ليطمئن قلبك

#التفاصيل_

اولا نبدا بالصلاه ع رسول الله💕

ف موقف جميلل اوي حصل وهوا ان صديقي وهوا لسه ف فتره خطوبته بس كان كاتب كتابه.. بيكلم خطيبته وقالها نفسك ف اي الوقتي؟. قالتلو:  نفسي ف شبسي وبيبسي.. كان الوقت اعتقد ١بعد نص الليل.. قفل الخط معاها وخد عربيته وجاب كرتونه شبسي وكرتونه بيبسي.. راح لحد باب بيتها ف محافظه تانيه، وسابهم الساعه ٣ الغجر وكلمها وقالها اخرجي ف حاجه قدام باب بيتك ف حاجه خديها... وروح..
اتجوزها وخلف منها ولسه لحد الان لما بيسالها عن احلى لحظه عاشتها معاه بتقوله: يوم ما جابلها الشبسي والبيبسي الفجر.. العبقري اختار لحظه مميزه ووقت مميز لحظه ميقومش فيها ويعمل حاجه غير الل بيحب بجد عشان تفضل فاكراها..

الناس دي فعلا اختاروا الوقت الصح.. الوقت الل يعلم وميختفيش من القلب والعقل بسهوله.. التفاصيل بتعرفك قد اي الشخص اللى ف حياتك بيحبك ولا لا.. بتزود عمليه الاطمئنان الداخلي.. ما هوا اصل البني ادم لما بيطمن (بيحب) ♡

(الحاجه الساقعه لو سخنت ما بيبقاش ليها طعم)
(الدواء ما بيجبش نتيجه لو جه بعد ما العيان قابل وجه كريم)
(الجدعنه ماتبقاش جدعنه غير وقت الشده)
(الرد ع الرسايل مابيبقاش له قيمه لو جه متاخر)

      {الكلمه، الحضن، المواسأه، الرد، الاحتواء،  التهوينه
      جبر الخواطر،} 

كل حاجه وليها وقتها وتفاصيلها لو اتاخرت لحظه تفقد قيمتها ومعناها..
متحاولش تبقي مهمل ف الامور دي لانها جدار العلاقه ي اما تثبتها وتسندها ي اما تقضي عليها بالبطئ..
خليك حسيس الله يباركلك، واحفر حبك وانحته ف قلوب حبايبك بتقديرك واهتم بتفاصيلهم ووجودك ف الوقت المناسب.. عشان متخسرش حد بيحبك بالبطئ وساعتها تندم بعد فوات الاوان..!  على رأي الشيخ الشعراوي (ان تمنيتم شئ فتمنوا ان الله لا يريكم الله قيمه الاشياء بعد زوالها)..

بارت صغير بس فيه حاجات كتيرر للى فاهمها متنسوش التصويت عشان بيفرحني💕
شكرا جداا لل بيتفاعلو💕
السلام عليكم