This chapter is dedicated to you missbossmaiden. Sorry for the late dedication!
FAYE
"NEWS: Kin Allister is currently in the emergency room, there is no news on his condition at the moment, while his family is currently on their way."
Napatulala ako at hindi alam kung ano ang dapat gawin. Ano nga ba dapat ang kailangan kong gawin?
"Ay, family war na naman ba 'yan?"
"Huh?" Napalingon ako kay Sebastian dahil sa sinabi niya kaya napatingin din siya sa akin.
"Ganito kasi 'yan, muntik nang pabagsakin ng mga Allister ang mga Vejia noon." Aniya habang nakatingin sa akin.
Vejia...
Ngayon ko lang ulit narinig ang salitang iyon. At sa tuwing naririnig ko ang salitang 'yon, bumabalik lahat sa akin.
"Bakit?" tanong ko.
"May ginawa ang mga Vejia noon sa unica hija ng mga Allister na si Erin," sagot ni Ryuu habang nakatingin sa TV, malungkot ang mga mata niya.
"Kinalaban nila ang mga Allister," dugtong ni Dwayne. "Mga tanga, e."
"Buti nga naawa pa ang mga Allister sa mga Vejia, e. Pinalampas pa nila dahil hindi pa nagsasalita si Erin at wala pa yatang ebidensya na makakapag-diin sa mga Vejia." Ani Yvo.
"At isa pa, nawawala si Erin. Hindi pa nakikita hanggang ngayon," sabi naman ni Kleon.
"Ano sa tingin niyo?" Napalingon kaming lahat kay Ethan na gising na pala, kinukusot pa ang mga mata. "Yung kapatid niya kayang naaksidente ang pagpapabalik sa kaniya?"
Walang nakasagot sa kaniya.
Hindi ako makapag-salita, napalingon ako kela Stacey na ngayon ay naaawang nakatingin sa akin. Katulad ko, hindi rin nila alam ang gagawin nila.
"Trending sa twitter si Kin ngayon." Napailing si Dwayne habang hawak ang cellphone. "Si Erin din."
"Lagi naman silang nagt-trend," natawa si Ashton.
Napatingin ako kay Ellaine na lumapit kay Dwayne at tumabi sa lalaki, sumilip siya sa phone ni Dwayne. Nanlaki naman ang mga ni Dwayne habang nakatingin sa kaibigan ko.
Lumapit ako kay Ethan at ngumiti. "Ayos kana?"
Sunod-sunod din siyang tinanong ng mga hunghang.
"Ayos kana talaga?"
"Ampunin kita!"
"Gusto mo pagkain?"
"Tulog ka ulit baby ko!"
"Libre kita!"
Ngumiti siya sa amin at tumango pero nang tingin niya ako sa mga mata ay agad na naglaho ang ngiti niya.
"Bakit ganiyan kalungkot ang mga mata mo?" tanong niya.
"Ha?"
YOU ARE READING
Battle of the Past (Seule Fille Series #1)
RandomSEULE FILLE SERIES #01 [ COMPLETED : UNDEDITED ] Battle of the Past - a woman who has experienced trauma and pain in the past. - Naranasan mo na bang pumasok sa Section ng mga lalaki? Paano kung ikaw lang ang babae? Kakayanin mo ba? Faye Katherine...
