ليطمئن قلبك

#الرياء_والنوايا

الريا انك تكون معجب بجارتك وعشان تخلي ابوها يوافق عليك تروح تصلي في نفس الجامع اللي هو بيصلي فيه وتقف بجانبه في الصف بعد الصلاه تسلم عليه وتوريه شكلك وتقول له «حرماً»...
بتصلي مخصوص عشان تلفت نظره وترضيه عنك مش عشان ترضي ربنا...
بعد فتره تتقدم للبنته وتقول له فاكرني يا عمي..
انا اللي كنت بصلي جنبك..هوا دا الريا اني بعمل العمل عشان الناس تقول عني كويس ويعجبوا بيا مبعملش من اجل ربنا وحده.. عملت الحلو وبدل ما تحط سكر حطيت ملح!..

_النيه هي الل بتحدد قيمه عملك عند ربنا.. هل هيقبله لانه خالص لوجهه الكريم ولا هيرفضه لانك جعلت شريك مع ربنا ف نيتك من عملك؟!..
انك تنفخ البلونه مخرومه.. تحط ع عملك الطيب الصافي زي اللبن نقطه بنزين تعكره لان البنزين يشبه نيتك وقتها.. ان عملك الطيب تعمله من اجل الناس تتكلم وتمدحك عليه معملتوش من اجل ربنا سبحانه وتعالى.. عشان كده لما الشيخ شعراوي الله يرحمه بعد خطبته فى المسجد الناس حاولت تشيل عربيته وهوا جواها من كتر حبهم وتعظيمهم ليه رجع الشعراوي ع المسجد وبدا يمسح التواليت بايده وينضفه... لانه حس ان نيته هتعكر وان هيعجب بنفسه وبكلام الناس ومدحهم وان نفسه بدات تحس انها حاجه، فحب يكسرها ويذلها!...

_عارف لما حد يقولك فلان وفلان مايستووش ف حله واحده.. ولله المثل الاعلي ربنا ميقبلش شريك ف عملك من اجله.. طلعت صدقه اذن اطلع ونيتي ارضي ربنا مش عشان الناس تقول كريم وجدع!..

احد التابعين اسمه (المطرف بن عبدالله) كان ديما يدعي ويقول((اللهم اني استغفرك مما زعمت اني اريد به وجهك، فخالط قلبي منه ما قد علمت))

#اخلاص النيه..

عن عمر ابن الخطاب قال سمعت رسول الله صلى الله عليه وسلم يقول... انما الاعمال بالنياات وانما لكل امرئ ما نوي..

#تعدد النيه..

لو بتأكل مراتك فى بوقها بنيه الحب.. اي رايك لو اكلتها بدافع ونيه الحب وطاعه الله؟!..

روي الترمذي وابن ماجه عن عائشه رضي الله عنها قالت رسول الله صلى الله عليه وسلم (خيركم خيركم لاهله، وانا خيركم لاهل)
نيه ان ما اكرمهن الا كريم، ونيه الصدقه وان افضل الصداقع لقمه يضعها الرجل فى فم زوجته كما قال النبي.. نيه تقوى الله فيها، ونيه الاقتداء بالنبي صلي الله عليه وسلم  فبدل ما تاخد عشر حسنات على عمل ليه ما تخدش ١٠٠ حسنه على الفعل نفسه؟!...

اذن النيه مكانها فى القلب.. فيارب طهر قلبي من ط
كل عمل اعمله ولا اقصد به وجهك الكريم.. واجعلني يالله كما تحب وترضي.

والسلام عليكم ورحمة الله وبركاته ♡

ان شاءلله البارت الجاي هيكون الاخير..