حياة جديدة🦋

الفصل الثلاثون والأخير

صباح اليوم التالي....

سيف:نور انا نازل
نور:رايح فين بدري كدا
سيف:عندي مشوار كدا هخلصه واطلع على المكتب
نور:طيب انا كنت عايزه اقولك على حاجه
سيف:اتفضلي
نور:عيد ميلاد سليم بكرا وعايزه نعمله احتفال كدا
سيف:ماشي هبقى اجيب تورته وانا راجع
نور:لا يا سيف مش دا قصدي انا عايزه اعمله احتفال كبير دا اول عيد ميلاد ليه وهو معانا
سيف بتأفف: اعملي اللي عايزاه يا نور سلام
نور: سلام...

ذهب سيف إلى الدار الذي كان يمكث به سليم...

سيف:سلام عليكم ورحمة الله وبركاته
مشرفة الدار:عليكم السلام ورحمة الله وبركاته
سيف:انا مراتي كفلت طفل من فتره وكنت عايز اعرف اهله فين
مشرفة الدار:ليه الولد حصل له حاجه
سيف:لا بس دا طفل بيتربى في بيتي مع أولادي حابب اعرف كل حاجه عنه
مشرفة الدار:اسم الطفل و اسم زوجتك
سيف: سليم و مراتي نور
مشرفة الدار: اه بس الولد دا ملهوش اهل
سيف:يعني ايه ملهوش اهل اومال نازل من السما
مشرفة الدار:قصدي انه اللي جابه حد لقاه في الشارع لكن منعرفش اهله
سيف:الحد دا اسمه ايه اوصله ازاي
مشرفة الدار:اتفضل رقمه اهو...
سيف:متشكر جدًا.

عند نور...
ذهبت لتباشر عملها وبعد أن انهت عملها ذهبت لتحضر للاحتفال...

عند سيف...

: الو عايز اعرف معلومات عن رامي علوان...
.............................................
في مكان آخر...

هالة: داده فينك؟
رامي:تعالي يا هاله عاوزك
هالة:نعم
رامي:انت لسه بتاخدي حبوب منع الحمل
هالة:اه
رامي:طيب متاخديهاش تاني
هالة:ليه
رامي:عايز طفل يا هاله
هالة:نعم
رامي:مالك فيكي ايه
هالة:ما انت رميت ابنك ما تروح تدور عليه انا مش هحمل عايزني احمل علشان تاخده مني تاني مش كفايه قهرتي على ابني الاول
رامي:الاول دا انت جبتيه عناد وانا مكنتش عايز اخلف
هالة:لا هو مش بمزاجك تخلف وقت ما تحب وترميهم وقت ما تحب
رامي:هاله دا آخر كلام عندك؟
هالة:اه
رامي:ماشي يا هاله انت اللي حكمتي على نفسك...

.............................................
عادت نور بعدما انهت تحضيرات الاحتفال...
نور:سولي فينك يا حبيبي
سليم:انا هنا اهو
نور:وحشتني اوي عملت ايه
سليم:اكلت وعملت الواجب وبلعب
نور:شاطر يا نور عيني عارف بكرا انا عملالك مفاجأه حلوه
سليم:ايه هيا
نور:مش هينفع اقولك بس هتشوف بكرا بنفسك هي ايه يلا علشان تنام شويه
سليم:لا انا عايز العب
نور:يلا تنام علشان نصحى نخلص حاجات ورانا علشان المفاجأه
سليم:حاضر...
...............................................
"في الليل"

رامي:اتفضلي يا وداد شرفتي
يا هاله تعالي سلمي
هالة:أهلا وسهلًا مين دي
رامي:مراتي
هالة بصدمة:مراتك!!
رامي:اه مراتي مالك مستغربه ليه
هالة:انت بتتجوز عليا يا رامي
رامي:انت اللي خرجتي عن طوعي وبتمشي بمزاجك خلاص خليكي
هالة:حرام عليك ليه تعمل فيا كدا هُنت عليك،انا هالة حبيبتك حب الطفوله،من امتى وانت بقيت بشع بالشكل دا ليه عملت لك ايه انا
رامي:انت اللي حكمتي على نفسك
هالة:طلقني يا رامي
رامي:انت مجنونه قبرك اقرب لك من الطلاق
هالة بصراخ:حرام عليك انت بتعمل فيا كدا ليه انت عايز مني ايه حرام عليك انا عملت لك ايه طيب عملت ايه استاهل عليه كل دا
وداد:طيب اهدي شويه بطلي صراخ
هالة:انتِ بالذات تبعدي عني بدل والله اموتك
رامي:هالة احترمي نفسك وأنت يا وداد سيبك منها هيا شويه وتهدي وتبقى كويسه...
...............................................