ليطمئن قلبك

#المجازفه_

_ هحكي قصه بتلقائيه تمام..
كان ف واحد اسمه محمد.. محمد كان معجب بواحده اصغر منه بسنتين معنا في الكليه ولان طبعا الحب يعني جسمك يتلبش لو شفته اللي بتحبه وتقول يا ارض انشقي وابلعيني ونظراتك كلها مخطوفه ونسبه الغباء عندك تتعدى نسبه غباء اي بني ادم تاني... وتضحك.. هطل. ونهرش راسك وترتبك.. تقولش شايف عفريت.. محمد لما كان يشوفها فعلا بيحصل له اكثر من كده نفسه يصارحها بمشاعره وخايف من رده فعلها لانه ابن راجل محترم.. حكى لابوه في ابوه قاله كلمها واسالها عن عنوانها ولو قالتلك تبقى موافقه... ونروح نخطبها ومنكسفش نفسنا.....
المهم راح فعلا يعد زق من صحابه وقال لها لو سمحت ممكن اعرف عنوان حضرتك واسمك مردتش عليه ولا عبرته بالبلدي..نفضتله..
كان ممكن يطنش ويقول خلاص!.
راح ل ابوه ابوه.. قال له امشي وراها واعرف عنوانها وكان ممكن يعرف من صاحبتها مثلا بس الست ما تحبش الراجل اللي الجبان خصوصا لو كان في الحب لان الحب الاقوياء وبس...و فعلا مشي وراها وتاني يوم خد ابوه وراح اتقدملها والانسه بعدها بيومين ردت الموافقه  وعرف مع الوقت انها كانت معجبها بشخصيته وحباه... الكلام ده تقريبا من سنتين..

محمد فرحه كان من كم شهر على بنت جازف واجتهد ونجح في دراسته عشان خاطر يطولها وتبقى حلاله...(فعلا الحب للاقوياء فقط)..

_ ربنا سبحانه وتعالى قادر على كل شيء ومن قدرته انه جعل سيدنا سليمان يفهم لغه الطير والحيوانات ويتحكم في الرياح ويحكم الجن والبشر والكل كان بيهابه ويطيعه وينفذه اللي يؤمر به بالحرف...

من عوايد سيدنا سليمان انه بيعمل طابور يجمع فيه كل الحيوانات والجن والبشر وطبعا مكنش في مخلوق يتجرا انه يزوغ ويغيب من الطابور لان سيدنا سليمان عارفهم بالعدد ومكنش سيدنا سليمان بيشوف السحاب والسماء من كتر الطيور في الجو مداريين السماء بعددهم الرهيب.... متخيل!
وفي يوم كان جامعهم فلقى شعاع نور جاي من السماء في طير سيب مكانه...  ليلته مش فايته.. سيدنا سليمان قال انا مش شايف الهدهد وسط الطيور يا ويله لما يجي هعذبه بسبب تاخيره على الطابور او يجيلي حجه قويه تجعلني اسامحه واغفر له...
بعد وقت طويل وصل للهدهد وهو بينهج..
سيدنا سليمان بصله بغضب...
الهدهد بكل ثبات قاله انا كنت ف اليمن وجبتلك خبر مكنتش تعرفه رغم قوتك وسيطرتك... قال
ه في دوله بتحكمها ست وكان اهلها البلد بيعبدوا الشمس والنار والاصنام يسجد لغير الله الهدهد بيتكلم بحرقه وقهر.. معقوله!.
في ناس كده بتعبد رب غير الله سبحانه وتعالى...
الهدهد مقالش وانا مالي ما يتحرقوا انا هاحضر الطابور عشان سيدنا سليمان ميعاقبنيش! بالعكس جازف في حياته وصحته وسافر مسافه طويله واكتشف مملكه كامله ما تعرفش حاجه عن عباده ربنا في عهد سيدنا سليمان وفعلا سيدنا سليمان سيطر على المملكه وكل اهل اليمن عبدو ربنا.. وكل ده بسبب مين؟!
مجازفه  واجتهاد هدهد وربنا كافأه وذكر موقفه العظيم في القران الكريم..

_ الرسول صلى الله عليه وسلم.. قال( ان الله يحب اذا عمل احدكم عملا ان يتقنه)« متفق عليه»

هي الفكره والهدف مش مجرد عمل وخلاص لا لكن عمل بإتقان واجتهاد ومعافره من الاول للاخر بالقوه نفسها بدون كسل.
خليك لما احد يلطشها منك وانت حاططلى ايدك على خدك.. ما بتجازفش ولا تحارب عشان توصل لها وتتجوزها...
يا عم عليك السعي وعلى الله الرزق والتدبير!.. في الوقت اللي انت بتضيع فيه ناس بيصنعو مجدهم..

اللي ما يشربش من بحر التجربه بيموت عطشان..
جازف واجتهد وهتوصل.. والنبي بيقول
اعقلها وتوكل.. كل امورك كلها لله.. وقول.. حسبي الله ونعم الوكيل.
خليك متفائل المتفائل بيشوف فرصه في كل مصيبه الكئيب بيشوف كل فرصه مصيبه نعكش جوه منك عن حلول واي خيط امل والله العظيم ربنا مستحيل يحيى جواك حلم او موهبه او حب ويقتله لو في الخير ليك فشلت 100 مره وايه يعني.
«ايديسون» كان فاشل في المدرسه واطرد منها وحاول يخترع المصباح 999 مره وفشل وكانوا بيتريقوا عليه وفي المره ال 1000 نجح اخترعه وبقى من اعظم علماء التاريخ..
هتوصل انا واثق ان شاء الله اول طبيب في الاسلام كانت امراه( رفيدة) واللي شارك في قتل مسيلمه الكذاب امراه (ام عماره).. النجاح والمجازفه مش مقتصرين على الرجاله فقط ما تتخليش على حاجه ما تخليش حاجه توقفك ولا تخوفك ولا تحبطك اعمل اللي عليك ويكفيك شرف انك حولت اكسر حاجز وشماعه الظروف وكاني وماني اللي دائما بتعلق عليه سلبياتك... قول يارب قويني ويحقق لي املي ويزرع جوايا الامل وخلي جذوره تتمدد في توصل صدقني هتوصل
(مياموتو موساشي) بيقول < لا يوجد شيئا ينقصك حتى تصبح افضل، اقوي، اكثر ثراء، و حتى اوسم، فكل شيء موجود بداخلك بالفعل فقط عليك ان تبحث عنه في ثنايا شخصيتك>
وبكد يكون البارت خلص ياريت تشجعوني اكمل لان بفكر اقفل كتابه ف شجعوني لان هفرح جدا ♡
السلام عليكم ورحمة الله وبركاته ♡♕...