حياة جديدة🦋

الفصل الثالث والعشرين

بعد مرور أسبوع...

بدأت نور تستوعب ما حدث وحاولت التأقلم على بعد سيف واقسمت انها لن تأمن لرجل مرة أخرى فكلهم خادعون...

قامت نور وبدأت بتجهيز حالها للذهاب إلى عملها

زهراء  دكتوره نور حمد الله على سلامتك

نور  الله يسلمك

زهراء  حضرتم كويسه

نور  الحمد لله بخير

زهرا طيب كويس عن اذنك

ظلت نور تحاول التعود ولكن كان الشوق يغلبها مرة أخرى،لم تقوى على التركيز مرة اخرى،شاردة دائمًا..

_ممكن ادخل

نور ببرود  اتفضل

سيف  مش كفايه يا نور

نور  اعمل ايه يعني

سيف  انا بحبك يا نور

نور  وبعدين مطلوب مني ايه

سيف  تسامحيني والله انا مكنتش اقدر اقولك في البدايه

نور  وايه اللي خلاك تقدر دلوقتي

سيف  لان الموضوع اتغير انا دلوقتي مسلم قلبًا وقالبًا...

نور   للأسف مش هقدر أثق فيك

سيف  طيب ممكن تديني فرصه واحده بس واحده بس يا نور علشان خاطري

نور   اسفه

سيف بحزن  ماشي يا نور عن اذنك

حاولت نور اظهار عكس ما بداخلها،فبداخلها شئ يريد مسامحته...

نور لنفسها  مكبره الموضوع انتِ ما خلاص قالك اسلم

نور  مكبرة الموضوع  لا طبعا مش مكبراه دا واحد خدعها من البدايه ومقالش الحقيقه،الله اعلم مخبي عنها ايه تاني

زهراء  دكتور نور

فاقت نور من الخناقة مع نفسها عل اثر صوت زهراء

نور  نعم

زهراء  واضح انك تعبانه قومي روحي

نور   لا لا لو روحت هتعب اكتر خليني هنا.
ولا اقولك انا همشي سلام

زهراء  مالها دي

ذهبت نور إلى دار رعاية الأطفال...

نور  السلام عليكم لو سمحتي انا عايزه اكفل طفل

مديرة الدار  عليكم السلام ورحمة الله وبركاته
انتِ متأكده من قرارك دا

نور  اه متأكده

مديرة الدار  حضرتك متزوجه

نور  لا انا عايشه لوحدي

مديرة الدار  طيب ليه عايزه تكفلي طفل ولو اتجوزتي هترمي الطفل دا

نور  لا ما انا مقرره مش هتجوز انا عايزه طفل يبقي معايا وخلاص

مديرة الدار  طيب حابين نعرف بتشتغل ايه وعايشه فين...

نور  انا دكتورة علاج الادمان والتعاطي وعايشه في شقة...
أعطت لها نور جميع بياناتها..

مديرة الدار  طيب تعالي اتفضلي شوفي الأطفال..

تقول نور...

"منذُ رؤيتك للمرة الأولى ولقد أثرت قلبي بكل ما فيه،شعرت بأحاسيس متداخلة وغريبة،لا أعلم مدى تعلقي بك بهذا الشكل احبك يا ذاك الطفل الصغير"

أتى ذلك الطفل عندما رأى نور في الحديقه..

_انتِ نور صح

نور بإبتسامة  ايوه انا

_انتِ وحشتيني اووي ليه اتأخرتي عليا كدا

نور  انا اسفه كنت مشغوله

_كنت بستناكي كل يوم

مسؤلة الأطفال  كان بيعيط لما يسأل عليكي ونقول له مش موجوده

نور  تحب تيجي معايا

_اجي فين

نور  تعيش معايا في بيتي

_واسيب اصحابي

نور   انا هجيبك لأصحابك لما تحب ايه رأيك؟

_الطفل بتفكير   اممم موافق

حضنته نور وشعرت ان هذا الطفل هو عوض من ربنا لها...

يتبع~