حياة جديدة🦋

الفصل الثاني والعشرون

نور  احكي يلا يا سيف

سيف  هحكي بس توعديني انك تسمعيني للأخر

نور  طيب احكي يلا

سيف بتوتر و مزيج من الخوف  بصي بصراحه كدا انا ..انا

نور  ما تقول يا سيف في ايه

سيف  بصراحه انا مش مسلم او مكنتش مسلم قبل كدا

نور  بإستفهام  معلش مش فاهمه وضح لي

سيف  بصي يا ستي احنا كنا عايشين في دبي،انا يهودي الديانه بس والله مليش دعوه بإسرائيل،واحنا عايشين في مصر ودبي بأسامي مسلمين و بطاقات مسلمه علشان ميبقاش في رقابه ولو حصل انفجار او حاجه ميبقاش مشتبه فينا دايمًا،انا يهودي الديانه قصدي

نور مقاطعه كلامه  يعني انت خدعتني صح

سيف  نور انتِ قلتي هتسمعيني للآخر

نور  مش عايزه اسمع،انت ازاي جالك قلب تعمل كدا،يعني انت ممكن تتجوز بنت مسلمه من غير ما تعرفها انك يهودي

سيف  لا يا نور طبعًا مفيش حاجه زي كدا

نور   انا مش قادره استوعب بجد اكيد انت بتهزر لا الكلام مش بجد

سيف  يا نور انا مش بهزر بس والله انا أسلمت واسألي الشيخ يوسف

نور بصدمه وتوتر  معلش انا محتاجه اكون لوحدي شويه عن اذنك

رحلت نور وتركت سيف حزين...

ظلت نور تمشي وهي في حالة لا يرثى لها وكانت دموعها تنهمر بشدة فأنه حبيبها ولكنه خدعها من البداية...
لم تشعر نور بالوقت الذي مر بسرعة

عادت نور إلى بيتها لتجد سيف ينتظرها على السلم

عند زين...

ذهب إلى ملهى ليلي  وظل يشرب كثيرا حتى فقد وعيه واخذه احد حراس المكان والقاه بعيدا ولم يتسطع ان يقوم وظل نائم بالشارع

عند نور..

سيف  نور خضتيني عليكي كنتِ فين

لم تجيب نور على ما قاله

سيف  ردي علشان خاطري،يا نور صدقيني انا والله أسلمت انت ليه مش راضيه تصدقيني

نور  انت خبيت عليا من البدايه وانا مش قادره أصدق

سيف  اعمل ايه طيب علشان تصدقي

نور  ابعد عني يا سيف بعد اذنك

دخلت نور إلى منزلها تاركة سيف حزين...

ظلت تبكي نور طوال الليل حتي شعرت بألم في رأسها ونامت...

اليوم التالي...

استيقظت نور متعبة ولم تستطيع الذهاب إلى عملها...

عند سيف لم ينم الليل كله وظل يفكر كيف يرجع حبيبته له مره اخرى...

حاول الاتصال بها عدة مرات ولكنها لم تجيب

قام وارتدى ملابسه وذهب الى يوسف...

عند زين..

استيقظ زين وجد نفسه نائم بالشارع ظل حزين على حاله وذهب الى منزله...

وصل سيف إلى المسجد...

يوسف  السلام عليكم ورحمة الله وبركاته

سيف  عليكم السلام

يوسف  خير يا سيف شكلك حزين

سيف  نور سابتني وقالت إن هيا مش مصدقاني

يوسف  لو خير ليك هترجع لك يا سيف...
سيبها شوية وقت وبعد كدا كلمها تاني وخير أن شاء الله

سيف  أن شاء الله...

يتبع~