من تتعلق بأنسان و تضوج اذا ما موجود تحس اكو حركهه تصير بصدرك اذا هو ماكو ..، هذا حُب نفسي و اكو حُب عِشرة أنسان تتعاشر معاه فترة من الوقت تشوفه صاࢪ جزء من حياتك وتشوف نفسك صرت جزء من حياتهه..، واكو حُب كَياني تعشق إنسان بكُل كيانك تحبه بعقلك،تحبه بقلبك، تحبه بروحك ، تحُب كُل شيء بي، تحُب كلامه ، تحُب منطقه، تحُب اسمعه ، تحَبه من يَتَكلم ، كُل شيء بي تحبهه ...، مو تحُب جزء وتترُك جزء ....!!
★ــــــــــــــــــــــــــــــــــــــــــــــــــــــــــــــــــــــــــــــــــ★
تصويت ومتابعة ♡♡
بسم الله الرحمن الرحيم
امير : حوراء تعاي هاي شبيها؟! كله منك رضا والله انت الي يرادلك واحد ارجعك مو ساره.
رضا : اهوووو اي شي اني اني ترا كرهت حياتي مو اي شي اذبو براسي.. خليت وكمت من الاكل
: طبعا من شفت حوراء ما اكلت وكامت ورضا هم وساره زعلانه قررت افاجئهم كلت خل اكلهم يلا نطلع واشتريلهم اشياء حلوه .. رحت لرضا ما قبل وضل اصيح وقفل الباب رحت لسارة كالت اسفه امير بس نعسانه واريد انام رحت لحوراء .. دكيت الباب عليها.
امير : حوراء كاعده
حوراء : لا
امير : ههههههههههه لعد شلون جاي تحچين وياي
حوراء : اريد انام
امير : وكت ضهر؟!
حوراء : اريد انام
امير : شنو مجاي اسمع فتحي الباب
حوراء : اريد انام.
امير : شنوو "وهو مبتسم"
حوراء : اريد انااااااام
امير : زين بس فتحي الباب اريد احجي وياج ولج.
حوراء : ماا
امير : هاي شنو شنو ماا
حوراء : يعني لا ماافتح الباب وما اريد احد يحچي وياي.
امير : حوري ...
حوراء : من كال حوري اجالي شعورمعرف اوصفلكم يا شكد سامعه اكلولي حوري بس مثله هو لا كالها بكل حنيه "حوري كومي فتحي الباب يله" اول مكال هيچ خجلت وكلت شبيه اني جاهله كعدت اجادله خجلت وفتحت الباب.. شفته منتچي علئ السداده مالت الباب وعيونه منزلها با الكاع راسن باوعلي حسيت بشعور مكدر اوصفه جانت عيونه مبتسمات كتله تفضل نعم !َ تبعد من الباب وكال
امير : ههههههه روحي بدلي لان باجر دوامج واريد ادلج علئ الجامعه وعلمج وين قسمج تمام .
حوراء : يعني اخلونه ندخل ؟"
امير : اي عادي اخلونه ندخل وناكل ونكعد وياهم با المحاضره.
حوراء : تمام.. رحت لبست قميص احمر واصير شوي اطول و ردانه بف و بنطرون كيلوت ابيض ولبست حذاء احمر وجنطه بيضه وحجاب ابيض يعني تكشخت كشخه معدله حتئ خخليت مكياج حلو كلت ببعد رايحه للجامعة خو ميضحكون عليه ..
طلعت لكيت امير لابس قاط اسود و قميص ابيض بس فاتحه ما لابس رباط. باعيتله من بعيد لكلك مودل عيونه وحاده و وضخم اني اوصله لصدره !! لا ايرادين كلت واو
هو ضل اباوعلي وهو رافع حاجبه وممبتسم ابتسامه من جهه وحده وغامزته طلعت وكال .. اوه واو لهل الدرجه عجبج البس .. اني خجلت وكلت لا بس لان لابس قاط وهاي فهه طالع كلش حلو
امير :وانتِ بعد ملابسچ انيقه..
ردت الكاع تنشك وتبلعني حرفياا اني ليش كتله طالع حلو لو كايلتله ملابسك حلوه اني الئ متئ راح اضل ثوله؟!
امير : يلا نطلع
: يلا .. صعدنا للسياره وحركنه وبدا امير اكلي.
: سمعي حوراء الاخت بمثابت الام بعني لما تكون الام مو هنا او متوفيه الاخت تكون الام .. مراح اكلج ساره ما سوت غلط هو صح ميصير تطلع بدون ما تكلج بس لا اصيحين عليها اذا صيحتي عليها راح تكول حوراء تكرهني بس انتِ تحبيها ومن خوفج عليها عيطتي عليها فه لازم تحجين وياها تفهميها تصيرون صديقات اي شخص بهذا العمر المراهقه ميعرف شنو الصح من الغلط احنا لازم انو انعلمه هذا الصح وهذا الشي غلط مو لازم نحبسه عن الدنيا!!! وشگلك منخلي يطلع عمود لان هو مراهق وخاف وخاف... لا لازم نعلمه الصح وننطي كُل الثقة اذا سوه غلط انكله توعدني مراح تعيده كلمة وعد هواي راح تاثر بي من يجي اعيد الغلط راح يذكرها وراح اكول اختي او اخوي او ابوي او امي وعدتهم انو اني ما اعيده اما اذا معيطين عليه مراح يذكر واذا اذكر راح اكول مثل هذيج المره راح اصيحون عليه ورا ساعه ساعتين تنتهي السالفه .. حاولي تفهميها تتكلمين وياها مزعليها اصيرين صديقتها وتنطيها كل الثقه.
حوراء : تدري كلامك حرفييا اجنن كلامك ذهب والله، واصلا احنا هيج صديقات واكثررر بس من خوفي عليها والله
امير: مدام هيج لعد امشي نشتريلها هدية هيه ورضا شتكولين.
حوراء : تمام يلا ... رحنا اشترينه هدايه الهم وكللش راح افرحون بيها خاصه سارة بعدين راح تعرفون شنو هيه وهم اني هو اشترالي هديه اكسيسوارات وكومه اشياء ... يلا نروح للجامعه .
امير : هههههههههههه اي جامعة مصير نروح ندخلها اذا ما عدنه الباج مال الطالب ههههههه اني كتلج هيج حتئ نروح ونطلع ونشتريلهم.
حوراء : هاي عود صدك هههههه
امير : اي والله بشرفج مكلتي شلون راح ادخلونه؟ !
حوراء : شعرفني ههههه ولبست لبس حلو وانت قاط هههه
امير : اي لبست قاط حتئ اصدكنين
حوراء زين هسه وين راح نروح
امير : الصراحة اني كلش اتخارت واخذني الوكت عندي اجتماع واذا ارجعج للبيت كلش راح اتاخر
حوراء : شنو الحل؟
امير : عادي ترحين وياي
حوراء : شنو يعني ششلون
امير : هو اجتماع لتخافين هناك اكو بنات ويانه هم وابمطعم يعني يم الناس وهم نسولف علئ الشغل وناكل مدام انت ممتغديه وهاي هيه معليج تكعدين بس
حوراء : كلت خطيه.، وكتله تمام يلا طبعا هاي الساعه 3 العصر جانت .. وصلنا للمطعم اول مدخلنا لكينه طاوله كلها ناس وكامو وسلمو عليه
أنت تقرأ
حبك وطن
غموض / إثارة"قصة حقيقية" قصة با اللهجة العراقية فتاة في مجتمع لو علمو أنك تحلم حلماً جميلاً لاًيقضوك من نومك ، تحاول العيش بحرية بين شيوخ العشائر وتكسر جميع القيود و العادات والتقاليد و تسعئ الئ تحقيق حلمها وان تجد الحب الحقيقي التي طالما حلمت به ولكن توجد صع...
