ليطمئن قلبك

#الاكتئاب_

اولا نبدا بالصلاه ع رسول الله عليه افضل الصلاةوالسلام..

عز الحر لما تفتح الدش وتقف تحت الميه فتره طويله بتلاقي صوابع رجلك وايدك كرمشت.. جسمك تحس انو بيبوش.
سيدنا "يونس فضل ٣ ايام جوه بطن الحوت.. مكتئب.. مغموم.. خايف.. مدفون جوه قبر.. ربنا قال عنه ف كتابه:
( فلولا انه كان من المسبحين للبث ف بطنه الى يوم يبعثون)..
تاخد م الايه دي ان الدعاء بيغير القدر لان ربنا قال لو مكنش دعاني كان هيفضل ف بطن الحوت لحد يوم القيامه.. فبمعني ذالك ان الدعاء بيقلب الموازين.. بيغير الاقدار.. طيب اي الدعاء اللى سيدنا يونس قاله؟. مذكور فى القرآن ان سيدنا يونس نادي وقال(فنادي فى الظلمات ان لا اله الا انت سبحانك اني كنت من الظالمين) بعدها جاله الرد الالهي. التخليص من اكتئابه الحوت طلعه من بقه ورماه ع الشط وكان جسم سيدنا يونس بايش.. شوف كميه الحنان ف الايه دي( وانبتنا عليه شجره من يقطين)  تخيل كده الشجره وهي بتطلع جنب سيدنا يونس من اجل انها تظلل عليه.. لان الشمس لو لمسته وهوا بالشكل دا ممكن يموت والجراد والحشرات الاخري كانت هتتلم حواليه وتأذيه....

الراجل الافريقي الاثيوبي" بيلاشوا غيرما" كان عنده ٥١ سنه.. معاه ماجستير فى علم النفس والاجتماع وكان بيدرس للطلبه ف الجامعه من حوالى ٢٢ سنه مراته جالها مرض خطير وماتت بسببه.. اخينا دا بقا دخل ف نوبه اكتئاب حاد وبدأ يشرب خمره ومخدرات بطريقة يشعه لا ومش كد بس دا حاول الانتحار اكار من عشرين مرا من حزنه على مراته اهمل ف حق نفسه، وطنش الاهتمام باولاده وتربيتهم بقي يمشي بهدوم مقطعه وينام ف الشوارع ع راي المثل حاله بقا يصعب على الكافر، كان عايش ف عاصمه اثيوبيا"اديس أبابا" اهل المدينه اطلقوا عليه لقب المتشرد المكتئب المجنون!...
وف يوم راح بيته.. بيبص لنفسه بالصدفه ف المرايه.. اتعجب واندهش!. معقول ده انا؟!. اكيد شخص تاني.. مسك دقنه بايده وبدا يقرب من المرايه اكتر.. جرب يضحك.. لقي ضحكته لذيذه.. خصوصا انه اسمراني والسمر معروف عنهم حلاوه الضحكه من اللحظه دي خد قرار انا لازم اغير حياتي من تكشير واكتئاب، لضحك وانبساط ومش هبسك نفسي لوحدي لا.. ده انا هعمل مدرسه ف العاصمه واسميها (مدرسه الضحك) انك تدخل المدرسه دي تنسا همك ومشاكلك كل المطلوب انك تضحك...
المدرسه فعلا انتشرت فيها البهجه اصوات الناس بدأت تعلى الناس بتدخل تتبسط الجزاء من الجنس العمل بيلاشوا بقي اسعد الناس اتقلب حاله ١٨٠ درجه وعشان كده اعظم علماء النفس قالو اذا اردت ان تخرج من حاله اكتئاب، اسعد كل يوم شخص لمده ١٤ يوم..!.

تعرف ان ٢٥٪ من نساء العالم تقريبا عندهم اكتئاب واكثر من ١٥٪
من الرجال عندهم اكتئاب!.. كتير من الاكتئاب بيجيلك ع هيئه شخص قارفك ف عيشتك والسبب اللى مخليك مستمر معاه انك بتحبه الحب لو هيهينك ويوجعك قلته احسن وزي ما بيقولو ف الامثال الصباع اللى يوجعك اقطعه!.
ايامك شكل بعضها الروتين والتبلد طريق مختصر للكابه حابس نفسك ف قمهم ليه؟! اخرج الله يهديك غيؤ جو وشم نفسك التفكير عامل زي الوحش الل بينهش ف قلبك وصحتك وبيوصل للاكتئاب!.  حاول تشغل وقتك ومتقعدش لوحدك بحيث ماديش فرصه للتفكير يستفرد بيك ولما تحس نفسك اتخنقت او مكتئب قول الدعاء دا الرسول محمد صلي الله عليه وسلم صلي عليه بقا.. كان داخل المسجد لقه واحد من صحابه قاعد مكتئب ومغموم الصحابي كان اسمه"ابو امامه"
النبي عليه الصلاه والسلام متصلي عليه...  قالو: ياابا امامه مالى اراك ف المسجد ف غير وقت الصلاه؟.
قال:  هموم لزمتني وديون يارسول الله هموم فوق كتافي متقلاني وحرماني من المتعه بالدنيا وديون ارهقتني من كترها وقله قدرتي ع سدادها..
النبي قاله هقولك دعاء يبعد عنك همك ويقضي عنك دينك كلمتين يمحو همك زي المسحوق قاله بلى يارسول الله صلي عليه بقا..
قال:  قل اذا اصبحت واذا امسيت اللهم اني اعوذ بك من الهم والحزن، واعوذ بك من العحز والكسل واعوذ بك من البخل والجبن واعوذ بك من غلبه الدين وقهر الرجال!..

ربنا مش بيحب حزن النساء هقولك لي قال ف القران(ولا تخافي ولا تحزني)  وقال تاني(فناداها من تحتها الا تحزني)  حتا النبي لما كان ف الغار قال لصاحبه (لاتحزن ان الله معانا)
معني كد ان وقت لما تتخنق او يحصل معاك اي مشكله متفضلش تقول انا السبب او تشتم وتدايق ف روحك ونفسك لي ونت ف ايدك المصباح السحري اهه زي ما بقولك معاك الدعاء والاستغفار لي متدعيش الدعاء بيغير اكيد واستغفر الاستغفار دا زي الدوا والعلاج بالظبط ممكن تكون انت مش عاوز حاجه بس صدقني ربنا اكيد شايفها خير ليك عشان كد بيختبرك ف ارضي بقضاء ربك عشان ربنا ميغضبش عليك..

الكتمان..
كتمانك دا هوا الل هيموتك بحسرتك واكتئابك! جيت ع نفسك كتير اوي ف كفايا لحد كده ينامو ف احلى نومه وانت او انتي تسهري تفكري ف تصرفاتهم الجارحه اللى وصلك لحاله ما يعلم بيها غير الله.. دا حتا حرام!
الاكتئاب بيشبب الشيخوخه المبكره وضعف ف الضهر والرقبه وسرعه الغصب واليأس وقصر ف العمر انت ما تستحقش تكتئب لان من وجهه نظري الشخصيه اغلب المصابين بالاكتئاب بيبقو اطيب واغلب خلق الله والله. 
ربنا سبحانه وتعالى مش حابب ياخد من الواحد ومايديش ظه بياخد بس عشان يعطي الحاجه الحلوه اللى متأذيش وزي ما قالت (احلام مستغانمي) لعلك فقدت الشخص الذي كنت تعتبره نجم ف السماء لان الله كتب القنر من نصيبك..

بصي يبنتي ويبني بقا عشان انا هبط..

ارضي بمقسومك وتاكد تماما ان الخير جاي من وسع.. بتفكر انها ضاقت لاكن هتتفاجي انه بيطلع قلب المحنه منحه الحسن ابن الهيثم اكتشف علمه وهوا مسجون ف الضلمه!..  بتخسر حاجه لان وقتها ربنا بيدبرلك من نصيبك حاجات احسن تكسبها.

     ياصديقي لو عرفت ربنا بيدبرلك ايه ف علم الغيب هتبكي زي الطفل من شده السعاده والفرح ربنا كريم لما بيعطي بيدهش ويذهل من كتر عطائه اقسملك بربي... هيعوضك.. ربنا بيعوض والله بيعوض بس اصبر وادعي وقرب م ربنا اكتر وباذن الله ربنا هيجبر بخاطرك ويسعدك ويفرح قلبك يارب..

حد حلو زيك يكتئب برضو😂♥

متنسوش تصوتو للبارت عشان انزل الا بعده واكتبولى رايكو ف البارت د وشكراا للتقديرر♡.

متنسوش تصلو ع النبي عليه افضل الصلاه والسلام♡.