ليطمئن قلبك

#الطف_الكائنات.

ابويا طول عمره كان نفسه اول خلفته تبقي بنت لاكن للاسف خلف ولد اول واحد..  اتصدم ياعيني.. اقول له احمد ربنا دا انا لو كنت بنت ماكنتش هتلاقيلي جوازه.. يمسكني من دقني ويقولى:  تصدق صح الحمدلله.. انا برضه نفسي اول خلفتي تبقي بنت البنت مع ابوها لو رحمها وعلمها وكان عطوف معاها بتكون سبب فى دخوله الجنه.. البنت مع اخوها لو رحمها وبقي صديقها وتفاهم معاها برضه بيكون بسببها رفيق النبي فى الجنه.
_البنت لما تبقي زوجه اكرامها والموده والرحمه بيها بتكون سبب فى دخول زوجها الجنه.. لما تبقي ام وتبرها وتطيعها طاعتك ليها بتبقي سبب ف دخولك الجنه.. لما تبقي عمه او خاله صله الرحم بيها بتكون سبب فى دخولك الجنه
_اول من سجد لله امرأه"خديجه"
_اول من صدق النبي انه رسول الله امرأه"خديجه"
_اول لما النبي نزل عليه الوحي وكان مرعوب وبيجري من الغار اترمي ف حضن امرأة "خديجه"
_ اول من ساعدت النبي ووقف جنبه بأموالها ودافعت عنه بروحها امرأه "خديجه"
_الشخص الوحيد اللى ربنا بشره قبل وفاته يقصر ف الجنه وارسل سلامه ليه أمرأه "خديجه"
_احب الناس الى قلب الرسول الله(ص) امرأه"عائشه"
_مات رسول الله علي صدر امرأه"عائشه"
_اللى بتحارب بالموت وتروح تودي الاكل للنبي وهوا فى الغار مع سيدنا ابو بكر كانت امراه السيده "اسماء بنت ابي بكر"
_الست اللى ربنا سمع جدالها للنبي من فوق سبع سموات ونزل لها سوره مخصوص ف القران الكريم هي: "خوله بنت ثعلبه"  وكانت سوره.. المجادله
_سبب وجوك بئر زمزم اللى بيشرب منه الملايين لحد الان كان عطش امرأه... السيده "هاجر"
_اول الناس لحاقا برسول الله بعد وفاته ورفيقته ف الجنه امرأة "فاطمه"
_يمكن تكون الست مخلوقه من ضلع الراجل لاكن الراجل كله علي بعضه حته من الست.. يكفي ان اخر كلام النبي قاله قبل وفاته كان بيوصي ويقول"استوصوا بالنساء خيرا" رسول الله اتجوز اللى اكبر منه واللى اصغر منه واللى لسه بنت بنوت وكانت مخطوبه قبله واتجوز الارمله واتجوز المطلقه والل ابوها وامها يهود وكانه يبعث رساله لكل راجل فينا ويقول لنا: انا محمد خير خلق الله واتجوزت الست فى جميع تفاصيل حياتها مين انتم عشان تبيعو وتشترو فيها.
الست لايعيبها اهل ولا سن ولا ظروف هي جدار وزوح اي بيت والضحكه اللى بتلون اي تعب عشان كد..
انا نفسي اخلف بنت.