حملت هاتفها وأعينها تزرف تلك المياه المالحة،، اشتد البكاء،، وأصوات الشهقات بدأت ترتفع،، احمرت العينين،، ضاق التنفس،، كأنما اقترب الموت.
خشيت الماسنجر وانا مضايقة شديد لقيتو متصل م بعرف قلبي قال لي خشي رسلي ليه خشيت وبدون م احس كتبت ليه هلا رد لي فوري اهلين قلت ليه ممكن احكي ليك مضايقة؟ قراها وطلع م بعرف كنت حاسة بشنو لمن رسلت كد لمن سفهني اتغظتتتت شدييييييييد قربت اقتل نفسي،، الموضوع اكل معاي جمبات م جمبة،، يعني ثقالة الدم للدرجة وصلت معاه واحد ثقيل،، نسيت اني كنت ببكي،، واتزكرت سوكة فتلقائياً اتصلت بيها م قعد ترد قلت يمكن مع ابوها وكد م ازعجهم وعملت رايحة،، خشيت الحمام غسلت وشي وسرحت شعري كعكعة فوق وكتت لابسة بجامة تلت تربع،،عاينت لروحي في المراية قلت يخ كل مرة اسرح كعكه زهجت زاتو ودنقرت بفتش في بينسا حسيت بزول بمسك في شعري اتلفتت سريع لقيتو مازن عايزة افكو ثبتني من اكاتفيني يعني اقعدي قعدت وبدا يسرح لي بقيت مركزة مع ملامحو في المراية كان مركز شديد مع شعري كان لمستو لراسي حسستني بامان حسيت بامان م حسيت بيه من سافر،، في نفس القعدةد سرحت وانا برجع للماضي الزي م اداني شال مني..
_عايني يقشرة زحي من وشي،،معندي ليك خلق كمان اسرح ليك فاضية أنا،، في راسي مية شي يلا زحي من وشي ولا والله الطشك بالكباية د اجيب اجلك.
=يماما بس.
_ما بس يلا اتخارجي.
في اللحظة د مازن كان طالع المدرسة ولقاني ببكي،،كان ممتحن تامن لقاني ببكي شديد مسكني وحضني عليه قال لي هششش اسكت يبت،، انا بسرح ليك وحمر لي ماما وساقني من يدي،، وبدا يسرح لي شقاه نصين وعملهم لي برمة ورجعهم لورا وقال لي م تسرحيها الا اسرح ليك انا هزيت راسي برضا كنت مكسورة وفي نفس الوقت مبسوطة،، كان دائماً بسرح لي عادي بفوت حصص وبدقا بسببي كلو عشان يعمل لي برمتي البحبها..
مخفف لحيتو ومربي شعرو بطريقة حلوة اساسا شعرو ناعم شديد عاينت لي شعري لقيتو قسم شعري القدام لاتنين وشال وقسم القدام لوحدة كتيرة ووحدة حبة وعمل لي برمة ولماه لي ورا وضفر لي شعري ضنب حصان كان تسرحيتي البحبها شديد.
بقيت مركزة مع التسريحة اليييي زمن م سرحتها لانو قال لي م تسحريها الا انا اسرحها ليك قمت من المقعد وحضنتو حضنتو شديد م بعرف كنت محتاجاه وبقيت ببكي بقى يقول لي اهدي حببيبي مالك اسي؟قلت ليه مازن! قال لي احكي يحبيبي،،رديت منفسك تطلعني زهجت من البيت هو زاتو اتخلع وبقى يضحك قال لي م يطلعك الا انا يلا البسي ح نطلع كلنا طيب؟قلت ليه حاضر.
طلع مني وانا معارفة لي حضنتو هل مفروض اسامحو؟ انا عملت الصاح؟!.
__________________________________🦋"..
العيلة كلها مستنياه يطلع كان لابس طلع وهو لابس التيشرت الابيض والبنطلون الاسود كان مسرح شعرو الطويل كعكعة لفوق((اي مربي شعرو لدرجة مكعكو اقعدي انتي يجعفر)).
يارا قالت ليه سامر بحبك عرسسسسنييي اسي د! رفيف قالت ليها لا لا يزولة يعرسني انا د،، سامر بقى يضحك مع ضحكتو غمازتو المطلقة ظهررت كانت غريقة شديد (مطلقة يعني واحدة م اتنين) لمار قالت لي سموري يلا البنات ديل م عندهووممم موضضوع يلا رفيف قالت ليها انتي منو؟؟؟؟؟؟؟؟؟ يارا قالت لرفيف انطمي انتي خليها.
سامر م بحب لمار شم الوضع بكلو طلع وقال ليهم الحقوني..
عمار كان برا ح يكركبو معاه رفيف ويارا وباسم ح يركبو معاه جدو احمد وحبوبة فاطمة ولمار ركبت مع سامر ..
_______________________🦋"..
التلفون كان برن بطريقة مزعجة رد عليه الو.
المتصل:كيفك ي حاج إبراهيم
إبراهيم:تمام والله بس معاي منو؟؟
المتصل :معاك عباس خلاص نسيتني.
إبراهيم :اووووو عباس كيف يعني انساك هو انت بتتننسي .
المتصل(عباس) : والله دايرك فموضوع ضروري م ينفع الا نتقابل.
إبراهيم : ان شاء الله خير؟؟
عباس:لا ياخوي كلو خير.
إبراهيم :هو انت نزلت السودان؟؟
عباس: اي لي زي تلاتة يوم.
ابراهيم: خلاص يزول خير.
وقفل على كد عباس وابراهيم اصحاب شديد وبدو شركاتهم سوا وتاني اي زول فصل براه.
____________________________🦋"..
الزول د نزل السودان ليه يوم لازم نقتلو لانو ح يخرب اي شي.
لا يمان نتقتلو كيف اسي؟؟ استنى شوية لو قتلناه اسي الشغلة بتخرب انت بس عليك بالصبر مصيرو يموت على يدي.
_________________________________🦋"..
فور خروج الطبيب من الغرفة سارعت الام الى الدخول وجدت ابنتها مستلقيه وملامحها الملائكيه تدل على الارتياح ابتسمت ولكن الندم كان مسيطرا عليها فداخلها تريد البقاء معاها ولكن..
جاءت الخادمة لتقطع تفكيرها قائلة:-
عايني م تخافيي عليها كلها ردوخ فيدها بسبب وقعتها من الكرسي ح تكون بخير بعدين م تحملي نفسك الذنب انتي مع الشغل وعارفة نفسك لو خليتي الشغل ح يحصل شنو فعشان كد خليك قوية عشانها وعشان هي قوية بيك.
كلام الشغالة او بالاصح بالنسبة ليها هي م مجرد خادمة هي صديقة عمرها.
ردت ليها : طيب.
_______________________________🦋"..
كان طالع من غرفتها وهو م مصدق هل سامحتو؟؟ طيب د لحظة ضعف منها هل ح يرجعو اخوان زي م كان؟؟؟ كان فكلام كتير فراسو بس كان مبسوط بحضن اختو الكان كلو حنان عرف انو غلط فحقها كتيرررر بس جا الوقت اليصلح فيه اي شي.
دخل لايلاف لقاها جهزت وملبسة سوار وسارة قال ليها متين كد؟ قالت ليه الشغلة فيها طلعة عشان كد معلش لازم اجهز بدري بعدين يسيدي د السوداننننن،، انا بحبو ولي زمن منو عايزة اشوفو يربييي واطلع فيه((نو كومنت.........)).
قال ليها اك م تقديني ماشي البس..
زي ربع ساعة لبس وطلع من الاوضة لقى رهف فوشو لابسة هاي نك وخاتة الطرحة فرققبتها مع التسريحة وعاملة روج خفيف كانت درعةةة قال ليها يحافظ يحفيظ بس لو لبستي عباية م كان احسن؟ قالت ليه المرة الجاية،، قال ليها بنبرة حادة خشي غيري،،عاينت ليه وخشت غيرت فستان مخطط ولبست حجاب ولفت الطرحة،، طلعت ليه قالت ليه كد كيف؟ قال لي قمراية دخلت حياتي مش كد احسن؟ قالت ليه يس يس ومن جوة هي مبسوطة،، ايلاف طلعت كانت جارة التوب وم عارفة تلبسو،، رهف عاينت ليها وجات عليها قالت ليها اقيفي عديل وبقت تربط ليها في التوب ظبطتو ليها وقالت ليها كد ظبط معاها غمزة ايلاف بقت تضحك اتخلعت زاتو.
مازن ابتسم وطلعو.
__________________________________🦋"..
راسو بقى يودي ويجيب،، كان خايف عليها شديد،،و التفيكر سيطر عليه عليه ومقدر خلاص.
قرر انو يمسك الوردية لدكتور تاني،، ويرجع البيت عشان يشوف بتو،، وفعلا ركب العربية حقتو واتحرك ليها..
احيانا بنشوف اهلنا قاسيين علينا بس لو ركزنا في سبب القسوة ح نلقى لمصلحتنا النحن م شايفنها..
___________________________________🦋".
أحببته رغم انفي،،بجوانبه المتعددة،، متغطرس ،متقلب المزاج،حاد الطباع،، فلا يحقق لي أن اقترب منه واتبع سير قلبي،، ولا بوسعي الابتعاد والمراقبة بصمت،، فلا هو يملك قدرة على تغير الماضي الذي مررت به،، ولا حول ولا قوة لي بهذا.
By:Samah-Mohammed🫀.
