عند الثالثة صباحاً رن منبهي ليجعلني استقيظ فزعة كعادته..
نظرت في الغرفة ولم أجد سوى سوكة تستلقي على الاريكة اما هو فكان يستلقي بالقرب من قدامي جالساً ارضاً،، كان ممسكاً بقدمي شعرت بخوف ممتزج بشئ من الاطمئنان ليس كل هذا مهم المهم أني بدأت استوعب ماذا جرى وما الذي يجري نعم انه هو مدمر طفولتي سارق الامل وكاسر قلبي ممذق احلامي هو امامي لما لا اقتله سحبت قدمي بقوة من تحت يداه فاستيقظ فَزِعاً هو الآخر..
_رهف؟.
م رديت عليه وقمت من محلي وطلعت ع السطوح..
_رهف؟.
=عايز شنو؟.
_عايز اعتذر!.
=هه تعتذر ع شنو بالظبط؟.
_اي شي.
=وبعدت اعتذرت ح يحصل شنو عاين لي فعيني ح يحصل شنو؟..
انت عارف اخدت شنو صح؟ وعمرو م ح يرجع صح! انت عارف انت عذبتني قدر شنو صح؟ لا معارف طيب تعال اوريك.
قبل عشرة سنين بالظبط..
كُنت سبب في تعبي ومرضي الشديد وكمان كنت سبب في فقد عذريتي كنت اخذ شرفي ي انسان، عارف انو ابوي واخوي م وقفو معاي؟.
عارف انو عرضهم هان عليهم بسببك..
عشان الأمور م تجوط وتحصل فضيحة اتداركو الموضوع وغطوه كد وخافو من العار في حين انو انا م لي ذنب ولا انا مشيت للعار هو الجاني في المحلو واغتصبني انا ابداً م ارتكبت خطيئة انا كُنت طفلة الاتناشر سنة ما فاهمة شي من الدنيا غير كُنت بلعب وبضحك بس..
بس بعدها بعد الليلة ديك كل شي اتغير شلت انوثتي وكمان شلت عفتي وكمان شلتي اغلى ما ممكن املكو..
خسرت اخوي بسبب انك اخو مرتو وم تحصل بينهم مشاكل فضل سعادتو علي..
يدكتور سامر انت عايش حياتك عادي وانا بجاي محطمة انت مرتكب جريمة وحُر طليق انت م ضاع منك شي بالعكس انت الظالم انت الغلطان وانت المجرم وانا الاتعاقبت..
_رهف انتِ م فاهمة شي رهف انا متأكد في شي غلط..
انا طول السنين د م كنت قادر اعيش مرتاح من تأنيب الضمير، في كل لحظة وفي كل ثانية بفكر انتِ ح تكوني عايشة كيف،بكون باكل عادي بتزكرك بقوم وبخلي اي شي بعمل في عمليه بتزكرك بطلع اخلي العمليه، رهف انا كنت عايش مع الناس بس تفكيري وبالي في غلطتي التي لا تغتفر رهف انتِ م عارفة انا ندمان قدر شنو انا فقدت صديقتي انا خسرتك.
الرياح هبت بقوة، تجمع الغيم، وبدأت الامطار تهطل أتى صوت الرعد القوي ليجعلني اركضُ نحوه واحتضنه خوفاً..
َلك أن تتخيل بطلين في فيلم هندي، كانا كذلك تماماً انحلت عقدةُ شعره وتبلل شعرها هي الأخرى ابتعدت منهُ وهي خايفة وخجلة في آن واحد..
امسكها من يدها وادخلها داخلاً، احضر ليها أوعية من خزانة رفيف، دلّها على الحمام ذهبت وهي وعينها ارضاً تمنت لو انشقت الارض وابتلعتها بدأت تفكر، بدأت تنسى ماذا حدث لها اجل لقد دق قلبها له في الثالثة صباحاً في نفس التوقيت الذي حدثت فيه الحادثة قبل عشرة سنوات دمرها والان هي على وشك الحُب أمعقول؟.
دق، دق، دق.
قلبهُ يؤلمه الم السعادة اخذ قراراً مع نفسه نظر ورفع رأسه شامخاً للسماء ربما وجد الحل..
الساعة السادسة صباحاً كلاهما مستيقظان جالسان ينظران إلى بعضهما نظرت اليه وقالت..
_لي عملت كد؟.
=م عارف لي انا م بتزكر شي يرهف والله م بتزكر..
_سامر لي بتكذب؟ وكيف م بتتزكر العملتو فيني!
=م عارف يرهف بس انا م متذكر صدقيني.
عمار : صباح الخير..
رهف بقيتي كيف؟.
رهف: صباح النور كويسة حمد لله.
عمار:البركة فيكم ياخ.
رهف :لي في شنو؟.
عمار : م عارفة؟
سامر :عمار انت خشمك د امسكو.
عمار : ح توروها متين الجنازة م لحقت تودعها..
هنا رهف جمدت في محلها وم عرفت تعمل شنو وبقى راسها يودي ويجيب عاينت ليهم وبدت تصرخ المات منو؟.
عمار : مازن اخوك.
رهف : كذاب كذاب سامر هو كذاب صح عمار بطل هظار يخ مازن م ح يخليني ابداً هو قال لي انت غبي م بخليني م بخليني كيف يعني يخلي اختو الوحيدة ابداً ولا ح يحصل اي م ح يحصل..
سامر مسكها من يدينها وقال ليها رهفي مازن فات لمحل احسن..
رهف: يسامر لا مازن كويس مازن كويس ياخ سامررر وبدأت تبكي بصورة هستيرية خلت سامر يتوتر وقلبو يوجعو لانو د نفس الطريقة البكت بيها قبل عشرة سنة..
