هلو عمري شلونكم عذروني عن التأخير بس مثل متعرفون انتقلنا لغير بيت و اني كاتبة البارت بس انترنيت ماكوو فه اليوم فعلت على الشريحة يوم واحد بس عمود انشرلكم ههذا البارت وارجع واكلكم عذرونيي عن التأخير بس انترنيت لحد الان احنا ما حاطين 😞💕..
لا تنسون التصويييت والمتابعه تقدير لتعبي
سارة:
دخلت للغرفة واني مصدومة وخايفة وما اعرف الشعور شنو غسلت وجهي و سمعت بيت عمو حيدر راحو اجت دخلت حوراء وعيونها مغورگة دموع.
سارة: عزاا حور شبيج ليش تبجين
حوراء: اا.. اامير
سارة: شبي؟؟
حوراء: خط.. خطبني
سارة: عزااا العزااه يعني كال لبابا كل شي؟؟
حوراء: من انتِ رحتي للحديقة لان كلتي مختنگة فه وديتلهم الچاي و بس گعدت امير كال...
عمي اريد احجي وياك كلمة وكدام الكل.
"كلهم سكتو وكالولة شنو"
امير: عمي اني جايك من الباب موش من الشباك، مثل ما تعرف حوراء بنية شابه وعيون الناس عليها وهيه با الجامعة وبا البصرة واني انتقلت وياها بس ليا دوب اضل اني وياها عمي حچي الناس ما ترحم شكلك انتم ابيت واحد و بعد تعرف شنو يحجون الناس...
ابوي: والله يا عمي ما اعرف شنو اكلك حقك والله حقك، يعني هسه انت شنو تريد ما فهمتك يعني تريد تضل هنا بغداد؟
حوراء: خفت لا امير ايكول اي لان اذا كال يعني محد راح ايروح وياي و دراستي وكل شي جنت احلم بي راح يروح..
امير: اي عمو.
ابوي: بس يا..
حوراء: قاطعت ابوي وكلت لامير.. ليشش امير ليش منو الي وعدني وكال اني راح اضل وياج و اني اخليج تكملين منو كلي منوو؟؟
امير: صح اني كتلج هيج بس لا تنسين ترا 6 سنين دراسة حوراء؟؟
حوراء: اي وشنو يعني؟
امير: شيكولون علية الناس عايش وياج بنفس البيت 6 سنين؟؟؟ متت، تزوجت، تمرضت، شلون؟؟
حوراء: ضليت ساكتة..
امير: عمي مثل ما كتلك اني جايك من الشباك واريد اطب منك طلب ويبقى بعد الكلام يمك كيفك ترفض لو تقبل
ابوي: كول عمي
امير: اني اريد اتزوج حوراء على سنة الله ورسوله
حوراء: لحضتها اني معرفت شنو اكول لساني صار ثكيل اجمدت بمكاني.، شفت عمي حيدر باوع لامير بستغراب حسيتة ميدري انو امير راح يخطبني.. الكل ضل ساكت وابوي ضل ايباوع لعمي واني عين على ابوي وعين على امي حرفيا صارت بس نضرات..
امير: عمي ما اريد امدح بنفسي بس اني ما ناقصني شي وحرواء بنت عمي واني اولى بيها وهم هيه ما ناقصها شي فه اريد اتزوجها على سنة الله ورسولة وهم حوراء تكمل دراستها واني وياها ومحد يكدر افك حلكة ويحجي اي كلمة بحقها مو حلوه.. لان هيه بعد تصير حلالي.. وشكد تريد المهر تشلع عيوني وانطيهم ووعد لخليها تعيش بعز و احطيها ابين عويناتي و ما اخلي شعراية تاذيها.
أنت تقرأ
حبك وطن
غموض / إثارة"قصة حقيقية" قصة با اللهجة العراقية فتاة في مجتمع لو علمو أنك تحلم حلماً جميلاً لاًيقضوك من نومك ، تحاول العيش بحرية بين شيوخ العشائر وتكسر جميع القيود و العادات والتقاليد و تسعئ الئ تحقيق حلمها وان تجد الحب الحقيقي التي طالما حلمت به ولكن توجد صع...
