A Western Doctor's Happy Farming Life 1[Myanmar Translation]

Chapter 64

ထိုသို့ကြားသော် လိုင်ဖူ ရယ်လိုက်မိ၏။
"မင်း စီးပွားရေး လုပ်ဖူးသလား?စီးပွားရေးသမားအနေနဲ့ ငါကမင့်ထက် ပိုပြီး ဈေးဆစ်တော်လိုက်ဦးမယ်"

ရင်းလောင်ဆန်း လိုင်ဖူ၏စကားအား သဘောတူစွာနှင့် ခေါင်းပြငြိမ့်ပြပြီး ဆက်ပြောသည်။
"ဒါပေါ့ ငါက မင့်နဲ့ယှဉ်ရင်တော့ ဘာမှမဟုတ်ပါဘူး။ဒါပေမယ့် မင်းက ဒီနေ့ လုပ်စရာအများကြီးရှိနေတာလေ ၊ အဲ့ထက် သာ့ဟူရှုံးတိက စကားပြောကောင်းတဲ့သူမှ မဟုတ်တာ။မင်းတစ်ယောက်တည်းပဲ တစ်ချိန်လုံး လိုက်ဈေးဆစ်နေရမယ်ဆိုရင်တော့ အကြံကောင်းမဟုတ်ဘူးထင်တယ်နော်။အသေပင်ပန်းမှာ။မဟုတ်လို့လား?ငါက ဒီတာဝန်ကို ယူထားပြီဆိုမှတော့ သေချာပေါက် ကျေပွန်အောင် လုပ်ရမှာပေါ့။ဘာလို့ ငါ့ကျတော့ မလုပ်ခိုင်းပဲ မင့်တစ်ယောက်တည်း အကုန်လိုက်လုပ်နေရတာလဲ?"

ထိုသို့ပြောရင်း ရည်မှန်းချက်ကြီးသည့် ကြက်ဖ တစ်ကောင်အလား သူ့ရင်ဘတ်နှင့် သူ လက်နှင့် ပုတ်ပြလိုက်သေး၏။

ရင်းလောင်ဆန်းသည်  ရိုးရိုးသားသား ပြောနေခြင်းမဟုတ်မှန်း လိုင်ဖူသိသော်ငြား သူ ပြုံးပြကာ ခေါင်းငြိမ့်လိုက်သေးတုန်းပင်။
"ဒါဆိုလည်း ကောင်းပြီ။ ကောင်းကောင်းမွန်မွန် လုပ်ပြီး မင့်ရဲ့အပြစ်တွေ ဖာဖို့ အခွင့်အရေးတစ်ခုပေးလိုက်မယ်"

ဝူသာ့ဟူကတော့ ဘေးတွင် တိတ်တဆိတ်သာရပ်နေ၍ သူတို့အား ကြည့်နေခဲ့သည်။နောက်ဆုံး‌တော့ရင်းလောင်းဆန်းဆိုသူသည် ဘာမှရေရေရာရာမလုပ်ပါပဲနှင့် အဘယ်ကြောင့် နာမည်ကြီးနေမှန်း သူသဘောပေါက်သွားရ၏။

စကားပြောကောင်းတဲ့သူတွေ အရာရောက်ကြတာပဲ!

ကံကောင်းစွာနှင့် သူ့မှာ ရင်းလောင်ဆန်း၏ ရည်ရွယ်ချက်အား သိရှိပြီးဖြစ်ရာ ထို 'ရင်း'အကောင် နောက်ထပ် ဘာထပ်လုပ်မည်ကို သူမစိုးရိမ်ပါပေ။မကောင်းတာတစ်ခုခု လုပ်ရဲခဲ့လျှင်လည်း ဝူသာ့ဟူ သူ့ကို သတ်တော့မသတ်ပေမယ့် ထိုအစား ချန်ထားခဲ့ရန် အဖွဲ့ကို အကြံပေးလိုက်မည်။

သုံးယောက်သား အတူတူ မြို့ထဲရှိ အကြီးဆုံး ဈေးသို့သွားကြလေ၏။ပထမအကြည့်တစ်ချက်မှာတင် သားကောင်များ သားမွေးများ ရောင်းနေသည့် အမျိုးမျိုးသော စီးပွားရေးသမားများကို တွေ့ရသည်။