ابوك بخاف عليك كيف قلت ليه كأنو م ابوك قال لي اسكتي.
___________________________________🦋".
الساعة كانت ماشة ع تلاتة وهو لسه صاحي وماسك نفسو بالجلالة عشان م يكسر شي كان كل علامات الغضب في وشو اول م الباب فتحت الباب كانت هي كانت بتسمع في صوت الرعد والمطر الصابي الهوا الشديد كأنو العاصفة د جوة قلبها بقت واقفة لمن لقت ابوها عيونها اتملت دموع عشان تحضنو لانو اتذكرت حادثها المأساوي حركت شفتيها ببطئ وقالت ابوي م لحقت تتم كلمة ابوي وم هو الا كف في نص وشها لحدي م لثتها اتجرحت كانت في صدمة ولحظة صمت عجيبة خاصة لمن جا مازن داخل ولقى خشم اختو بنزف وماسكة خدها وابوهو بعاين وم فاهم شي،، رهف مقدرت تبكي ولا قدرت تعمل شي كل القدرت تعملو تجري ع غرفتها م كان عندها حل غير الهرب،، الهوب في كل مرة..
_ابوي في شنو لي رهف بتنزف ضربتها؟؟
=مازن؟
_اي مازن ي ابوي لي ضارب رهف!!
دكتور عمر بقى ماسك راسو شديد وقعد في اقرب كرسي قال ليه موية،، ايلاف جات شايلة سوار وسارة عاينت ليهم عرفت انو في شي غلط لانو الجو كان متوتر شديد..
مازن خش المطبخ وهو غضبان شديد وما فاهم شي في نفس الوقت شال كباية موية واداها ابوه اللسة مصدوم..
فجاة دكتور عمر العاقل شديد بدأ يتكلم..
طول عمري بشوف انو الغضب م بقدر يسيطر ع الانسان،، الانسان لازم يتحكم بنفسو وبتصرفاتو عشان خاطر الحوليه كنت بتجنب اغضب لانو غضبي كعب بس لمن الموضوع اتعلق باميرتي خلاص الموضوع بقى غير مفهوم،، قدر يسيطر ع كل جوارحي لدجة ضربتها!! رهف يمازن الطول عمري م مديت يدي عليها الليل مديتها!.
وسوست لي نفسي،، والساعة اتنين ح تكون وين يعني؟ م كنت عارف انك جيت ولا انها معاك..
_ابوي حاليا انا لو كنت في محلك ح اعمل كد،، انت م غلطان،، بس ردة فعلك قاسية ع رهف،، بعدين رهف رهف اختي م بتعمل شي غلط ولا بتعرض لنفسها للكلام الفي راسك، ح اتفاهم معاها واجيك...
=لا ح تكون نامت وهي بتبكي خليها للصباح..
______________________________________________🦋"...
جا دخل البيت وهو تعبان جاتو جارية قالت ليه ابوي حضنها وقال ليها كيفك يخ واشتقت ليك قالت ليه انا اكتر كويسة وانت وورح جوة قال ليها ورح مشو قعدو جات الام وقالت لي سوكة قومي جيبي موية لابوك قالت ليها طيب سلمى ام سوكة قالت لابراهيم خير عايز البت لشنو؟ قال ليها الشفقة تطير وتطيري معاها اصبري،، قالت ليه مسيخ د جي عليك سوكة قالت ليهم اتشاكلتو تاني؟ قالت ليها بري ابوك د براه مسيخ إبراهيم قال ليها بهظر معاها بس هي كبرت وفقدت حس الفكاهة قالت ليه الناس بتكبر وبتقى واعين انت ماشي كبير وعوير،، سوكة قالت ليهم اهدو حبايبي،،ابراهيم قال لسوكة عايزك تسمعيني وانا يبتي عايز مصلحتك فما بعمل حاجة من راسي ساي الا اكون ضربتها الزمن م معروف والناس م مضمونة وانا يمكن بكره اموت يعني لازم اضمن انك بقيتي فيد راجل فعشان كد انا اديتك لعمار ود حاج عباس سوكة الكلام نزل عليها زي الصاعقة كانت مخلوعة عمار شنو؟ قالت ليه ابوي كيف يعني تعنل حاجة زي او تاخد قرار بالشكل د وم توريني متفهمة انك ابوي بس ي ابوي د حياتي بعدين عمار د منو؟ انا شكلا م بعرفو كيف يخطبني قال ليها بتعرفيه بالايام صرخت معايزة اعرفو معايزة إبراهيم اتهجم التوتر سيطر قال ليها سوكه كلامي واحد الخطوبة بعد يومين وصوتك د معايزة اسمعو وخشي جوة سلمى كانت بتعاين بس قالت ليه ابراهيم قال ليها انتي امشي اقنعيها ومداير كلام كتير لانو الخطوبة ح تم ح تم..
_______________________________________________🦋"...
كانت بمثابة حاجز فقلبو حاجة مؤلمة كل م يتزكرها بتمنى يطعن نفسو ويموت الذكرى د مهما عمل م اظن تتمسح من راسو،، بقى بعاين للساعة لقاها ماشة ع 3 المطرة كانت صابة مشى اخد دش وهو طالع من الحمام سمع صوت قزاز بتكسر وكورايك وقف فمحلو منغير م يقدر يتحرك قلبو وجعو شديد عينو اتقلبت لاحمر كأنو اتحول لإنسان تاني حاول يمشي يشرب موية شرب رشفة موية بس مقدر يبلع،، حاول يستجمع قوتو وانفاسو عشان فشنو برة طلع برة ولقى د عمار بكورك وبتكلم مع ابوه عباس وبقول م بخطبها ي ابوي م بخطب بت م بعرفها د حياتي وانا حر فيها انت منو عشان تاخد قرار زي د فاللحظة د عباس عايز يدي عمار كف ناس البيت كلهم بقو مذهلوين سامر مسك يد عباس وقال ليه نزل يدك منو عباس رد الله عايز انت توريني اعمل شنو كمان؟ سامر قال ليه العفو يعمي بس البنات ديل في وعيب تضربو قدام بنات العيلة بعدين المشاكل عمرها م اتحلت بالضرب وكمان يعمار م اتحلت الكواريك فالنهاية د ابوك وانت راعي للحتة د والنقاشات خلوها بينكم احسن وعليك ي عمي اقعد عشان الضغط وانا بتفاهم معاه عباس كلام سامر هداه قال ليه طيب يولدي..
_______________________________________________🦋"...
_يحببيب انت الزول د عايز تخليه حي لسة؟
-والله الامور جايطة لسة معارف بس الليلة لازم يموت لانو سكوتو د معادي اصلا م سكوت زول خايف شكلو مخطط لحاجة كبيرة د ح يفضحنا.
_عاين انت بس اديني الOk وانا بتصرف.
-ح تعمل شنو؟
_حادث يزولي.
-بس ح نضرر ويمكن اسرتو تموت معاه؟
_قلت ليك اديني الاوك وانا بتصرف.
-اوك.
______________________________________________🦋"...
واهنة كشباك عناكب ولكن أملك قوة سرمدية،، أثق بأن تكهناتي دائما على حق،، لست من الطراز الذي تسهويه المبالغة وتجسيم الأمور،، واقفة أمام مستعصيات أموري بوجه جامد لا يختلج،، دامثة الخلق،، فما دمت أحفظ براصني ورباطة جأشي فطوبي لي بطريق مزدهر غير شائك!
By:Samah-Mohammed🫀.
