في كامل الصدمة وحتى الدموع م راضية تنزل،، عيوني حمرت مندون اي دمعة تنزل،، كنت لسة مسجونة في احساس الخوف والرهبة وصدمة الكف،، من ولدوني لحدي م كبرت ووعيت للدنيا د م حصل ابوي مد يدو علي م حصل ضربني م حصل كورك فيني حتى،، انا متفهمة شديد انو هو متضايق عشان اتأخرتا هو قايلاني براي لو كان عارف مازن معاي م كان عمل كد ابوي م غلطان،، ابوي في اللحظة الضربني فيها لو عارف لحظة ضربني كنت حاسة بشنو كان احتواني،، بس يلا د الحصل انا ح اعمل شنو!
شالت رجلينا بعد م لقت تبرير لموقف ابوها م قدرت تشيل منو في قلبها لانها عارفة انو اكتر واحد بخاف عليها بالرغم من طفولتها كانت مثال للبت الواعية وبالرغم من شخصيتها المتناقضة كانت بتفهم وبتعرف تتعامل مع الموقف كيف خشت استحمت لمت شعرها لورا ورقدت نامت..
يوم جديد وبداية جديدة صفحة جديدة اتمحى منها كل الخطوط السودا الكنت راسماها ليه بديت الصفحة بكتابة اسمو بقلبي.
صحيت من النوم استحميت سرحت شعريي لورا ومنسيت البرمة القدام،، عملت ميكبب خفيف لبست الطرحة رشيت العطر الكان م عطر عادي بالنسبة كان كانو أكسجين الحياة م جابو لي هو وكفاية بتعطر بيه.
طلعت من غرفتي لقيت ابوي في وشي عاين لي قال لي رهف حضنتو وبقيت ببكي قال لي كلمات عمري م انساها رهف انتي اغلى شي عندي،، والزول لمن يحس انو ح يفقد اغلى شي عندو بتصرف تصرف هو م خاتيه في احتمالتو ردة فعلي امبارح كانت قاسية شديد بس د كلو عشانك يست البنات انا اسف سكتو وقلت ليه انا عارفة اي شي ماف داعي تقول شي والله فاهمة ي ابوي فاهمة يدكتور عمر عاين لي وقال لي اسي ماشة وين قلت ليه ماشة لمازن عندي كلام معاه وبعدين الجامعة قال لي الكلام شنو؟ قلت ليه شي بيني وبين اخوي قال لي تمام ابديت اغير قلت ليه بحبك ومشيت ع غرفة مازن لقيت ايلاف فوشي منكشة شكلها صاحيه يداب قالت لي رهف يرهف صباحك انا قلت ليهها واحلى صباح د بنكشتك د، قالت لي يخ اخوك د تعبني م بخليني انو بليل قلت ليها الليلة،، قالت لي والله م فهمك د استغفر الله كان محموم بس قلت ليها شنو؟؟؟؟؟ واسي هو وين قالت ليه طلع برة قلت ليها يطلع كيف وهو عيان وجريت برة لقيتو راكب العربية وقال لي اسرعي اتاخرتي قلت ليه مازن انت كويس؟ قال لي كويس شديد كانت حمة خفيفة غيتو ايلاف د تحب تكبر المواضيع،،، قلت ليه لا انزل بصل براي قال لي بصل ولا طماطم وههه قلت ليه اختاني قال لي اركبي قلت ليه كويس متأكد؟قال لي كويس شديد وانا معاك اركبي يبت ومتخافي،، قلت ليه طيب ركبت وبقينا بنتونس وهو سايق ع الجامعة قال لي رهف عايز اقول ليك حاجة قلت ليه قول؟ قال لي:...
فنفس اللحظة:-
مازننن اضغط الدركسون مازن قدامك مازن..
بعد خمسة دقايق:_
راسييييي يخ وايييي ماززنننن الحقونيييي اخويييييي يجماعة اخوييييييي بنززفففففف يجماعة تعالو شيلوه معاي ودوهو المستشفى وايييي مازنننن يخ تعالو ساعدوني...
_____________________________🦋 "..
عاين يسامر م تتفاهم معاي فموضوع زي د وبعدين معليش عندي موضوع مهم لازم اقوم بيه انا ماشي قلت ليه طيب يعمار..
اتصلت للنائب بتاع الشركة وقلت ليه حصل في الأسهم د شنو وكيف نزلت كد قال ليه والله معارف لكن ح احقق في الموضوع قلت ليه طيب..
بعد دقيقة بالظبط رجع لي وقال لي الأسهم ماشة ترتفع ورجعت زي م كانت اتخلعت شلت الابتوب واتاكدت يداب ارتحت بس فحاجة م مفهومة..
نزلت تحت لقيتهم بشربو فشاي الصباح قلت لحبوبة صباح الخير ي امي،، قالت لي صباح النور يولدي بكره ابوك قال جايي ومعاه امك واختك قلت ليها جد؟؟؟ طيب لي م وروني قالت لي اتصل ليه وم رديت قلت ليه طيب خير برجع ليه يلا طالع المستشفى قالت لي ربنا يوفقك يولدي قلت ليها بدعواتك بس..
__________🦋 "...
_اها يمان حصل شنو؟
-مات!
_متأكد؟
-والله النزيف النزفو د م اتخايل لي يقوم بعدها!
_كان معاه زول؟
-على م اعتقد بت بس م حصل ليها شي!
_وفزول شافك؟..
-ابدا اطمن.
_اخيرا ح نرتاح.
___________🦋"...
كان بتكلم معاي عادي فجاة نبرتو اتغيرت وبقى يعاين لي فعيوني قال لي عايز اقول ليك حاجة قلت ليه قول شفت عربية مفحطة باعلى م عندها من سرعة وجاية علينا بقيت بقول ليه مازن ركز مع السواقة مازن الدركسون مازن قدامك لحدي م اتصدمنا بيها فقد الوعي لمدة خمسة دقايق ضربتي كانت خفيفة بس مازن كان نزيفو حاد،، بقيت بستنجد لحد م جا راجل وشالو معاي و ديناه المستشفى دخلناه غرفة العمليات طواالي عشان يوقفو النزيف بعد عملنا الاجرءات وانا قاعدة ومستنيه العمليه تخلص ولسة العمليه شغالة ليها ساعة قلقت شديد بعد 3 ساعات العمليه خلصت ومازن رقدوه انعاش ايلاف اتصلت بي وريتها وكانت جاية بس منعتها عشان سوار وسارة ومف زول كنت مقيلة براي في المستشفى وببكي الليل جا وانا لسة ببكي جات قعدت جمبي مرا قالت لي يحلوة اي شي لخير وكل شي لخير انتي اسي بتبكي من قبيل بس تفتكري د ح يغير شي قلت ليها يعني انا اعمل شنو د اخوي يخ قالت لي ح يبقى كويس امشي افرشي مصلاية وصلي وادعي ربنا يشفيه بدل البكا قلت ليها جامع المستشفى وين وصفتو لي فعلا مشيت صليت وبقيت بدعي لحدي م سرقني النوم صحيت زي الساعة اتنين ونص اتخلعت قمت وانا راسي تقيل طلعت من الجامع ودخلت المستشفى عشان اشوف مازن بقى كيف كنن خايفة ومتوترة ومشايفة شي من كترت البكى وعليه ورم النوم الساعة ماشة ع3صباحا سمعت صوت كوراك في مكتب الاخصائي كانت بتقول ليه لكن العمليه لازم تتعمل،، رد ليها لا م ح تتعمل! قالت ليه بعمل ليك اي شي رد ليها بكل برود وانتي عارفة انا عايز شنو استفزاني شديد لزيت باب المكتب وخشيت قلت ليه باعلى صوت:-
انت قايل نفسك حاجة واااو كدا يعني لما بتتفرعن في الناس كدا،، شوف يا دكتور او يا ي اسمك لانو ما تستاهل يقولو عليك دكتور ولا تستاهل ينطبق عليك اسم ملاك الرحمة،، بدل ما تواسيها بتستغل في ضعفها وحاجتها،، على فكرة المستشفى زاتها ما محتاجة ليك ولا لي أمثالك وعادي ممكن تلغي شهاداتك دي كلها لانو الشهادات ما كل حاجة وما مقياس للشخص الغيها وبيع مناديل في الشوارع عادي جدا،،، عاينت ليه فعينو شعرت برعشة معارفة من شنو بس قلبي وجعني شديد وفجاة وقعت وانا بحاول افتح عيوني منبهي حق تلاتة صباحا ضرب وهو جا مسكني عشان يرفعني والمرأة بتعاين مصدومة مقدرت افتح عيوني اكتر غمضت عيوني وعصبيتي وعدم تفهمي دايما سبب في مشاكلي...
__________________________________🦋"..
_حبوبة ماما وين؟
=والله يبتي مشت المستشفى!
_مستشفى؟ مستشفى شنو في الوقت د؟ الساعة تلاتة يحبوبة وانتي زاتك المصحيك شنو فحاجة حاصلة وانا معارفة؟
=بتي اهدي ماف اي شي بس امك مرقت مع سامر دوامو الليلي قالت الا تمشي معاه اشتاقت ليه وانا صحيت عشان بصلي صلاة الليل وبنوم بعد الصبح يعني ماف اي شي انتي القومك شنو قومي نومي والكرسي حقكك د بوقعك اقعدي زي الناس.
_حبوبة اسي بتضحكي لي انا خايفة.
=قامت وحضنتها وقالت ليها إيلام اطمني ماف شي وبعدين انتي جيتي قبيل من السفر فارتاحي شوية ونومي وامك د برضو اصريت ترتاح بس ابت اشتاقت لولدها البكر.
_انا كمان اشتقت ليه واشتقت لايلاف كمان اشتقت لاخواني يحبوبة شديد وملاقية طريقة اجتمع بيهم كأنو عدم تحركي وشلل حركتي د سبب في بعدي عنهم انا اخترت اني ابقى كد؟ والله اصلا يخ مف زول ح يفهم.
شدت على كتفها وهي بتحضن وبتقول:
=كيف يعني حليلي يبنيتي د كلام شني اسي د ماف حاجة بالشكل د بعدين د حاجة من ربنا واخوانك متقلبينك ومحصل اشتكو منك انتي م حمل على زول انتي حاجة حلوة كد نازلة فقليبي،، بعدين الدخل د فد شنو؟
_يعني لو كويسة وبقدر امشي كان مشيت ليهم ونزلت المستشفى كمان وبقيتي سستر.
=ح تبقى كويسة يبتي وكلو بهون انتي بس احمدى ربك على النفس الطالع والنازل.
_الحمد لله.
__________________________________🦋"..
لا تتصنع النسيان والقوة.،،بل راجع ذكرياتك القديمة مع الشخص الذي كان مفضل لديك وأصبح من اسواء الاشياء التي مرت على تاريخك،،عاود محادثاتك الغرامية التي كنت تكتبها له في الواحدة بعد منتصف الليل،،تجرع قليلا من كأس المرارة ثم أنسحب من المعركة التي قامت بداخلك،،ليس الهروب للجبناء كما يقال بل الهروب نصف الشجاعة،،استلق واغمض مقلتيك ثم حرر أفكارك التي تتهيأ للاياب تابعة حدث قلبها،،وستجد نفسك تخلصت بل أحرقت ذاك الماضي وقمت بنثر رماده فالهواء.
By:Samah-Mohammed🫀.
