حبك وطن

بارت ثلاثة وعشرون

حُبك وطُن
بقلم زيَنب الـ تميم

بسم الله

شفت باب المطبخ مفتوح
.. يا هذا منو ناسي اريد اسده جالي هو بارد فتحت باب المطبخ اريد اشم هوى اختنگت.
ما حس الا واحد حاوط خصري من ورى
ليش سويتي هيچ حوراء ليشش !!
نزيت دُرت وجهي شفت امير بس مو امير لكلك واحد ثاني معرف شبي يطوطح بكوه سندتة علية..
.. امير حَبيبي شبيك، ما رد علية سندتة علية بكوه يمشي.. امير بس عاوني خل اصعدك لغُرفتك صعدتة لفوك فتحت الغُرفة مالتة وذبيتة على الجُرباية نزلت جوه لكيت با البستان محفظتة وموبايل لان اذا عمي حيدر لو جدي كعد وعرفو امير رجع هيج للبيت راح ايكلبون الدنيا رحت صعدت فوك لغُرفتة حطيت موبايلة يمة و شفتة ايون ما اعرف شبي
.. امير شبيك حبيبي شمسوي بنفسك، فَتح عينة بكوه وبسرعة كام راح للحمام الي با الغرفة وضل يتقيى رحت ركضت للحمام
.. امير شبيك عمري بيك شي
.." بكوه يحچي " أشر بـ اصابعة على الباب.. ط. ططل
. طلعي برا
.. ما راح اطلع كُلي شبيك ليش راجع بهذا الوكت وكاعد تتقيى امير مريض بيك شي اكعد عمي؟، هو بس يتقيى اوف ياربي غسلت وجهة وسندتة وصلتة للچرباية
.. امير تريد عصير مي؟ شتريد شنو يوجعك، اشرلي طلعي برا كمت طلعت نزلت جوه كعدت ادور با الادويى على حباية مال تقيئ ضليت افتح العلاليك عشر علاليگ ادوية شوية مال بيبي ومال جدي واخيرا لكيت حبوب مال تقيئ مجوده با الثلاجة واخذت وكلاص مي ياربي هذا شبي و صعدت فوك فتحت الباب تقريت علية لكيتة نايم كعدت تربعت يم راسة
وضليت اقرا ايات علية ما حَسيت بروحي الا ونمت يمة..

الصُبح
الشيخة فُضة "جدتي" : يمة مروة كُومي كعدي حويره ختسوي ريوك لجدج عدنان جاين جماعتة مسيرين علينه وكُليليها جدي اليوم عنده عزيمة خلتكوم من هسه تحضر وانتِ وياها
مروة: صار.. كُمت غسلت وجهي صعَدت فوك با المخزن ماهية ياا هاي وين ولت دخلت لحمام الطابق الثاني اشو هاي مهي نزلت جوه حبوبة.. حبوية (بصوت شبة عالي)
فُضة: ها يمة
مروة: حوراء مهي
فُضة: شوفيها يمكن با الحمام شي
مروه: دورت الطابق الفوك كُلة ملكيتها
فُضة: صخام هاي وين وراحت ولج ياسة تعالي لية يمة بنت اخوج مهي شوفيها وينها
ياسة: صار يمة.. صَعدت فوك ماهي طلعت للبستان مهي ، يمة مهي دورت فوك وجوه كله مهية يمة خاف شردت
فُضة: مريوة يمة روحي ليدج صيحيلة بساع
مروه: صار حبوبة.. رحت للُضيف صحت من روى الباب
جدي عدنان
الشيخ: دز واحد من العمال.. روح شوف شيردون وتعال
.. صار شيخ،، شوية واجة، شيخ ايكولون شيحة فضة تريدك ضَروري تكول جنت حيدر شردت
.. كُلهم جاي
.. صار
الشيخ عدنان: عن اذنكم شوية الجماعة يردوني، بوية حَيدر تعالي وراي
.. صار بوية
الشيخ: (بصياح) شنووو شردت شكاعدين تحجون
حيدر: شكو شصاير
عدنان: حرمة ابنك شارده مهية
حيدر: بوية شنو هذا الحچي متاكدين
ياسة: اي متاكدين دورنة كُل البيت ما لكيناها
عدنان: شنووو ما لكيتوهاااا، روح حيدر ودي جماعة ادورن على هاي ***** بسرعة، گض راسة
ياسة: ولج مريوه روحي جيبي مي لجدج ارتفع ضغطة من وره هذيج روحي ولج
مروه: صار يمة
حَوراء: فتحت عيني لكيت روحي شابكة امير ونايمة اوفف شنومني هنا همزين بعده نايم ما كعد وشافني اريد اكوم سمعت اكو صياح با البيت يا ستار شصاير فتحت الباب على كيف لا امير يكعد و بسرعة نزلت اباوع لكيت جدي لازم راسة ويمة شيخة و جدتي فضة وياسة ومروه.. وياسة تكُلة بوية اهدء يلكوها لهل التايهة وين تشرد،،
.. صباح الخير
عدنان: رفع راسة لج وين جنتِ
.. ب.. ببا الغُرفة
مروة: اني صعدت ودرونا البيت كُلة ما لكيناچ وعبالنة شارده
فضة: ولج كولي وين جنتي
.. ب.. بغرفة امير
عدنان: شني؟؟ بغرفة امير
ياسة: ايا جسرة والها عين تنام يم امير
.. ترا هو زوجي
عدنان: تاكلين تبن يا سگط واجة لزمني من شعري.. ويحچي بين سنونةة، لچ اني مو كُتلچ انتِ هنا لا تحسبين روحچ من هاي العائلة كتلچ لو لا احچي شنوو مثلا تردييين تصيرين حامل من اميرر عمود بعدين تثبتين مكانج؟؟ والله تحلمين والله
ياسة: عوفها بوية لا تتعصب علمودها
عدنان: اسمعي لچ غُرفة امير اذا دشيتيلها والله اطلعچ منها جنازه فاهمة
.. ف.. فاهمة بس عوف شعري الله ايخلك.. عاف شعري بكوه
عدنان: سمعيني ولچ تحلمين تصيرين مرت حفيدي امير والله تحلمين هذا حَفيدي الاول الشيخ من بعدي تجين انتِ الساقطة تريدن تصيرين حرمتة والله تحلمين، خليها ترجية باذچ انتِ هنا خدامة تشتغلين تخدمين ننطيچ علف وتخمدين لا عبالچ تصيرين مرت امير سمعتيني؟؟؟
.. سس.. سمعتك
عدنان: يلة ولي ولييي، سمعي مروه ترحين تكعدين امير وتكُليلة شوي ويجيني للمضيف
مروه: من عيوني شيخ