حياة جديدة🦋

الفصل الثاني♥️

نور بحزن على حالته:هي مكنتش تستاهلك انت ربنا بيحبك اووي المفروض تشكر ربنا علي حاجة زي دي مش احسن ما كنت تتجوزها. تكتشف خيانتها في الاخر…احمد ربنا يا باشمهندس…المفروض تبقي الضربه دي قوتك مش تضعفك بالشكل دا
سيف:تمام شكرا ي دكتورة
نور:بقيت مرتاح
سيف:أه تمام
نور:هسيبك دلوقتي و هرجع اشوفك شويه كدا
سيف:دكتور أنا بحس بدوخة شديدة و مش بعرف انام كويس
نور:كل دا طبيعي دي اعراض الانسحاب
سيف: تمام
ذهبت نور لممارسة أعمالها…وفكرت نور في جلسة مع مرضاها لتخفف عنهم آلآم الانسحاب
نور:زهرة بلغيهم أن هنعمل جلسة مع بعض بعد ساعه
زهره (مساعدة نور):حاضر ي دكتور
نور بداخلها تتساءل:هل لسه في حد بيحب بالشكل دا…لسه في حد قلبه صادق في حبه…آه يا وجع قلبي
بدأت نور تسترجع ذكرياتها مع حبيبها و كيف كانت تحبه ولكن هو تركها قبل زفافهم باسبوع…تركها بمفردها بعد معرفته بمرضها…تركها وهو يعلم انها تحبه حد السماء…
*FLASHBACK*
:الو استاذ زين انسه نور في مستشفى*****
ذهب زين الي المستشفى ليرى نور ملقاة على سرير و بيدها محلول معلق والكثير من الاجهزه حولها..
دكتور:حضرتك قريبها
زين:أه دي خطيبتي
دكتور:تمام اتفضل معايا
زين:خير يا دكتور ايه اللي حصل
دكتور:مكدبش عليك بس الآنسة نور عندها مرض مزمن في القلب (عندها عيب خلقي في القلب)
زين:طيب دا ايه علاجه
الدكتور:إحنا هنمشي علي علاج فتره ولكن لو متحسنش حالتها هنضطر لتدخل جراحي٬ممنوع الإجهاد مهما حصل لان دا يعرضها لخطر كبير
زين:تمام يا دكتور شكراً جدا لحضرتك
الدكتور:العفو ي فندم
ذهب زين الي غرفة نور وظل بجانبها حتى استجابت للوعي
نور:زين اي اللي حصل
زين:حمد الله علي سلامتك ي نور
نور باستغراب من طريقته:في ايه يا زين
زين ببرود:الدكتور قال ان عندك عيب خلقي في القلب وهو سبب تعبك دا
نور بخوف:حالتي خطر يازين
زين:معرفش
نور:مالك يا زين أنا هبقى كويسه ان شاء الله
زين:نور أنا مش هقدر اكمل معاك
نور بعدم استيعاب:يعني ايه
زين:زي ما سمعتي أنا مش مضطر لو كملنا عيالي يبقوا عندهم مرض في القلب لمجرد اني خاطرت واتجوزت واحده مريضه بالمرض دا سلام
ظلت نور لم تتحدث مع احد فهي رافضة ما قاله زين…قلبها لم يصدق ماذا حدث…هل استطاع أن يتخلى عنها بهذه السهولة…
BACK…
فاقت نور علي صوت زهره
زهره:دكتوره أنا بكلمك من بدري وانتِ مش بتردي عليا
نور بألم:اسفه يا زهره كنت سرحانه شوي
زهره:عادي ولا يهمك بس حضرتك قلتي بعد ساعه هتجتمعي معاهم
نور:حاضر هعمل مكالمه و اروح اتفضلي انتِ…
ذهبت نور للقاعة…
اذكروا الله☀️
دخلت نور بابتسامة كعادتها…
نور قائلة:اهلا اهلا بأبطالي الحلوين..حبيت اجمعكم لاني حبيت اعرفكم على بعض..وحبيت اقول كام حاجه برضو..احنا أعمار مختلفة عندنا من 11 سنة وشاورت على ولد(رؤوف) لغاية سن 45 و شاورت على امرأة (ساره) وأكملت قائلة كل واحد فيكم كان طريقه مختلف و سبب مختلف يخليه يمشي في طريق الإدمان…عايزاكم قبل أي حاجه كل واحد يحمد ربنا ان هو دلوقتي هنا و ان لسه في عمره بقية…في كتير للأسف مش بنقدر نلحقهم و نساعدهم..
اتفضلوا مين يحب يبدأ…
:انا ممكن ابدا
نور بابتسامة:اتفضلي يا رنا
رنا:أنا اسمي رنا عندي 17 سنه…مدمنه بقالي سنتين…قررت التعافي علشان نفسي فجاه حسيت ان حياتي غاليه اووي…
رنا بندم:سبب ادماني كان صحابي…انا كنت كائن انطوائي ومليش صحاب خالص…انتقلت مدرسة جديدة و قررت اصاحب عشان مكنش لوحدي..مكنتش اعرف ان هما يكونوا سبب في دمار حياتي…ف يوم قالولي تعالي هنخرج وكان أول مره اخرج مع صحابي و نزلنا و ابتديت اشوفهم بيدخنوا وبدأوا يعرضوا عليا…أنا رفضت في البداية ولكن زي ما بيقولوا الصاحب ساحب عرفوا يأثروا عليا
رنا بعياط:انا خسرت كل حاجه في حياتي…وكنت هخسر حياتي لولا ستر ربنا الحمد لله…أنا بقالي 4شهور في التعافي ومبسوطه بالوضع الحالي اللي وصلت له…نفسيا و جسديا أنا كويسه جداا…
نور بتشجيع:اقوي بطلة في الدنيا وانا فخورة بيكي جدا جدا في ناس مش بتعرف توصل لكدا فخورة بيكي و مؤمنه أنك هتبقي حاجة كبيرة اوي
رنا:شكرا جدا ليكي يا دكتور بجد لولاكي بعد ربنا مكنتش هبقى كده
نور:العفو🤍
نور قالت مكمله:مين حابب يتكلم تاني؟!
:_انا ممكن
نور:اتفضل ي ادهم
أحدهم:أنا ادهم عندي 21 سنة…مدمن بقالي 4سنين…قررت التعافي علشان حبيبتي…
سبب ادماني هما اهلي…امي وابويا كانوا دايما مسافرين…كان اهتمامهم الأول والاخير هو ازاي يجمعوا فلوس…يجمعوا فلوس وبس وشايفين ان اي حاجه تتحل بالفلوس…أنا مكنتش محتاج الفلوس قد ما أنا محتاج حضن ابويا…محتاج حنية اميي..الفلوس هيا السبب لكل دا…وبدأت أشرب علشان انسي كل داا…انسي ان هما سايبني في اكتر وقت أنا محتاجهم فيه…لغايه ما بقيت مدمن…كل صحابي بعدوا عني لغاية ما قابلت بنت وحبيتها…وهيا اللي ساعدتني اني ادخل المركز…
نور بابتسامة:اقوي ادهم…
قطع كلامهم دخول ولد طويل ذو عضلات كبيرة…
ماهر:السلام عليكم ورحمة الله وبركاته
نور بابتسامة:وعليكم السلام ورحمة الله وبركاته
اعرفكم ب ماهر..ماهر كان معانا هنا ف المركز و يتحول من مدمن للشكل دا كابتن جيم وصاحب محل عربيات كبير
حبيت اجيبه النهارده علشان يديكوا آمل أنها مجرد فتره وهتنتهي ولكن بمجرد انتهائها هيتولد جوا كل واحد فيكم شخص جديد…
ماهر بفرح:والله يا دكتورة مش عارف اقول حاجه بعد اللي حضرتك قولتيه دا…أولا هي بتبقي هداية من ربنا…احنا بنبقى ماشيين في طريق غلط…نضحي بحياتنا ومش بس حياتنا…احنا كمان بنضحي وأهلينا والناس اللي بيحبونا…اسباب الادمان كثيرة ومختلفة ولكن تؤدي في الآخر الى نهاية واحدة…في كتير فاق بدري وبدأ في التغيير وفي ناس مش بتلحق وبيبقي الطريق نهايته موت…
أنا قعدت 6سنين في طريق الادمان…خسرت حاجات كتير…خسرت فلوس…خسرت شغل…خسرت كل حاجه لدرجة انها وصلت لابني
ابني كان المفروض يعمل عمليه…وانا اخدت الفلوس دي جبت بيها بودره…ابني دخل في غيبوبه…الدكتور وهو يبلغني بالخبر بقيت شبه ميت…ابني هيروح مني…مراتي طلبت الطلاق…حياتي انهارت من وقتها وانا قررت اتغير…علشان نفسي و مراتي و عيالي…
اتعافيت كتير و انتكست اكتر بس متفقدش الامل…طول ما في اراده صدقني هتقدر التغلب علي أي حاجه في الدنيا…
نور:اتمني تكونوا استفدتوا من الجلسه دي…
اللي بيبقي حاسس انه محتاج يقول اي حاجه يقدر يكلمني…

قامت نور وهمت بالرحيل…