حياة جديدة🦋

الفصل السابع و العشرون

سيف: قوليلي يا نور حابه تسافري فين؟
نور:السعودية
سيف بإستغراب:اشمعنا
نور:نفسي اعمل عمرة أو حج مش هتفرق
سيف:امممم
نور:ان شاء الله نطلع سوا
سيف:ان شاء الله...
نور:سيف تفتكر مامتك راضيه عني
سيف:وليه لا
نور: لان مامتك شايفه اني السبب
سيف:نور انا فهمت ماما كل حاجه ودي حياتي و حريتي انا اللي هحاسب على اختياري لو غلط مش هيا صح
نور:أكيد صح
سيف:نور عايز اتكلم معاكي في موضوع
نور: اتكلم
سيف:سليم
نور:ماله
سيف:ليه مندخلهوش مدرسة داخليه و
نور بعصبيه:سيف انا قبل ما نتجوز قايله لك ان موضوع سليم منتهي
سيف:انا مش بقول نرجعه الدار تاني
نور: واي الفرق بين المدرسه الداخليه و الدار ما هو هيبقى بعيد عني ودار هيأثر على نفسيته وانا مش هسمح بحاجه زي دي تحصل يا سيف
سيف: يا نور احنا لسه صغيرين محتاجين نعيش حياتنا لي تبقي شايله مسؤولية طفل
نور: لما اشتكي لك ابقى اتكلم لكن انا مش متضرره من وجوده بالعكس وجوده بيحسسني بالأمان.
سيف:تقدري تقوليلي لو حبينا نسافر اي مكان هتوديه فين.
نور: واوديه ليه هاخده معايا دا ابني مش طفل مكفول دا بالنسبه لي حته مني
سيف انت عارف ممكن لو ظلمنا الطفل دا أو جراله حاجه احنا نتعاقب ازاي...
سيف بعدم اهتمام:وانا مش واجب عليا استحمل طفل مش ابني
نور بعصبيه:انت اتجوزتني وانت عارف ان معايا سليم وانا مش هتخلى عنه
سيف: تخيلي احنا لسه في الأول وبتقولي كدا اومال لو قعد شويه كمان هتعملي ايه
نور:انا قلت اللي عندي يا سيف
سيف:تمام يا نور
و خرج سيف بعيدًا عن المنزل وظلت نور حزينه على كلامه فهي لا تريد خسارة سليم ولا تريد خسارة سيف...

في مكان آخر وبالأخص في اسيوط...

__ابوس ايدك رجعلي ابني عايزه ابني انت حرمني منه بقالك ٤ سنين هاته وانا مش عايزه منك حاجه والله ما هطلب منك اي حاجه خالص اوعدك هاخده واختفى مش هتسمع عني انا مش عايزه فلوسك ولا عايزه اي حاجه منك بس اديني ابني

: ابنك بح خلاص اختفى ابنك اعتبريه مات قلت الكلام دا خمسين مره وانت مش راضيه تفهمي

__هاته علشان خاطري وانا هفضل خدامه مش عايزه اي حاجه منك أو طلقني وترميني في الشارع انا مش هعترض والله

:يا هاله يا حبيبتي ابنك اختفى الارض اتشقت وبلعته خلاص

__ليه يا رامي هان عليك ابنك وضناك

:انتِ غلطتي استحملي غلطك يا حبيبتي احنا من البدايه كنا متفقين منخلفش انتِ اتذاكيتي و حملتي اعمل لك ايه

__انا غلطت فعلًا يوم ما حبيت واحد معندهوش قلب زيك واحد حجر ميعرفش يعني اي انسانيه وحب.

:امشي من وشي يا هاله بدل اقسم بالله اموتك

__انت مفتري وتعملها عادي مش جديده عليك

:غورى اطلعي برا الاوضه

عند نور...

ظل الوضع متوترًا بينها وبين سيف و وضع سيف نفسه في مقارنة مع سليم وظلت نور حائرة ماذا تفعل...

نور:سيف انت هتفضل كدا كتير
سيف:مالي
نور:انت مش بتتكلم معايا
سيف:عايزاني اتكلم اقول ايه
نور:اي حاجه يا سيف متفضلش ساكت كدا
سيف: معنديش كلام لو أنت عندك قولي
نور:المفروض دي افضل إيام بكون بعيشها معاك بس واضح كدا ان كل اللي بنشوفه بيبقى وهم وتمثيل
نظر سيف إليها ولم يعيرها اهتمام...
دلفت نور إلى غرفتها وظلت تبكي بشدة وتناجي نفسها
: ليه بيحصل معايا كدا ليه مش مكتوب لي أفرح لي حياتي كلها كدا انا عملت اي في حياتي علشان يحصل معايا كدا...
دخلت نور في نوبة بكاء وانهيار ووجدت من يربت على كتفيها
رفعت نور عيناها لترى سليم و تجمعت الدموع في عينيه واخذ يربت على كتفيها
سليم:بتعيطي ليه يا ماما
نور:مش بعيط يا حبيبي في حاجه دخلت في عيني
سليم:عمو اللي برا الوحش دا زعلك
نور: لا يا حبيبي مزعلنيش وهو مش وحش هو حلو وطيب وبيحبك اوي
قام سليم واحتضن نور...

يتبع~~