ليطمئن قلبك

تاني بارت من دبله_الخطوبه

_اولا نبدا بالصلاه على النبي اللهم ما صلي وسلم عليك يا رسول الله..

عادي جدا متبقوش شبه بعض ودماغكم مختلفه ومايحصلش قبول او ميحصلش توافق.. بتحصل عادي لاننا مختلفين بطبيعتنا فده مش عيب فيك او فيكي، وممكن تقعدو تاني وتدوا لبعض مساحه من التعارف والكلام، وفكري مره واتنين وعشره قبل ما تاخدي اي قرار. والحب بيجي بعد الجواز عادي جدا.. اهم شئ متصنعوش لان ده بيبان.. ما ترسمش نفسك وانت م جواك مرقع!. عشان ده هينزلك من نظرها جدا، وكذالك انتي.
ثانيا بقا: طبعا مينفعش تقولها لازم يكون اكلك زي امي!  نظافتك زي امي!. هي مش امك وعمرها ما هتبقي امك.. كل انسانه مختلفه عن التانيه فياريت ماتحملهاش فوق طاقتها..

ثالثا بقا والاهم"الكرامه"..  مين قال ان الحب مفهوش كرامه!..  كل انسان يلزم حدوده.. على راي دكتور كان بيقول: كرامتك حياتك.
وربنا بيقول(ولقد كرمنا بني ادم).. فأوعي تسمحي له يهينك او يغلط فيكي او يطلب اي شيء منك انتي كويسه وبعقلك وعارفه بتعملي اي وعارفه ربنا كويس عشان متندميش ف الاخر.
افرضي متقدملك اكتر من واحد ومحتاره بينهم.. حطيهم ف مقارنه: اخلاق.. اسلوب.. مستوي اجتماعي... شكل.. وهكذا صلي استخاره وممكن جدا ولا واحد يبقي مناسب فيهم.. مافيهاش حاجه عادي.. حتي ولو كان مين ماتقبليهوش لو مارتحتيش.. مش عشان صعبان عليكي تتجوزيه ومتعرفيش تتعاملي انتي تعملي لنفسك لقدام مش ف الحاضر الل انتي فيه.

انت كذالك قيمها.. اتجوز اللى تحس انها بيت ووطن.. طبعا قريب لقلبك.. شخصيتها.. دمها.
ربنا سهل ووفق وعشان كد قولتلك بنت من نفس طينتك عشان يكون ف توافق وطلباتهم ماترهقكش.. ربنا سهل وتم الاتفاق مبروك ياعريس.. الله يفرحك يعروسه.

كتجربه شخصيه كنت بمر بأسوء فتره فحياتي قبل الخطوبه.. ولان النصيب غلاب.. خطبت... ووقتها افتكرت النبي(ص) ف عام الحزن لما ماتت زوجته وعمه ابو طالب فحزن النبي حزن اليم.. ولان ربنا رحيم ارسل اليه ف رحله الاسراء والمعراج وصعد النبي للسماء وقابل الانبياء وربنا طيب خاطر النبي وقابله، والنبي ف روايات كتيره لعلماء المسلمين قالو ان هوا رأي وجه الله.. وكأن ربنا لم يرض للنبي بالحزن وان السيئه تمر بدون راحه وتهوينه علي قلب النبي.. انقلب حاله الى سرور بلذه النظر وجه الله الكريم ودا يفسر ايه (ان مع العسر يسرا).
النبي بيقول "تهادوا تحابوا".. حببي اهل خطيبك فيكي.. بعد خطوبتي فوجئت ان خطيبتي جابت لاهل بيتي، وبتتودد ليهم.. فبدأوا يحبو قربها والكلام معاها فحاولى تحببي اهل خطيبك فيكي هديه حلوه مش شرط تمنها، ممكن قيمتها وشوفي حد بيحب ايه او نفسه ف اي وهاتيهوله.. ما عادا الهدايا اللى تخليكي تفلسي.. طبعا.. وانت كذالك هادي اهل خطيبتك وربنا يوسع عليك طبعا دا ميمنعش انك تهاديها.. هات ورد الورد بيفرق جدا عند الست اه والله زي ما بقولكو كد.. افتكرها بالشكولاته مثلا حسسها انك فاكرها حتي لو مش معاك.. هينمي حبك جواها عل فكرا
حسسها انك ليها.. ماتبقوش خارجين مثلا او قاعدين وانت فاتح النت ومطنشها.. ده بيحرج جدا علفكرا لازم يكون جسدك وعقلك معاها مش جسدك بس.. قدر تتقدر تكسب محبتها.

نروح بقا لحتت النكد اكتر الناس بتقول ان الست بتحب النكد والشغل داا
.." النكد ".. مافيش ست نكديه ومش جميله ومش مرحه ومافيش راجل مقعد وعصبي ومش جدع.. بس لكل ست راجل معين ولكل راجل ست معينه.. الراجل هوا مرايه الست الل بتشوف فيها نفسها فلا بد تمسح تراب الغشاوه اللى عليك بحيث اكون اللى معاك ف قمه الحيويه.. احترامك.. تقديرك.. كرمك.. احتواؤك.. جدعنتك.. دا كلو هيخلوها تكون اعظم ست ف الدنيا لو هي فعلا بتحبك، وهتحبك وهي نفسها ماتعرفش بتحبك ع ايي.. الحب ما بيعرفش مكان ولا زمان ولا حتا شكل.. الحب تواصل ف ملكوت الله وانتي حاولى وقت عصبيته تمتصي غضبه زي الاسفنجه! مايبقاش غضبه يشبه عربيه الل جايه باقصي سرعه وانتي تقابليه زي الكوبري الخرسانه وتدشتشيه لابد ان تكوني زي الاسفنج.. الرمل تقابليه بهدوء لو ضغطنا ع الطماطم هنتفجر.
مافيش اجمل من البدايات ف اي علاقه.. وما تتوقعش ان الحب مستمؤ اكتر من الاحترام بينكم والتقدير وانكم تعدوا لبعض.. ولما بكي الشيخ" سلمان العودة"ع وفاة زوجته بقهر قال: لا ابكي على موتها فالموت حق ولاكني ابكي ع انها منذ "٣٣" عاما ما قلت لها يميناا فقالت شمالا_رحمها الله"
قريت ان بنت سيدنا "عمر بن الخطاب" راحت له وقالت له انها مابتحبش جوزها وعاوزه تطلق منه.. سيدنا عمر ابتسم وكلمها بكل هدوء وقالها عسالك ٣ اساله مالهمش رابع.. وجاوبيني بكل صدق..
اول سؤال قالو؛ جوزك بخيل؟.. قالت له: ابدا والله مافيش اكرم منه عليا وعلي بيته
قالها جوزك بيضربك او يشتمك اويهينك؟  قالت ابدا والله عمره ما غلط فيا ولا داسلي طرف ولا جرحني ودايما بيتكلم بالحسنى!.
قالها طيب مابيقربش ليكي؟.(يقصد العلاقه الحميمه بين الزوج ومراته مقصر فيها) قالت له ابدا والله مافيش ارحم ولا اهدي منه ولا عمره قصر معايا.
قالها ارجعي بيتك وعيشي لجوزك مش هتلاقي احسن منه.
الحب مش كل حاجه.. الحب ساعات بيهينك ويقل منك لو مع شخص مابيحترمكيش.. ياما بنات بتنام معيطه بعد ما بتسمع كلام زي السم وشتايم من ال حبوه كل ليل.. الحب من غير احترام مايسواش مليم احمر.. لو مع شخص  مابيحترمكيش قبل ما يكون بيحبك يبقي انت مع الشخص الغلط.. انسحب فورا.!.  ربنا لما قال ف القران الكريم قال على زوجه عزيز ف مصر(قد شغفها حبا).
حبت سيدنا يوسف بشغف وطلبت تزني معاه..  لكن لما ذكر العلاقه الصحيحه قال (وجعلنا بينكم موده ورحمه).. العيش والملح والعيال والعشره والمواقف الصعبه اللى بتعرفك معدن اللى قدامك هي الل بتوصل للموده والرحمه وبيخرح من رحم الموده والرحمه الغشق والجنون ببعض لان فيه احترام بينكم..

ياما بنات ماعدتش ال ٣٠ وتحسهم عواجيز من خيبه امل قلوبهم وقله بختهم ف الحب عشان كد المثل قال خد الل بيحبك متاخدش الل بتحبيه لان الل بيحبك وبيحترمك بجد عمره ما هيحي عليك بالعكس هيبقي ف صفك وجيشك اللى تتحدي بيه العالم بحاله (ف ناس الحب بيحليها وناس الحب بيطفيها)

♡ربنا يرزقنا باللى ما يعجزناش واحنا لسه ف عز شبابنا.. والف مبروك وربنا يتمم بخير ان شاءلله ويهدي سركم ياقادر ياكريم♡
ان شاءلله البارت الل جاي هيبق جميل جدا😂💕
متنسوش تتفاعلو بيفرحني جداا 💕🍭.
(السلام عليكم).